Versículos más leídos de la Biblia Maatoosa 5

Compartir

Xomppe aytsii keetstsa yeze asuntsi ubbuntsis foo7ode gaar dhoqqa bessa gaddanep attin gabate gidda gaddize baaya. Yinnii gaar asuntsi yin lo77o oochito bi7i, salo yeze yin adaya bonchchode gaar yin foo7ita as tiino foo7o.

«Yin sa7as foo7o; derella afa yeze katamita aachinttodes dandda7oos.

Wozina geeshshuntsi anjjinttiduntsana, un Xoozii be7ada.

Xillotitsi oochchodes naydhdhizuntsin bardhdhizuntsi anjjinttiduntsana, un mishshada.

Yezin ta yinttis ohine; yin morkkuntsana kadhote; yinttana qohizuntsis woossote.

«Fa ayyaantte daha maaqqiduntsi anjjinttiduntsana, salo ka7itumo unttis.

Giigizuntsi anjjinttiduntsana, un Xooz na7a ga7intti xeeginttoda.

Yeekizuntsi anjjinttiduntsana, un mintsitse denggoda.

Xillotitsi oochchize gisho ga7i, bay7inttizuntsi anjjinttiduntsana, salo ka7itumo unttis.

Maarizuntsi anjjinttiduntsana, un maarotitsi denggoda.

«Asuntsi yinttana ta gisho ga7i cazhize wode bay7ize woden yinttalla afa iita baz ubba worddora ohize wode yin anjjinttiduntsana. Yin anjjita salo damma maaqqide gisho ufayttote, loytsii ufayttote. Yinttappa tiino yezide nabuntsana yinnii gaar bay7ida.

Wozina aaduntsi anjjinttiduntsana, un sa7a laattoda.

«Yin sa7as sooge; sooge fa mal77itumtto ashshiko, wayzi mahi denggode? Bale dhogiko asara yedhinttanep attin akkosin maaddoos.

Yikke, salo yeze yin aday folo maaqqidanni fana yinttin folo maaqqote.

Yinnii gisho, yin qaaltta, ‹Yee› woy ‹Ade› maaqqo. Yinnippa bale kezize xalaheppa ye7ine.

« ‹Aafe gisho aafe; achchi gisho achchi› ga7inttidanno si7ida. Yezin ta yinttis ohine; yinttalla afa iita baz oochchize atstsa ixxippete. Ooden ne mizaqi dhookiza baqqiko ne workkita dhookizan beezo.

Ne mizaqi aafize nees nagaras mikinaate maaqqiko, kessii olo. Ne galtta kumutsita gaanname tama wodhdhodannippa ne gallitippa fetay dhabiko nees lo77o. Ne mizaqi kushize nees nagaras mikinaate maaqqiko, eza gachchii olo. Ne galtta kumutsita gaanname tama wodhdhodannippa ne gallitippa fetay dhabiko, nees lo77o.