Versículos bíblicos populares de Lukas 10

Compartir

Nej ua tibzoo mloog! Kuv twb pub hwjchim rau nej kom nej tsuj tau nab thiab raubris teb, thiab nej muaj peevxwm kovyeej txhua yam hwjchim uas los ntawm tus Yeebncuab los; yuav tsis muaj ib yam dabtsi ua rau nej raug mob.

Tus Tswv teb tias, “Mathas, Mathas 'e! Koj txhawj thiab ntxhovsiab rau ntau yam haujlwm kawg li, tiamsis tsuas muaj ib yam thiaj cheemtsum xwb. Malis twb xaiv tau yam uas zoo ntawd lawm, yeej tsis muaj leejtwg yuav txeeb tau yam ntawd tawm ntawm nws mus li.”

Tus txivneej ntawd teb tias, “ ‘Koj yuavtsum hlub tus Tswv uas yog koj tus Vajtswv, kom kawg siab kawg ntsws, kawg plab kawg plawv, kawg dag kawg zog, thiab kawg lajlim tswvyim’; thiab ‘Koj yuavtsum hlub koj tus kwvtij zejzog ib yam li koj hlub koj tuskheej.’ ”

Yexus hais rau lawv tias, “Cov nplej uas zoo hlais lawm muaj ntau, tiamsis cov tubzog uas hlais muaj tsawg. Nej ciali thov tus tswv teb kom nws txib dua ib co tubzog mus pab hlais nws cov nplej.

Thaum xaus, Yexus thiaj nug nws hais tias, “Koj sim xav seb, peb tug no, tus twg thiaj yog tus neeg raug tubsab ntaus ntawd li kwvtij zejzog?” Tus xibhwb uas qhia Kevcai teb tias, “Yog tus uas muaj lub siab tabncuab tus uas raug ntaus ntawd.” Yexus hais rau nws tias, “Yogli, ces koj ciali mus thiab ua nkaus li ntawd.”

Ciali mus! Kuv txib nej mus zooli pab yaj uas mus nyob hauv plawv pab hma.