پيدائش 1

دنيا جي پيدائش

1شروعات ۾ خدا زمين ۽ آسمان کي پيدا ڪيو. 2ان وقت زمين بي‌ترتيب ۽ ويران هئي. اونهي سمنڊ جو مٿاڇرو اوندهہ سان ڍڪيل هو ۽ پاڻيءَ جي مٿان خدا جي روح ڦيرا پئي ڪيا. 3#2.ڪر 4‏:6 تڏهن خدا حڪم ڏنو تہ ”روشني ٿئي.“ سو روشني ٿي پيئي. 4خدا ڏٺو تہ روشني چڱي آهي. هن روشنيءَ کي اوندهہ کان ڌار ڪيو. 5پوءِ روشنيءَ جو نالو ”ڏينهن“ رکيائين ۽ اوندهہ جو ”رات.“ سو سانجھي ٿي ۽ صبح ٿيو. اهو پهريون ڏينهن هو.

6 # 2.پط 3‏:5 پوءِ خدا حڪم ڏنو تہ ”پاڻيءَ جي وچ ۾ حد مقرر ٿئي جيڪا پاڻيءَ کي ٻن حصن ۾ ورهائي.“ سو ائين ئي ٿيو. 7اهڙيءَ طرح خدا هڪ حد بڻائي، جنهن جي وسيلي هيٺ واري پاڻيءَ کي مٿي واري پاڻيءَ کان ڌار ڪيائين. 8خدا انهيءَ حد جو نالو ”آسمان“ رکيو. سو سانجھي ٿي ۽ صبح ٿيو. اهو ٻيو ڏينهن هو.

9پوءِ خدا حڪم ڏنو تہ ”آسمان جي هيٺان جيڪو پاڻي آهي سو سڀ هڪڙي هنڌ گڏ ٿئي تہ جيئن خشڪي ظاهر ٿئي.“ سو ائين ئي ٿيو. 10خدا خشڪيءَ جو نالو ”زمين“ رکيو ۽ پاڻي جيڪو گڏ ٿيو هو تنهن جو نالو ”سمنڊ“ رکيائين. خدا ڏٺو تہ اهو چڱو آهي. 11پوءِ حڪم ڏنائين تہ ”زمين تي اناج ڏيندڙ توڙي ميوا ڏيندڙ ٻوٽن سميت سڀني قسمن جا ٻوٽا پنهنجي پنهنجي جنس موجب پيدا ٿين.“ سو ائين ئي ٿيو. 12تڏهن زمين تي هر قسم جا ٻوٽا پيدا ٿيا، خدا ڏٺو تہ اهو چڱو آهي. 13سو سانجھي ٿي ۽ صبح ٿيو. اهو ٽيون ڏينهن هو.

14پوءِ خدا حڪم ڏنو تہ ”آسمان جي حد ۾ روشنايون ٿين تہ ڏينهن کي رات کان ڌار ڪن ۽ اُهي مندن، ڏينهن ۽ سالن جي شروع ٿيڻ جو وقت ظاهر ڪن. 15اُهي زمين کي روشن ڪرڻ لاءِ آسمان ۾ چمڪن.“ سو ائين ئي ٿيو. 16اهڙيءَ طرح خدا ٻہ وڏيون روشنيون ٺاهيون، هڪڙي وڏي جيڪا ڏينهن تي حڪومت هلائي ٿي ۽ ٻي ان کان ننڍي جيڪا رات تي حڪومت ڪري ٿي. خدا تارا بہ ٺاهيا. 17خدا انهن روشنين کي آسمان جي حد ۾ رکيو، تہ جيئن زمين کي روشن ڪن. 18اُهي ڏينهن ۽ رات تي حڪومت هلائين ۽ روشنيءَ کي اوندهہ کان ڌار ڪن. خدا ڏٺو تہ اهو چڱو آهي. 19سو سانجھي ٿي ۽ صبح ٿيو. اهو چوٿون ڏينهن هو.

20پوءِ خدا حڪم ڏنو تہ ”پاڻي بي‌شمار ساهوارن سان ڀرجي وڃي ۽ پکي آسمان ۾ اُڏامن.“ 21سو وڏا وڏا سامونڊي جانور ۽ هر قسم جا پاڻيءَ ۾ رهندڙ ساهوارا ۽ هر قسم جا پکي پيدا ٿيا. خدا ڏٺو تہ اهو چڱو آهي. 22خدا انهن سڀني کي برڪت ڏني. پاڻيءَ ۾ رهندڙ ساهوارن کي چيائين تہ ”وڌو ۽ ويجھو ۽ سمنڊ کي ڀرپور ڪريو.“ پکين کي چيائين تہ ”زمين تي وڌو ۽ ويجھو.“ 23سو سانجھي ٿي ۽ صبح ٿيو. اهو پنجون ڏينهن هو.

24پوءِ خدا حڪم ڏنو تہ ”زمين هر قسم جا ننڍا وڏا، گھريلو ۽ جھنگلي جانور ۽ سرندڙ جيت‌جڻا پيدا ڪري.“ سو ائين ئي ٿيو. 25خدا انهن سڀني کي ٺاهيو ۽ خدا ڏٺو تہ اهو چڱو آهي. 26#1.ڪر 11‏:7 پوءِ خدا چيو تہ ”هاڻي اسين انسان کي ٺاهيون جيڪو اسان جي صورت تي اسان وانگر هجي. اُهي مڇين تي، پکين تي، گھريلو ۽ جھنگلي جانورن تي ۽ ننڍن وڏن ساهوارن تي حڪمراني ڪن.“ 27#مت 19‏:4، مر 10‏:6 #پيد 5‏:1‏-2 تڏهن خدا انسان کي پاڻ وانگر ٺاهي پنهنجيءَ صورت تي پيدا ڪيو. خدا نر ۽ ناري پيدا ڪري 28کين برڪت ڏيئي چيو تہ ”گھڻا ٻار ڄڻيو ۽ ڌرتيءَ کي ڀرپور ۽ تابع ڪريو، مڇين تي، پکين تي ۽ سڀني جانورن تي حڪمراني ڪريو. 29مون اوهان جي کائڻ لاءِ هر قسم جو اناج ۽ هر قسم جو ميوو مهيا ڪري ڇڏيو آهي. 30جڏهن تہ ڌرتيءَ جي سڀني جانورن، پکين، جيت‌جڻن لاءِ مون گاهہ ۽ ساوا ٻوٽا مهيا ڪري ڇڏيا آهن.“ سو ائين ئي ڪيو ويو. 31جيڪي ڪجھہ خدا ٺاهيو هو تنهن تي نظر ڪيائين ۽ ڏٺائين تہ اهو تمام چڱو آهي. سو سانجھي ٿي ۽ صبح ٿيو. اهو ڇهون ڏينهن هو.

Actualmente seleccionado:

پيدائش 1: MSB

Destacar

Copiar

¿Quieres guardar tus resaltados en todos tus dispositivos? Regístrate o Inicia sesión

Muslim Sindhi Bible © The Pakistan Bible Society, 2022

مقدس ڪلام توريت، زبور ۽ نبين جون ٻيو لکتون ۽ انجيل شريف

Bible text may be quoted in any form (written, visual, electronic or audio) up to and inclusive of five hundred (500) verses without express written permission of the publisher, provided the verses quoted do not amount to a complete book of the Bible nor do the verses quoted account for 25% of the total text of the work in which they are quoted. Notice of copyright must appear on the copyright page of the work as follows:

Scripture taken from the Holy Bible in Muslim Sindhi,

Más información sobre Muslim Sindhi Bible