ಮತ್ತಾಯ ವಳಕ
ವಳಕ
ಜಗತ್ತ ಉದ್ದಾರ ಕರಾಲಾ ಯಕ್ಲಾನೆ ಜಿಮಿನಪರ ವಳೌಸ ಕೈನ ಕ್ಹುದಾ ಆದಿಮಾಜ಼ ವಾಗ್ದಾನ ಕರ್ಯೊತೊ. ಯೆಸು ಸ್ವಾಮಿಜ಼ ತೆ ಉದ್ದಾರಕ ವ್ಹೈ, ಜಗತ್ತನೊ ರಕ್ಷಕ ವ್ಹೈ, ‘ಬೈಬಲ’ ಪವಿತ್ರ ಗ್ರಂತನಾ ‘ಜು಼ನ್ನಾ ಒಡಂಬಡಿಕೆ’ ಕವಾನಾ ಪಸ್ಟನಾ ಭಾಗಮಾ ದಡಿರ್ಹಯಲ ಕ್ಹುದಾನಾ ಕ್ಹಾರಾ ವಾಗ್ದಾನೊನೆ ಆಂ ಯೆಸು ಸ್ವಾಮಿನಾ ಮುಲಕಜ಼ ಪುರಾ ಕರಲ ಛೆ. ಕ್ಹುಶಿನಿ ಎ ಸುದ್ದಿನೆ ಶ್ರಿ ಮತ್ತಾಯ ತಿನಾ ಎ ಸುವಾರ್ತೆಮಾ ಒತ್ತ ದಿನ ಕವಸ. ಎ ಸುವಾರ್ತೆ ಕ್ಹಾಲಿ ಸ್ವಾಮಿನಾ ಸ್ವಂತ ಮನಕ್ಹೊ ಥಯಲ ಯಹುದ್ಯೊನೆ ನ್ಹವೈ. ಪುರಾ ಜಗತ್ತನೆ ವ್ಹೈ ಕೈನ ಕವಸ.
ಯೆಸುನು ಜನನತು ಶುರು ಥಾವಾನು ಎ ಬುಕ್ಕ, ತೆ ಸ್ವಿಕಾರ ಕರಲ ಬಾಪ್ತಿಸ್ಮಾ, ಸೈತಾನನೆ ಜಿತ್ತಲ ತಿನಿ ಬೊದನೆ, ಚೊ಼ಕಿ ಬೊದನೆ ಕರಲ, ಗಲಿಲಾಯಮಾ ರೊಗೊನಾ ತ್ರಾಸೊನೆ ಕಾಡ್ಯಲ - ಎ ಕ್ಹಾರು ಚೊ಼ಕಿತರಾ ವರ್ಣನೆ ಕರಸ. ಪಾಚ಼ಲ್ತಾ ಗಲಿಲಾಯತಾ ಯೆರುಸಲೆಮನೆ ಯೆಸು ಗಯಲ ವಿವರಣೆ ಛೆ. ಜಿಂದಗಿನಾ ಲಾಸ್ಟ ಹಪ್ತಾಮಾ ತ್ಯುನೆ ಅನುಬೊಸೆಲ ಘನ್ನು ಕೆಟ್ಟ ಶಿಲುವಿನು ಮರಣ, ಪಾಚ಼ಲ್ತಾ ಜಿತ್ತಲ ಪುನರುತ್ಥಾನ ಎ ಕ್ಹಾರಾವೊನಾ ಕ್ಹಾತೆ ಎ ಸುವಾರ್ತೆ ಕ್ಹರಲ.
ಪ್ರಭು ಯೆಸು ಕ್ಹಾಸ ಬೊದಕ ವ್ಹೈ, ಧಾರ್ಮಿಕ ನಿಯಮೊ ಚೊ಼ಕಿತರಾ ಕವಾಲೊ ವರಿ ದೈವಿಸಾಮ್ರಾಜ್ಯನೊ ಸ್ಥಾಪಕ ಕೈನ ಲಿಕ್ಯೊಸ, ಮತ್ತಾಯ. ತಿನಾ ಬೊದನೆನಾ ವಿಷಯ ಪಾಂಚ ಭಾಗ ಕರಲ ಛೆ -1. ಡೊಂಗರನಾ ಉಪ್ಪರ್ಲಿ ಬೊದನೆ; ದೈವಿಸಾಮ್ರಾಜ್ಯನಾ ಮನಕ್ಹೊಮಾ ರ್ಹವಾನಿ ಗುಣಾ ವರಿ ಗುರಿ ಉದ್ದೆಶ, ತ್ಯುನಾ ಕರ್ತವ್ಯ ವರಿ ಹಕ್ಕೊ (ಅದ್ಯಾಯ 5-7); 2. ಪ್ರೆರಿತ ಥಯಲ ಶಿಶ್ಯಾ ತ್ಯುನಾ ಕರ್ತವ್ಯ ಪುರಾ ಕರಾನೆ ಲಾಗು ರ್ಹಯಲ ನಿತಿನಿಯಮೊ (ಅದ್ಯಾಯ 10); 3. ಕ್ಹುದಾನಾ ಸಾಮ್ರಾಜ್ಯನಾಹುತಿ ಸಾಕ್ಷಿಯೊ (ಅದ್ಯಾಯ 13); 4. ಶಿಶ್ಯತ್ವನು ಕ್ಹರಿನು ಮತ್ಲಬ (ಅದ್ಯಾಯ 18); 5. ಹಮ್ನಾನು ಯುಗನು ಅಂತ್ಯ ವರಿ ಸ್ವರ್ಗ ರಾಜ್ಯ ಆವಾನು (ಅದ್ಯಾಯ 24-25).
ಮತ್ತಾಯ ಯಹುದ್ಯನಾ ಒದಾಲಾವೊನೆ ಕ್ಹಾಮೊ ಮ್ಹೆಲಿನ ಎ ಸುವಾರ್ತೆ ಬರ್ದ್ಯೊಸ. ಎ ಕಾರಣಕ್ಹುಜ಼ ಯಹುದ್ಯೊನಾ ಒದಾಲಾವೊನೆ ಚೊ಼ಕಿತರಾ ಗ್ವತ್ತ ರ್ಹಯಲ ಜು಼ನ್ನಿ ಒಡಂಬಡಿಕೆನಾ ವಾತೊನೆ ಪ್ರವಾದನೆನೆ ಉದಾಹರಣೆ ದಿವಸ. ತೆ ಕ್ರಿಸ್ತ ಯೆಸುಮಾ ಪುರಾ ಥಯಾಸ ಕೈನ ವಾದ-ವಿವಾದ ಕರಸ. ತಿನಾಹುತಿ ಜು಼ನ್ನಿ ಒಡಂಬಡಿಕೆ ಗ್ವತ್ತ ನೈ ರ್ಹಯಲ ವರಿ ಯಹುದ್ಯನಿ ಸಂಸ್ಕೃತಿ ನೈ ಗ್ವತ್ತ ರ್ಹಯಲ ಕನ್ನಡಾ ಒದಾಲಾವೊನೆ ಎ ಬುಕ್ಕ ಅರಾಮ ಒದಾನೆ ತ್ರಾಸ ಥಾಸಕಸ. ತೆನೈಸೊ ಪಾಚ಼ಲ್ತಾ ಆವಾನಾ ಭಾಗೊಮಾ ಎ ತ್ರಾಸ ಹಲ್ಕು ಥಾವಸ.
ಪಿಠಿಕೆ
1. ಯೆಸುನಿ ವಂಶಾವಳಿ ವರಿ ಯೆಸು ಹುಟ್ಟಲ1:1—2:23
2. ಸ್ನಾನಿಕ ಯೊಹಾನನಾಹುತಿ 3:1-12
3. ಯೆಸು ಒಪ್ಪಿಲಿದಲ ಬಾಪ್ತಿಸ್ಮಾ ವರಿ ಶೊದನೆ ಜಿತ್ತಲ ಬೊದನೆ3:13—4:11
4. ಗಲಿಲಾಯಮಾ ಯೆಸುನಿ ಖುಲ್ಲಮ ಖುಲ್ಲಾ ಸೆವೆನು ಕಾಮ 4:12—18:35
5. ಗಲಿಲಾಯತಾ ಯೆರುಸಲೆಮೆ ಜಾವಾನು 19:1—20:34
6. ಯೆರುಸಲೆಮ ವರಿ ವಾತಾವರಣಮಾ ಲಾಸ್ಟನಾ ದಿನ್ನೊ. 21:1—27:66
7. ಯೆಸುನು ಪುನರುತ್ಥಾನ ವರಿ ದಿವ್ಯದರ್ಶನ 28:1-20
Actualmente seleccionado:
ಮತ್ತಾಯ ವಳಕ: Srr25
Destacar
Copiar
Comparar
Compartir
¿Quieres guardar tus resaltados en todos tus dispositivos? Regístrate o Inicia sesión
The Sikkiligar Bible © The Word for the World International and Sikkiligar Bhasha Samiti, Madhya Pradesh, 2025