UBWANDILO 2

1Bunobuno Kyala alinkumalisya ukupela ikisu ikya pasi nikya kumwanya, na fyosa ifi filimo. 2#Kuso 20.11#Hib 4.4,10Pisiku lya buhano na bubili, Kyala alinkutusya bo amalisisye imbombo yake iyi abombaga; 3alinkulisaya ilisiku lya buhano na bubili, alinkwipela ukuya isunguligwa. Popapo mwisiku lilili Kyala alinkutusya ku mbombo yake yosa iyi abombaga, yo yi mbombo yakula. 4Momuno fyapeleligwe ikisu ikya mwanya nikya pasi na fyosa ifi filiko kumwanya, na ifi Lilipo pasi apa.

Apa Kyala apelaga ikisu na fyosa ifi filiko kumwanya, 5Akaliko na fimo ifibyaligwa pakisu, nalinga fyo fyakumela, lyope niliseke lya mungunda lyakali nukumela; namanga Untwa Kyala akali ukutuma ifula pa kisu, kangi akaliko nayumo numundu ugwa kulima nkisu; 6loli lu lufube lwene lo lwafyukaga ukufuma mumfu, lo lulinkubundasya posa pamwanya pa kisu. 7#1 Kor 15.45Popapo Untwa Kyala alinkwega umfu, go alinkubumba umundu, yo alinkuntuyila mu mbulo numuyi gwa bumi. Lelo popapo umundu yula alinkwipela ukuya kipeligwa kya bumi.

8Popapo Untwa Kyala alinkwata ungunda nkisu kya Edeni, kubusokelo ilisuba; mulamula mo alinkumbika umundu uyu alimbumbile. 9#Buset 2.7; 22.2,14Untwa Kyala alinkumesya mumfu imipiki gyosa igi gyali minunu pakugiketa, na pakulya; ugwene umpiki gwa bumi go gwali pakati pa ngunda gulagula, kangi nutupiki ugwakumanyilamo inunu nimbibi.

10Ulusoko lulinkwibuka ukufuma nkisu lwa Edeni, lo lulinkonela mungunda nukugubundasya, popapo lulinkwitapulania ukuya soko ina. 11Ingamu ya lusoko lwakwanda ali yo Pishoni, lo lukwenda nukusyungutila ikisu kyosa kya Havila, 12kuno aliko golide; umwene golide gwa nkisu kila yo nnunu; ko aliko na bidelia#2.12 Bidelia: Bideli yo ngolya iyi yili nuluma ulununu iyi bikongania nimikota igingi igyakufukisya nnyumba syakwiputilamo. kangi nibwe lya oniko.#2.12 Oniki: Oniki lyo ibwe ili akabonekelo kake ka luko lwakukindana. 13Ingamu ya lusoko lwa bubili yo Gihoni, lo ulu lukwenda ukukisyungutila ikisu kyosa kya Etiopia. 14Ingamu ya lusoko lwa butatu ali yo Taigirisi, ulusoko ulu lukwenda kubusokelo bwa isuba nkisu kya Asiria. Ulusoko lwa buna yo Yufrate.

15Popapo Untwa Kyala alinkubika umundu mu ngunda gwa Edeni ukuti mo alimege kangi nukuti agutendekesyege ungunda. 16Untwa Kyala alinkumbula umundu alinkuti, “Ulyege itolo iseke sya mipiki gyosa igya mu ngunda muno; 17loli ugwene umpiki gwa kusimanyilamo inunu nimbibi go ungalyaga; namanga linga ulilepo itolo gwisakufwa mwisiku lilyo.”

18Popapo Untwa Kyala alinkuti, “Sikaya nunu ukuti umundu itugalege mwene itolo; nikumpelelaga untuli uyu ambagile.”

19Bunobuno Untwa Kyala alinkwega umfu alinkufibumba ifinyamana fyosa fya ndisu ni njuni syosa isya mu mpalanga, alinkufitwala ku mundu ukuti akete ingamu isi umundu ikufipaga yosa ingamu iyi umundu akipele ikya bumi iki na iki, yo yilinkuya ngamu yake. 20Umundu yula alinkusipa ingamu: ing'ombe syosa, ninjuni syosa sya mu mpalanga, kangi nifinyamana fyosa fya ndisu; loli umundu yo alinkusita nukuya nagwe yumo Untuli uyu ambagile. 21Popapo Untwa Kyala alinkumpelela umundu utulo utusito, lelo bo agonile, Kyala alinkwegako lumo ulubafu lwake. 22Alinkwigalapo numbili pa buyo ubu asosisyepo; ulwene ulubafu ulu alyegile ku mundu lo alinkulupela nkikulu, alinkuntwala ku mundu yula.

23Popapo umundu alinkuti,

“Uyu lilino yo mwinangu,

kangi yo gwa ilopa limolyene nanine#2.23 Nanine: Nkihiburi: yo gwa ikifupa ikifuma nkifupa kyangu. Umbuli umfuma mumbili gwangu.

isakubilikiligwaga ukuti, Nkikulu,

papo alyegigwe ukufuma ku mundu.”

24 # Mat 19.5; Mar 10.7-8; 1 Kor 6.16; Ef 5.31 Kokuno umundu isakundekaga ugwise nunna, isakumumililaga yu nkasi, lelo bo babili bababa bisakuyaga mbili gumogwene. 25Umwene umundu yula nunkasi gwake bakali nimyenda gyakufwala, pope abene balinkusita nukuya nisoni nasimo.

Actualmente seleccionado:

UBWANDILO 2: NNBII

Destacar

Copiar