Matayo 1

Elubuto lwa Kirisito áshokaa'mo

(Luk 3:23-38)

1Yesu Kirisito, elubuto lwa áshokaa'mo lu'loluno: yeine ábaa wo'mwa lubuto lwa mwami Tauti. Tauti nai, ábaa wo'mwa lubuto lwa Aburahamu.

2Aburahamu ábutaa Isaka.

Na Isaka era kubuta Yakobo.

Na Yakobo era kubuta Yuta na banyakabo.

3Na Yuta era kubuta Peresi na Sera ku'Tamari.

Na Peresi era kubuta Hesironi.

Na Hesironi era kubuta Aramu.

4Na Aramu era kubuta Aminatabu.

Na Aminatabu era kubuta Nasoni.

Na Nasoni era kubuta Salumoni.

5Na Salumoni era kubuta Bowasi ku'Rahabu.

Na Bowasi era kubuta Obeti ku'Ruta.

Na Obeti era kubuta Yese.

6Na Yese era kubuta mwami Tauti.

Na Tauti era kubuta Solomono ku'mukasi muuma, ola wábaa muka Uriya.#1:6 muka Uriya: Esina lyo'yu mukasi iwábaa Betisheba.

7Na Solomono era kubuta Rehobowamu.

Na Rehobowamu era kubuta Abiya.

Na Abiya era kubuta Asa.

8Na Asa era kubuta Yosafati.

Na Yosafati era kubuta Yoramu.

Na Yoramu era kubuta Usiya.

9Na Usiya era kubuta Yotamu.

Na Yotamu era kubuta Ahasi.

Na Ahasi era kubuta Esekiya.

10Na Esekiya era kubuta Manasi.

Na Manasi era kubuta Amoni.

Na Amoni era kubuta Yosiya.

11Na Yosiya era kubuta Yekoniya na banyakabo mango eBaisiraeli básimbibwaa mwa bita, na kwêkibwa mwa chio che'Babiloni.

12Na mango bábaa bera bekíbwaa'yi,

Yekoniya, era kubuta Salatiyeri.

Na Salatiyeri era kubuta Sorobabeli.

13Na Sorobabeli era kubuta Abihuti.

Na Abihuti era kubuta Eliyakimu.

Na Eliyakimu era kubuta Asori.

14Na Asori era kubuta Satoke.

Na Satoke era kubuta Akimu.

Na Akimu era kubuta Elihuti.

15Na Elihuti era kubuta Eliyaseri.

Na Eliyaseri era kubuta Matani.

Na Matani era kubuta Yakobo.

16Na Yakobo era kubuta Yosefu. Oyu Yosefu, iwábaa eba wa Mariya.

Na Mariya iwábutaa Yesu ola wěrikirwe mbu i'Kirisito*.

17Rero, kutengera ku Aburahamu kuikira'ku mwami Tauti, kwábaa nyibuto ekumi ne'ne. Na kutengera ku'Tauti kuikira mango eBaisiraeli bêkibwaa eBabiloni, kwábaa sinji nyibuto ekumi ne'ne. Na kutengera kwa kwêkibwa bêkibwaa eBabiloni, kuikira kwa kubutwa kwa Kirisito*, kwáhubaa kuba sinji nyibuto ekumi ne'ne.

Ekubutwa kwa Yesu Kirisito

(Luk 2:1-7)

18Ekubutwa kwa Yesu Kirisito, bacha ku'kwábaa: Mariya i'nyina ábaa áhambalirwa na Yosefu. Na mango Yosefu ábaa àtasa kumuísa, Mariya era kulorekana'ko kwa éte bukure. Obu bukure, êkaa'bo kurengera ebuashi bwe'Muchima Mubuya-buya. 19Yosefu iwábaa wámuhambalira, ábaa mundu mubuya era muhondo sa Ongo, na atásimaa mbu ěchise Mariya honyi. Bushi no'ku, era kuhonda àmureke kwa bubisho-bisho.

20Ábere Yosefu anáchiri áanyisa kwe'i myasi, malaika* muuma wa Enawetu era kumupamukira mwa biroto. Era kumubura mbu: «Yosefu, Mwenyi Tauti! Ùtobaa kuisa Mariya, bushi ebukure bwéte, àbwêkire kurengera ebuashi bwe'Muchima Mubuya-buya. 21Angábuta mwana wa busana. Oyu mwana, ungámwěrika mbu i'Yesu bushi i'ukánunula ebandu bai mwa bibi byabo.»

22Ebi byoshi byábaa bacha, chasiya echinwa chibérere cha Enawetu ábaa átechire mira kurengera emurebi* wai mbu: 23«Mǔmvaa! Emunyere ola ùtafuraa kumenya mulume àngêka bukure. Na mwo'bu bukure, angábuta mwana wa busana! No'yu mwana, bangámwěrika esina lya Emanuweri.»#1:23 Somaa Isaya 7:14. Emanuweri, kukuteta mbu: «Ongo àli ala'uma netu.»

24Ábere Yosefu ásuka, era kunáira ngo'kwa malaika* wa Enawetu ánamuburaa, era kunaísa mukai. 25Si atáonjiraa nai kuikira mango Mariya ábutaa oyu mwana we'busana. No'yu mwana, Yosefu era kunámwěrika esina lya Yesu.

Actualmente seleccionado:

Matayo 1: tbt

Destacar

Copiar