Versículos más leídos de la Biblia Lúcas 23

Compartir

Mu qué ore déji Jesús gari uje ore chajo aja curesei ga Jesús catecã́ri dayé Dupade ome ore ga chósi tome: –Yapá, ca o bajocaningame ore jne. Que ore chiraja uyu gosi gu.– Uje e ore chimate Jesús ore aja cureséode ga soldádode ore canáriji Jesús iguidedie ejode ujetiga ore ajñamini yungónique gajnei Jesús iguidedie.

Enga Jesús chajnai uté uruode ga chósi tome: –Jé ũrepise yu ome yuruode uje yósi te ome ua, a jĩrique yimóngo ñane gajneri iji yapade idai iji gaté, jnupe ueradi, uje baqui jé u to gu.

Enga jé u uje jnani oriechoqui tuté uje chirota Jesús qué catecã́ri Jesús ga chósi tome: –Jesús á, ujetiga ese báringárique dacasuté dirome iji bedai ga ca báyipieraque jnoji yu to dirome.

Mu cuchade udojo chejna daguesi ga jé u uje Jesús tibite. Ga chósi te: –¡Yapá, yẽra yáyipie tome ua ujetiga yijíñome yu iji bajmainie jne é!– Mu chejna daruode udojo guesi ga jé u uje toi.

Mu ore chise ore gajmitique uje i tu Patodé Ajnoquei. Ga ore chicha Jesús ore cachodi aja. Ga jé ore chátaja jnani oriechoqui gareiso ore uje ore chajo ore aja cureséode to. Ga ore chicha uñai aja Jesús ãrachua. Jé basa ore chicha uñai aja arasé.

Enga a e déji guedé gatócoro iji deréjnai tuté. Mu ore chunina mu deréjnai tocade ome ore ga topiepise jnumi ga jé chuságaja guedé uje cho jñuque uje topiéjna jnumi. Jecute que guedé pusapoi dáringárique guedé rĩ. Ga topiepise edo. Mu jé basa ga borapeque cuchábi casé iji Dupade iguíjna cuchábi ajei puyai yui dajúguiji gatócoro.

Uje soldádode ore eduguéjnai rómagotique pañaji Jesús adode udojo ga jec u uje tija Dupade ga chósi tome: –¡A jé ũrepise uje jnani ujñapetaque uté jõ!