Versículos más leídos de la Biblia Mateos 28

Compartir

Mọꞌdyes tạij miꞌin, paiꞌ ọij jac jịjcajamꞌ yoc yoc p̂eyaquity in ĉọcseĉamꞌ, jịꞌchiyacsi raꞌ miꞌin paj qui cäc̣häꞌchun yụ in, chimeꞌ raꞌ chojtacsi miꞌin Jenꞌsiꞌcheꞌ tịj muꞌ, judyeyaꞌ Ạvascheꞌ tịj yụ, judyeyaꞌ Ạꞌedyescheꞌ tịj muꞌ. Jịꞌchiyacsi raꞌ jämꞌ miꞌin paj qui muꞌin chimeꞌ räj chäquibun p̂eyacdyeꞌ yụ in, räj p̂eyacdyeꞌ yụ soꞌmeyac miꞌin. Yụ raꞌ räjĉan mạyedyeꞌ penꞌdyetuyac miꞌin junꞌ quiꞌ chuc ọij jadyic tupudyeꞌ.

Jesús c̣hẹiꞌyaꞌjeyacsi jéyacsi: —Jenꞌ yuꞌtyin yụ paj qui yụ ayoꞌbuꞌyi räjdyes in, mạyedyeꞌchedyes judyeyaꞌ jacchedyes.

Muꞌ anjer jéyacsi p̂en in: —Jam raꞌ noiꞌyi miꞌin, yụ nash chị́yeyac miꞌin quevtinte muꞌ Jesús, muꞌ pactety croshcheꞌ jiquej in. Aty itŝij atsvun úĉan, aty nash vañinyeban muꞌ yoj yetaquidyemꞌ jiquej u. Ayijamꞌ cạveshvac ọij toꞌ, yóĉandyemꞌ meꞌ buꞌyi jiquej u.

Jesús jéyacsi: —Jam raꞌ noiꞌyiꞌ miꞌin. Tạij miꞌin, jéyacsejamꞌ jịꞌchiyactyiꞌ yụ muꞌin vojity buꞌyity yụ in. Jéyacsejamꞌ paj qui Galileave jịjcaij in, paj muꞌve cavin yụ in.

Muꞌin tashchety cudyitity Jenꞌcheꞌ in vajmuꞌyaꞌjeyacsi in muꞌintum tashchetytum ĉọjcacsity in, chịmoꞌdye p̂eyeꞌ in. Chat qui dyijyi in soꞌmacsi querec̣ha muꞌin väc̣häꞌtyity in paj qui väñäij muꞌin in. Muꞌin ayoꞌ jéyacsi in: —Meꞌ raꞌ jéyacsi muntyiꞌ miꞌin: "Ĉọshvaꞌjoijtyiꞌ tsun tsedyedyeꞌ, vatyquej atsij jịꞌchiyactyiꞌ Jesústyiꞌ muꞌ, muꞌin shuꞌayeti in aꞌ muꞌ Jesúsvunsiꞌ", meꞌ buꞌyi raꞌ jéyacsi miꞌin. Chimeꞌdye seꞌvaqui jụijyaꞌ muꞌ ayoꞌ Romaĉantyiꞌ, tsundye raꞌ jiꞌc̣huꞌc̣huyebajte paj qui jam miꞌincheꞌ tŝọiꞌ mọꞌ vaꞌtacdyeꞌ —jéyacsi judíoty ayoꞌ muꞌin. Anicdye meꞌ, jụjyi in muꞌin väc̣häꞌtyity in querec̣hadyes muꞌin chicacsebi in p̂eyacdyeꞌ muꞌin judíotysiꞌ ayoꞌ muꞌin. Anicdye meꞌ mọꞌdyemꞌ q̂uinꞌ muꞌin judío in paiꞌ bäꞌyity in anicjeꞌ in mọꞌ väñädyeꞌ.