Versículos más leídos de la Biblia Marc 6

Compartir

Jésus alobaki na bango bwe: ”Boyaka o ma nga kinòwa o echoko a bwabona, mòchi bèni bodyale bèni phencha, boyo enongo eki. Tonga bango babèki dyò bobiko bidya bekidya twa tonga bokama ba bato, bakbwi bayakaki bakbwi bakièki.

Ko Jésus alobaki na bango bwe: ”Mobandi modi modyanchwibe ko o mbok’a mwango koncha, na o phanyak’a banyango ba mwango na o ndako a wango.”

O Jésus achèmèki o ngolo, wango ayènèki bato bakama ondo, na wango abèki elumba na bango, tonga bango babèki ko bagbata bona, bango badi odyala na mobateli ka. Na wango adikizaki bango mawò makama.

Na wango aboyicha bokiele botoma ba nguli ondo ka, wango ayakaki mabòkò ma wango ko ikolo na mikoni phencha n’abelizaki myango. Na wango abèki n’ichimo tonga n’iphomuny’a bango. Chima wango alèngèki o phanyak’a mamboka na adikizaki bato.

Chima wango akwabi mapha matano na chwe ibale, akiekaki ikolo, achambelaki Nzambe, abunyaki mapha, aphèki mango na bayekoli, echoko bango tacholela mango o bocho ba bato yango, na wango akabaki chwe ibale o phanyak’a bango bachò. Na bango bachò badyaki na bawutaki. Chima bango bakonginyaki tika a mapha dyango itondizaki mika dyomu na babale, bikulu ba chwe dyòkò.