Versículos más leídos de la Biblia Evangelium e Jovanostar 16

Compartir

Akava tumenge mothovdem, kaj ana mande šandipe te ovel tumen. Ano them ka avol tumen dukha; aj ma daran, me upralzurardem o them.

A kana avel Ov, o Đi Čačimasko, ka andrisarel tumen ano sa čačipe; kaj ni ka vakerel pestar, aj ka vakerel odova so šunel, thaj ka mothovel tumenge odova so avel.

Đi akana ni rodinđen khanči ano anav mlo; roden thaj ka len, kaj o lošaripe tumaro te ovel pherdo.

Aj me tumenđe o čačipe vakerav: lačhe si tumenđe me te đav, te me na geljum, o Kovljarutno na ka avel ke tumende: aj te geljum, ka bičhalav le tumende. Thaj kana Ov avel, ka mahril o them bašo bezeh, thaj baš vortope, vi baš o kris.

Thaj tumen, ađahar, isitumen akana dukh; aj tumen palem ka dikhav, thaj ka lošarel pe o vilo tumaro, thaj o lošaripe tumaro khonik na ka lel tumendar. Thaj ane odova dive naj te Phučen ma khanči. Čače, čače tumenge phenav kaj sa so roden kotar o Dad ano anav mlo, ka del tumenge.

Čače, čače tumenge phenav kaj ka tumen roven thaj hincisaren, a o them ka lošarel pe; thaj vi tumen ka oven dukhavne, aj tumari dukh ka irinelpe po lošaripe.