Versículos más leídos de la Biblia JOHN 15

Compartir

“Ina drakhārongna, kala nathumna aphāngbingna. Iwuili khaleia kala ina awuili khalei, a chi athei tarakha khamatheia china, kaja I mazangla nathumna khikha masararmana.

Ili zanglu, chieina ina nathumli zangra. Aphāngna arongli maleiakha athei mamatheipaimana, chi tākam eina nathumna ili maleiakha athei mamatheipaimana.

Nathumna ili zangda iwui tuila nathumli leiakha, nathumna ningkachāng kapopo chi samphangra.

Nathumna ili kapangkakhui maningmana, kha vāda athei mathei khavai kala athei chi mashimān khavai ina nathumli kapangkakhuina kala kachipamna; chieina nathumna iming singda kapo saikora Avāna mira.

Ngasotnaobingwui vang manglā chihokhami hili lāngda hakkhamei leikashi maleimana.

Athei makhamathei iwui aphāng kachiva̱ ana yortāhai, kala athei khamathei aphāng kachiva̱li chungmei mathei khavai sāmathāmi.

Hi iwui ningkhamina, ina nathumli leikashi thada nathum akha eina akha leishi ngaroklu.

Hithada nathumwui athei tarākha khamathei china iwui Avāwui tekhamatei phongshoka, kala china nathum iwui sākhangatha̱bingna da chithei.

“I akachanga drakhārong china kala iwui Avāna drakhārong sākhamathaana.

Kachikathāna ili mazangakha aphāng katheng thada katatkhui, kala kazipkhuilaga meili horsangda chuitā ngasaka.

“Ina nathumli kahāng hi iwui ringkaphā chi nathumli leikhavai kala nathumwui ringkaphā chi kāshungchao khavai kasāna.

Nathumna iwui ningkhami mayonakha, ina iwui Avāwui ningkhami mayonda awui leikashili khalei thada nathumla iwui leikashili leira.

Hi iwui ningkhamina; akha eina akha leishi ngaroklu.

Nathumna apug-apagvawui ngasakha, apuk-apagva̱na awui chili leishira; kha ina nathumli apuk-apagva̱wui eina kapangkhuihaoda nathum apuk-apagva̱wui maningmana, chiwui vang eina apuk-apagva̱na nathumli ningkachai.