Versículos más leídos de la Biblia Jäqui'ves Corintoĉantyidyes 1

Compartir

Timaꞌqueja muꞌ Jenꞌ, muꞌ Jesucristoty Jenꞌ muꞌ, muꞌ nash tsuntyiꞌ Ayoꞌ, ĉaĉaij na muꞌ Jenꞌ räjĉan där ñịbeꞌ ĉúsinꞌ tsun, judyeyaꞌ jiĉujshaꞌ yuꞌsinꞌ ĉojtyiꞌĉan tsun. Jenꞌ jiĉujshaꞌ yuꞌsinꞌ ĉojtyiꞌĉan tsun táredyeꞌyaꞌ, junꞌsiꞌ chuc ñịbedyes jịꞌĉojtyejaꞌyaꞌ tsun, paj qui meꞌ tupuj tsun yoctyiꞌ jiĉun yụꞌtacsebajshaꞌ ĉojtyiꞌĉan muꞌin táredyeꞌĉan bäꞌyity in, junꞌsiꞌ chuc muꞌin joꞌmes jịꞌĉojtyeꞌ ñịbedyes in. Yojdyemꞌ Jenꞌ u jiĉujshaꞌ yuꞌsinꞌ tsun, meꞌdye raꞌ tsun chimeꞌ jiĉun yụꞌtacsebajshaꞌ muꞌin ñịbeꞌ cạvety in.

Tsun q̂uinꞌ därsiꞌ ñịbedyes jịꞌĉojtyejaꞌ jụijyaꞌ tsun, yojdyemꞌ muꞌ Cristo jịꞌĉojtyeꞌ jiquej u, meꞌdye muꞌ chimeꞌ Jenꞌ Cristoyaꞌ muꞌ anic där jiĉujshaꞌ yuꞌsinꞌ ĉojtyiꞌĉan tsun táredyeꞌyaꞌ tsun.

jeñej vaꞌtacdyety sänꞌdyety, meꞌ ĉúti tsun. Ọij chäcdyis ñịbedyes tuyin tsun yiris jiꞌchäyitidyeꞌ mọꞌ dyijyedyeꞌ Jenꞌsiꞌ muꞌ, paj qui jam ĉụiꞌsiꞌcheꞌ ferdyeꞌ ĉúti tsun, paj qui Jenꞌchemꞌ ĉúti tsun, muꞌ vañinjeyacsebantyiꞌ säñity in.

Muꞌdye fer buꞌyi yuꞌsinꞌ tsun, ĉaĉaij na vaj cäts Cristoty tsun. Chimeꞌdye muꞌ Jenꞌ tsimꞌsinꞌ tsun, judyeyaꞌ muꞌ soꞌmisinꞌ ĉụiꞌsiꞌ Ạꞌedyeꞌ muꞌ, mọꞌ cac̣htacdyeꞌ buꞌyiꞌ Jenꞌsiꞌ muꞌ, mọꞌ jịꞌĉocdyeꞌ shupquiꞌ aty Jenꞌtyiꞌ tsun, mọꞌ yacchutis ñịbeꞌyedyeꞌ mọꞌ jorojĉanyiꞌ räj raꞌ ñịbeꞌjisinꞌ.

Chimeꞌdye q̂uinꞌ tsun, jịꞌĉojtyeꞌ ñịbedyes jụijyaꞌ tsun voroꞌtacdyeꞌyaꞌ miꞌin, meꞌ jịꞌĉojtyeꞌ tsun paj qui tupuj jéyac miꞌin mọꞌ p̂eyacdyeꞌ c̣honꞌdyedyes, paj qui jiĉunve miꞌin. Jenꞌ qui namꞌ jäꞌmij jiĉun yuꞌtyin ĉojtyiꞌĉan tsun paj qui tsun meꞌdye chimeꞌ jiĉunve yụꞌbadyeyac ĉojtyiꞌĉan miꞌin, paj qui miꞌin chimeꞌ tyumꞌchuti ñịbedyesyaꞌ miꞌin. Yódyemꞌ tsun ñịbeꞌ cạvise u, meꞌdye miꞌin chimeꞌ.