Versículos más leídos de la Biblia Ćerdipna e apostolengere 5

Compartir

A o Petar thaj e apostolija irisarindoj vakerde: E Devlese valjani te mekamen tele majbut kotar e manušenge.

Thaj sako dive ano hramo thaj ko khera na ćhinavde te sikaven thaj te vakeren o evangelium kotar o Isus Hrist.

A o Petar phenđa: Ananija, sose pherđa o beng o vilo klo te xoxave e Đese Sumnalese thaj garave kotar o love so leljan baše umalin? Kana sinele ane tute, na sinele li kli? Thaj kana bikninđan la, na sinele li ane kle vasta? Sose asavko šej ćhutan ano vilo klo? Na xoxavdan e manušenge aj e Devlese. A kana šunđa o Ananija akala lafija, pelo thaj mulo; thaj bari dar lelja sarijen kola šunđe akava.

Thaj akana tumenge phenav: Nakhen tumen akale manušendar thaj meken len: aj te sinele kotar e manuša akaja gnd ja akava kotor, ka perel; No te si katar o Devel, nakašti le te peraven, kaj sar vi e develmarutne na arakhen.