Matyo MBIꞋNƏ
MBIꞋNƏ
Nkən wu shiʼnɨ a ŋwaʼnɨ Matyo fɨʼtɨ nkən wu shiʼnɨ ngə́ Yeso nɨ Ndoŋ wa Ŋwi a káʼnɨ́ ɨ ghɨ tsagɨ lá. Ɨ fɨʼtə ngə́ a ntsǎ a ndzum wɛrə, Ŋwi a ghɨ́ ɨkaʼ tsa zɨə káʼnɨ́ ɨbɛn ɨbyi ɨwu a mu Mɨkan wu Ndvuŋ fu a nye nkənu ə. Ka nkən wu shiʼnɨ məwen tsi ayi lá tsɛʼ a mbó bə Yuda, bo ba bɨ jwínɨ́ a Yeso, a kɨ ntsi ntsi mbyi ɨzhi a tɨtərɨ bo, lá ɨ tsi be a mbó mbyi tsum ə.
Bɨ ŋwaʼnɨ aŋwaʼnɨ a Matyo tsɛʼ a nɨyerɨ nɨyerɨ ə. A biʼnɨ nɨ adzaŋ za bɨ jwínɨ́ a Yeso, ntiʼ fɨʼtɨ adzaŋ za wɛrə a kwárɨ́nɨ́ nkyi abɔʼnɨ adzaŋ za bɨ kwáʼnɨ́nɨ́ ayi ɛ. Ntiʼ mbyɛntɨ afaʼ a wɛrə zə sǒŋ Nkən wu Shiʼnɨ, ndiʼə nɨ ntsuʼ ɨbɛn a Galili ə. Ndo ɨwu, Nkən wu Shiʼnɨ wiŋ ŋwaʼnɨ adzaŋ za Yeso a ghɨ́nɨ́ nɨyen ndo a Galili ngɛn kuʼ a Yerosalɛm abɔʼnɨ ɨnu tsa tsɨ fúnɨ́ a nye ntsɨrɨndzum ngabɨ ɨzhi atuəshe, mbáʼ tsɨ tíʼnɨ́ ndwɨgɨnɨ nɨ nɨvwo ɨni atɨ abaŋnɨ-baŋnɨ abɔʼnɨ nzhwemnɨ ɨzhi a mbó nɨvwo lá.
Ɨtú Ɨnu a mu Aŋwaʼnɨ Ziŋ ə
Ɨlə̌ ndá Yeso Kristo nɨ adzaŋ za bɨ jwínɨ́ ayi ɛ 1:1–2:23
Afaʼ a Yoane Ngaŋ Nga Nkyi 3:1-12
Adzaŋ za Yeso a kwárɨ́nɨ́ nkyi, bɨ kɨ nkwaʼnɨ ayi ɛ 3:13–4:11
Afaʼ a Yeso a Galili asaŋəsaŋə 4:12–18:35
A ndǒ a Galili ɨ ghɛn kuʼ a Yerosalɛm ə 19:1–20:34
Ntsɨrɨndzum ngabɨ ɨzhi a Yerosalɛm abɔʼnɨ kárɨ́kɨ́ ɨyi ɛ 21:1–27:66
Nzhwemnɨ Maʼmbyí nɨ adzaŋ za wɛrə a kɨ́nə́ fúə a ɨshe ə 28:1-20
اکنون انتخاب شده:
Matyo MBIꞋNƏ: MNT
هایلایت
به اشتراک گذاشتن
کپی
می خواهید نکات برجسته خود را در همه دستگاه های خود ذخیره کنید؟ برای ورودثبت نام کنید یا اگر ثبت نام کرده اید وارد شوید
© 2023, CABTAL