If you have would like a copy of this version please contact info@davaraudiobibles.org

Text: Gowli New Testament, CC-BY-SA-4.0, The Love Fellowship. -- Audio: Gowli New Testament Audio Bible, CC-BY-SA-4.0, Davar Partners International, The Love Fellowship, 2023

Gowli New Testament

Gowli (गवली) Bible by The Love Fellowship is licensed under Creative Commons Attribution-ShareAlike 4.0 License.

डीका टेमो चेलाकू यीशु गा मेरान कोकाम्बारा लज्जे, कि स्वर्ग गा राज्यन खाटजे होय? एने लिंजेन यीशु नी म्या सानी के मेरान हाकोटे दिकु तलान तेंगेन्केनेच। एठा मंडीके, इंज साच्चो मंडीवाकी, अगर आपे बान इखाट एठा चफनीकू रोंगो बाकी आरु, मेटे स्वर्ग गा राज्यन मु बाने होय। लेकिन अगर आम इनी सानी रोंगो भी नम्र आरुवा मेना, मेटे आम स्वर्ग गा राज्य गेन सेबाईकु टे महान मंडीऊवा। एठा जो जेकाभी इंजा जीमू टे म्या येनोगो सनी के मानेनेज्बा होय।


डाबोलटे यीशु नी चेलाकू टे मंडीके, “अगर जेकाभी डी कोरो के जो इंजा लिंजेन विश्वास दोडोवा। दियागा विश्वासेन खेडा जोम गा करण आरु होय। भलाका डीच इनी सनी रोंगो जेका टासो, इनी दियागा घाल्जी अच्छा होय कि दियागा गर्दनेन म्या खाट घोटा टोल्के टासो एठा डीचके नामुजू घाल्जी समुद्रान टेप्पाकेच। बुरा गा वोजीटे दुनिया लिंजेन धिक्कार! बुरा डाऊ जरुरी होय पेनो धिक्कार होय डी कोरो लिंजेन दियागा वोजीटे बुरा डाऊवा होय।
अगर आपे पापो दडा गा घल्जी अमा टीके आपना नंगाके कमाय गेन येंडा गा सोचोन होय, मेटे इनिके म्हाकी। म्या टी या नंगा गा बिना स्वर्गेन मु मुश्किलुबा, पेनो बरी भी टी या नंगाके दोडो एठा हमेशा गा सिंगेलेन मु ठायका बुरा होय। अगर आपे पापो दडा गा घल्जी आपना मेटके कमाय गेन येंडा गा सोचोन होय, मेटे इनिके म्हाकी। म्या मेट गा बिना परमेश्वर गा राज्यन मु मुश्किलुबा, पेनो बरी भी मेटके दोडो एठा नरक मु ठायका बुरा होय।


ध्यान डोए कि आपे इनी चाफनी कुटे जेकाकेभी बेकार नजर टे बाकी दोडो। इंज आपेके घाले डा कि स्वर्गेन इंकुगा स्वर्गदूत हमेशा इंजा स्वर्ग बाटे सेंग्गोन होय। चोयाकी इंज कोरो गा कोण आटजे मिंकूके बबाचातिंज हेन होय। आपेन चोच सामझातिंजूवा होय? अगर तुनिका कोरो गा सौ मेंडाकू टासो दिकु तलाटे म्याखोम आटजे टासो, मेटे चोच नव्यनाऊ आराटे एठा टुक्की लिंजेन सेनेवा डो, डी आटजे मेंडाके बान घगाटा? एठा अगर येनोगो डाऊ कि डीचके घाटाएच, मेटे इंज आपेटे साच्चो मंडीवा, कि देटेन डी नव्यनाऊ मेंडाकू घल्जी जो आटडुका येटो खुशोऊ बाने, देटोका इनी मेंडा घल्जी डाएवा। इनिघल्जी आलेगा बाटे जो स्वर्ग गेन होय दियागा इनी इच्छा बाने, कि इनी सनीकु तलाटे म्याखोमभी सनी नाशोऊ बाकी।

अगर आमगा डाई आमगा खिलाफबेन जेका गुनह डाए टासो, मेटे सेने एठा बताचितो डो, डीचके सामझातिंजेज, अगर देटेन अमा आजुमे एठा पश्चताप डाए मेटे आमनी अमा डाईके घाटाएच्बा। पेनो अगर अमागा बातो बान आजोम टासो, मेटे अमागा सेंग्गोन म्याखोम बार्खिंज दियागा मेरान सैय्याकु, चोयाकी मूसा गा नियम रोंगो हारेक आरोपके बार्खिंज या घोनेच गावही के साही साबित डाए होना। अगर देटेन दिकुगा बातो भी बान ममानातिंज टासो, मेटे मंडली टे मंडीकी, अगर डीच मंडली गा बातो भी बान ममानातिंज टासो, मेटे दियागा सेंग्गोन डीका खिजाटे व्यवहार डाए जैसा आम तुनिका अलग्गो जाटो या टेक्सा सा मिंकू गा सेंग्गोन डाएवा।

इंज आपेटे सच्चो-सच्चो मंडीवा मेना, जो चोचकाभी आम पृथ्वी लिंजेन टोलेवा, देटेन स्वर्ग गेन टोलेवा एठा जो चोचकाभी आम पृथ्वी लिंजेन खुल्लाएबा, देटेन स्वर्ग गेन खुल्लाएबा। इंज आमटे डाबोलटे मंडीवा मेना, अगर आपे तालाटे बरी कुरकिंज पृथ्वी लिंजेन तुनिका विषय लिंजेन म्या मन टासो बिनती डाए, मेटे देटेन इंजागा बाटे जो स्वर्ग गेन होय आपिंजके डी बिनती गा जवाब जेबा। चोयाकी तोटेन बारखींज या आफाई कुरकू इंजा जीमू टे जमाऊबा होय इंज दिकुगा तलान थंदळवा मेना।”

मेटे पतरस नी मेरान हेंडो, डीचके मंडीके, “हे प्रभु, अगर इंजागा सेंग्गो विश्वासीकु पापो दडा टासो, मेटे इंज चोटो बार मापोकु, चोच सात बार टायेन?” यीशु नी डीचके मंडीके, “इंज आपेटे इनी बान मंडी, कि सात बार, पेनो सत्तर गा सात गुना टाएन आमके डीचके मापोकेच होना।” “स्वर्ग गा राज्य गा इनी उदहारण गा रोंगो होय, म्या स्वामी नी हेजा भाग्य टे लेखा-जो कासा चहतावा।” मेटे देटेन लेखा सा लज्जे, मेटे म्या कोरो दियागा सम्मान सालेनेच जो 10,000 बोरा सोना गा चिक्खा (म्या भाग्य जिंदगी भोर बान फिटागु) कर्जो कोरो डा। लेकिन फिफीटा घल्जी दियागा मेरान चोचकाभी बाऊ डा, मेटे स्वामी नी मंडीके, कि डीचके एठा दियागा जापाएटे, एठा चफनीकू सेबाई किजिकी, एठा देटेन कर्जो चुकातिंज्की। येने लिंजेन डी भाग्य नी इटानजेडो नंगा साब लज्जे, एठा मंडीके, “हे स्वामी, आराम्बो डोए, इंज सेबाईका भेट्टेवा।” मेटे राजा डी भाग्य लिंजेन असान हेन्ड़ो दियागा कर्जोके मापोके।
पेनो मेटे देटेन भाग्य बाल्लन ओटजे, मेटे दिया सेंग्गो भाग्यकु तलाटे म्याखोम दिजेन घाटाएन, जो दियागा सौ दिनार (सौ दिन गा मुंजीरी) कर्जो कोरो डा। डीचनी डीचके उठाकेनेच डो, दियागा गर्दन कोळेचके, एठा मंडीके, “जो चोचकाभी अमा कर्जो होय भेट्टीकी।” येने लिंजेन दियागा सेंग्गो भाग्य नंगा सुबान बोचोयेनडो, दियाटे बिनती दडा लज्जे, आराम्बो डोए इंज सेबाई भेट्टेवा। पेनो डी भाग्य नी दियागा बिनती लिंजेन जरासा भी बान डुका, डीचके सैय्येनेच डो जेलेन येंडाकेनेच जब टाएन दियागा कर्जो बान हिरा टाएन, देटेन जेलेनका थंदळे। दियागा दूसरा भाग्यकु नी इनी घटना धोटे भेबाव नराजोएन, एठा ओलेडो राजा के पूरा हाल घाल्के। मेटे राजा नी डीचके हाकोटे डीचके मंडीके, “हे बुरा भाग्य, आमनी जो इंजाटे नंगा सबटे बिनती डाके, मेटे इंज्नी अमा पूरा कर्जो मापोके। इनिघल्जी जैसा इंज अमा लिंजेन दया घाल्के एठा अमा कर्जो मपोके, डेनोगोका, चोच आमकेभी अमा सेंग्गो भाग्य लिंजेन दया बान दडा होना डा?” एठा स्वामी नी भेबाव खिजोन डा, मेटे डीचनी डी नौकर सजा जिऊ घल्जी जेलेन कुल्केनेच। एठा हेजा हाकगेल्ला टे मंडीके जब टाएन देटेन सेबाई कर्जो हिरा बान टाएन, मेटे टाएन डीचके जेलेन सजा जे। “इनी रोंगो अगर आपे तलाटे हार म्याखोम हेजा डाईटेके मन टे मापो बान जिऊ, मेटे इंजा स्वर्ग बाटे आपेगा सेंग्गोन येनोगो डाएवा।”

Escuchar मत्ती 18