Versículos más leídos de la Biblia Jn 1

Compartir

Palta tzanc'al mac max chaoni, a ton eb max yaoc c'ul yin, a' chi aloni tol ay yalon yet eb yoc yuninalok Dios.

A yet c'amto yulyibank'inal ti', ayxac'alta' ec' Cham chi yik K'anej Dios. A Cham tu', ayxa ec' yetok Dios, cax Dios toni.

A jun sakk'inal tu', sakk'inalc'al yayji nan xol k'ekk'inal. Palta c'am chi tan yuj k'ekk'inal tu'.

A Cham chi yik K'anej Dios tu', max oc yin animail. Ulnak ec' co xol ti' jun tiempoal. A Cham caw wal yel, miman watx'c'ulal Dios max ul tx'ox ayon. Max jil yin, caw wal miman yelapnok, yujtol asan ch'an jun c'otan C'ajol Dios tu', chekbiltek yuj is Mam.

A Cham max yak'balnej Dios yesnen aj masanil tzet yetal; xan ta manak yuj Cham, c'am mi tzet max esnelay ajok. A yuj Cham chi ji k'inalej co masanil. A Cham chi ak'on co k'inal tu', chi yak' c'apax sakk'inal bay janimail.

A yet junxa c'ual, max yilon Juan jay Jesús bay, xan max yal axca ti': —Ilek wali. A Cham lanan jay ti', axca yopiso junok calnel chi ak'lay yin xajanbal, caytu' yopiso yuj Dios, yujtol a' chi ul ion el co yobtakil co masanil bay yulyibank'inal ti'.*fn*

A Cham chi yik K'anej Dios tu', a ton ulnak ec' yulyibank'inal ti'. Watx'nebil c'apax yulyibank'inal ti' yuj, palta a yet ulnak aytek tu', maj nachaj el yuj eb anima tatol a'. Ulnak ec' xol masanil tzet watx'nebil yuj, palta maj chalay Cham yuj eb yet conob.

A jun acaw yel sakk'inal yet Dios max jayoc bay yulyibank'inal ti', a' chi yak' sakk'inal yin janimail co masanil.

A Moisés ak'nejcan ley Dios ayon; axa pax Jesucristo xin, a is watx'c'ulal Dios max tx'ox ayon, max yak'on c'apax jun cuybanilej caw wal yel.