Versículos más leídos de la Biblia CHƆN 10

Compartir

Kanka tana, ɛ na dechee kanka chɛ koe an na, fen fa koe a, a basan kasaa chɛ koe a. Chɛɛ n fan, n na‑a, min mbe a ma, n 'na sa n ni fɔɛ ma sɔn, kuɔ fɔ fɔɛ. An sin, an fɔɛ chɛ ɔ, an mbe n 'na dua gbɛɛ ma sɔn‑da wan.

“N mbe wan yɔ sa kun ma fɛn mɔɛ chɛndɛ, min ma bɛnden mu a fɔɛ be koe a, a 'a sa n ko a.

N 'na sa n mbe an too ma sɔ wan n da a bai ma, n mbe min fɔ. N‑na an sɔn, a sin, an mbe bea wan n fɛ.

N fɛ mɔɛ nu, n mbe kuɔ fɔ fɔɛ an be‑a an ma, min mbe a ma, an mbe ee fa‑a, an ni to saya ɔ. Mɔ ɔ mɔ ee che an bɔ‑a n boo ɔ.

N fan mu sa kuii chɛ da a. Ni mɔ ɔ mɔ ben‑da n tena chia a, a ni don, a mɔɛ chɛ ɛ kun ka ma sɔn‑da wan. Ɛ don‑da wan, a ni bɔ, a faa ma a. A sin mbe a daun fenɛ ma sɔn‑da wan.

N fan mu sa kun ma fɛn mɔɛ chɛndɛ a. N‑na n ta sa n sɔn fan, a sin, n 'na sa n bɛɛ, an‑na n sɔn fan.

Fa min‑na an be n ma, a 'a gbasaya benden mu fen kɔ fen ma. A sin, mɔ ɔ mɔ ee che an bia‑a gbasaya a, an ni bɔ Fa boo ɔ. Nn fea Fa a, mɔ dɔndɔɛ mu nn na.”

Ɛ ka wan dechee, yɔ Fa‑a n sɔn buɛ min dɔ chɛndɛ chɛ, n bɛɛ, n‑na a sɔn ka wan. A sin, n ma bɛnden fan mu, n fandi be koe a, n 'na sa n na tɔnɔnɛ ko a.

Mɔ ɔ mɔ ee kun a ni n fɔɛ ya n sun da a. Chɛɛ n fandi gbu, n fan mbe n fɔɛ be‑a. Gbasaya been mu n fandi an ma, n fandi fɔɛ be koe a, an ni n fa. A gbasaya chɛ ɛ to n fandi an boo ɔ, a ma koe a to, n ni yɛ fɔɛ ɔ. Fa na‑a a fɔ ka wan n ye, a ma koe a.”

Chɛ‑a a ma wan, mbɛ Chisɔsi ɔ, “Ka n mbe chɛ ma din wo tena. N mbe wan dechee yɔ sa kuii chɛ da, sa chɛ n mbe don min na, an mbe bɔ.

Chɛɛ mɔɛ chɛ tana, an mbe min pawa sa chɛ n kun ma fɛn koe a, a ee chɛ ma. Ni a‑a kui yen na‑a, ɛ sa chɛ n to wan, mbɛ a ben‑da bui‑a, a mu min na, a wan ta ma an na. Chɛ ɛ a ma wan, kui chɛ ni chɛ dɔndɔ ma, mbɛ a tɔɛ n fasan‑da a ɔ.

Mbɛ Chisɔsi‑a a fɔ, a ɔ, “Ka n mbe chɛ ma din wo tena. Mɔɛ min mbe ee don‑da sa kuii ɔ, a da 'a chia a, chɛɛ ɛ sɛ‑a chia dɔ mende a, a mɔɛ chɛ mu kanka kona wa an na.