Populaarsed piiblisalmid Pregethwr 1

Po fwya’r doethineb, mwya’r dolur; mae gwybod mwy yn arwain i fwy o boen calon.

Fydd dim yn wahanol yn y dyfodol – Yr un pethau fydd yn cael eu gwneud ag o’r blaen; does dim byd newydd dan yr haul!

Mae’r cwbl yn un cylch diddiwedd! Dydy hi ddim posib dweud popeth. Dydy’r llygad byth wedi gweld digon, na’r glust wedi clywed nes ei bod yn fodlon.

Mae’n ddiystyr! – meddai’r Athro – Dydy e’n gwneud dim sens! Mae’r cwbl yn hollol absẃrd! Beth ydy’r pwynt gwneud unrhyw beth? Beth sydd i’w ennill o weithio’n galed yn y byd yma?

Edrychais ar bopeth oedd yn cael ei wneud ar y ddaear, a dod i’r casgliad fod dim atebion slic – mae fel ceisio rheoli’r gwynt.

Mae un genhedlaeth yn mynd ac un arall yn dod, ond dydy’r byd ddim yn newid o gwbl.

Does neb yn cofio pawb sydd wedi mynd, a fydd neb yn y dyfodol yn cofio pawb aeth o’u blaenau nhw chwaith.

Dyma fi’n mynd ati o ddifrif i geisio deall gwerth doethineb, a deall pam mae pobl yn gwneud pethau mor hurt a ffôl. Ond dw i wedi dod i’r casgliad ei bod yn dasg amhosib, fel ceisio rheoli’r gwynt.