Versículos más leídos de la Biblia Génesis 3

Compartir

Ti antse c'upil sba laj yil ti sat te'e. Yo'ntonuc xa slo' ya'i yo' jech ta xbijub. Laj xtuch' jbej ti sat te'e, laj slo'. Ts'acal to laj yac'be ti smalale, laj slo' ec.

Ta scotol ti te'tical chon bolometic ti meltsanatic yu'un Dios ti ja' Ajvalile, oy jcot muc' ta quiletel chon yu'unic ti stuc no'ox oy slo'laob ti sna' c'usi x'utvane, ti xi laj sjac'be ti antse: —Ati xcaltique, ¿mi laj yalboxuc Dios ti mu xu' xalo'beic sat jpetsuc ti te'etic ti li' teq'uel ta ts'unubaltique?

Ta jpas ta atojolic ti contra xavil abaic xchi'uc ti antse. Ja' no'ox jech xtoc ti anitilultaque xchi'uc snitilultac ti antse, contra ta xil sbaic. Ti snitilul ti antse ta xpech'bot ta teq'uel ti ajole. Ti vo'ote ja' no'ox ta xatabe ta ti'bel ti snuc' yacane.

Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

Ta achic', ta ava'lel, ta xata ti ave'ele ja' to ti mi lajoybij ta lum ta ach'el ti laj avich' meltsanele. Yu'un ta banomil lalic talel. Ta banomil ono'ox ta xajoybij batel.

Xi albat ti vinique: —Ti jech laj ach'unbe sc'op ti avajnile, ti laj alo' ti sat te' ti laj calbot ti mu xu' xalo'e, ta scoj amul ti ta soc ti banomile. Ta xavel achic' ava'lel ta tsots abtel yo' ta xata ave'el ti c'u sjalil cuxulot ta banomile.

Va'i un, xi jac'bat yu'un ti Diose: —¿Buch'u laj yalbot ti t'analote? ¿Mi yu'un laj xa alo' ti sat te' ti laj calbot ti mu xalo'e?

Ti Diose, ti c'alal laj sloq'ues batel ti vinic ti ta sloq'ueb c'ac'ale, laj yac' jun chib jchabiej ts'unubal ti oy xiq'uique, xchi'uc jun espada ti ta xtil xojobal ta joyobe, yo' jech mu'yuc buch'u xu' ta xc'ot ti bu oy ti te' ti ta xac' cuxlejale.

Ti vinique laj yac'be sbiin Eva ti yajnile, yu'un ja' c'ot ta me'il yu'un scotol ti buch'u cuxulique.