Versículos más leídos de la Biblia लू‍कस 8

Compartir

अरा जोक्‍क आलर बिहनी खत्रका दौ ख़ॆख़ेल लेक्‍खा हिकनर। आर कत्‍थन मेन्नर ती सत अरा फरी जिया नू सम्ड़'अरकी उइय्नर अरा सहेलहे गने ख़ंजनर।

जोक्‍क आलर बिहनी खत्रका अच्‍च-ख़ोप्‍पा ख़ॆख़ेल लेक्‍खा हिकनर। आर कत्‍थन मेन्नर लिकिन आर तंग्‍है उज्‍जना नू मुन्द कालो बारी ख़ॆख़ेल ता फिकर अरा खुर्जी अरा मया-मॊह आरिन अरबी ख़ने आर बड़ियर मना पोलनर।

जोक्‍क आलर बिहनी खत्रका पखनोरी ख़ॆख़ेल लेक्‍खा हिकनर। आर कत्‍थन मेन्नर ती रिझ्रनुम इंझ्रनर। लिकिन आर तम्‍है जिया नू गड्डी गूटी कत्‍था मल खुपना चड्डे आर जुक्‍किम उल्‍ला गे कत्‍थन पत्त'अनर अरा सस्ती बर'ई ख़ने अदिन लॆम अम्‍बनर।

येसुस आरिन बाचस, “नीम एन्‍देरगे एंग्‍है म‍इय्याँ असरा मल नंजकर?” आर इल्‍चियर केरर अरा अकबक मंजर ती ताम ताम ब'आ हेलरर, “ईस एकासे आलस हिकदस, ईस गा घटा अरा अम्मन हूँ पॆसदस, अबड़ा हूँ आसहीन मिनी?”

जोक्‍क आलर बिहनी खत्रका डहरे लेक्‍खा हिकनर। आर कत्‍थन मेन्नर लिकिन सैतान बर'अरकी आर ही जिया ती आ कत्‍थन पिसी हु'ई। औंगे आर अदन मल पत्त'ओर ती अम्‍बोर नाड़र'आ।

एन्ने धर्मेस तंग्‍है सत आबोन नुड़'आ मल बेद्ददस, आस अदिन ऎद'आ बेद्ददस, अरा एन्ने एन्द्रा हूँ एन्ने मल्‍ला नूख़्रका का आद मल अख़तार'ओ अरा मल ऎथ्र'ओ।

ख़ने आ मुक्‍का ईरया का ऎन नुख़्र'आ पोल्‍लोन ब'अरकी इल्‍चनुम बरचा ती आसी ख़ेडमूली खत्रा ती ओर्मर ही मुन्दहारे तिंगिया का ऎन एन्‍देरगे आसिन ऎंवसड़कन अरा लॆम एकासे कोड़े ख़क्‍खन। येसुस अदिन बाचस, “अना ख़द्दो, नीन एंगन पत्ताचकी औंगेम नीन उजगारकी, कोड़ेम किर्रिम बि'अय।”

ख़ने आर येसुस हेद्दे बरचर ती एज्‍जर ती बाचर, “उर्बायो! नाम मूलख़ा कालदत।” ख़ने येसुस चॊचस ती घटन अरा लहरन केप्‍पस। ख़ने अबड़ा मड़चा केरा।