<div class="version vid1228 iso6393tnn" data-vid="1228" data-iso6393="tnn">
    <div class="book bkMRK">
        <div class="chapter chINTRO1" data-usfm="MRK.INTRO1">
            <div class="imt"><span class="content">N&#601;ghat&#601;n &#601;ku&#601;k&#616;r r&#601;ha naoa u Mak</span></div><div class="ip"><span class="content">  </span><span class="bd"><span class="content">?Pah t&#601;m&#601;te naoa u?</span></span><span class="content"> Jon Mak t&#601;m&#601;te naoa u. In s&#601;n&#601;m&#601; et&#601;m tuelef kit r&#601;ha Iesu. M&#601;to kat&#601;n m&#601;m&#601; in fren w&#616;r kit r&#601;ha Pita it&#601;m ilau katian ik&#616;n m&#616;n tep&#601;t. Naoa r&#601;ha W&#601;k M&#616;n tat&#601;n m&#601;m&#601; in t&#601;muw&#616;n ilau Pol e r&#601;han naliw&#601;k&#601;n t&#601;maup&#601;n mol, k&#601;n uaris&#616;g lan, t&#601;muw&#616;n ilau Panapas.</span></div><div class="ip"><span class="content">  </span><span class="bd"><span class="content">?T&#601;m&#601;te tatuw&#616;n k&#601;m pah?</span></span><span class="content"> K&#601;mot&#601;n m&#601;m&#601; Mak t&#601;m&#601;tat&#616;g Rom nian in t&#601;m&#601;te naoa u, k&#601;n ok&#601;m-naka in ilau Pita, uaris&#616;g kohamnu Pita. Mak t&#601;m&#601;te naoa u tuw&#616;n o i&#601;fak m&#616;n &#601;p&#601;h Rom u ilat Iaihlu&#601; m&#616;n. Kitat kot&#616;tun n&#601;hlan m&#601;to-inu in tat&#601;n-iar&#601;p n&#616;p&#601;t&#616; nol&#601;n m&#616;n r&#601;ha net&#601;m Isrel it&#601;m koatol. K&#601;n e naoa u, t&#601;m&#601;te n&#601;ghat&#601;n neen e n&#601;ghat&#601;n Arameik it&#601;m net&#601;m Isrel k&#616;not&#616;tun r&#601;k&#616;s. M&#601;to in m&#601;uhlin n&#601;ghat&#601;n m&#616;n u tuwa e n&#601;ghat&#601;n Kris it&#601;m Iaihlu&#601; m&#616;n &#601;p&#601;h Rom koat&#601;ghat lan.</span></div><div class="ip"><span class="content">  </span><span class="bd"><span class="content">?N&#601;meg&#601;h&#601;n tahro nulan nian t&#601;m&#601;te?</span></span><span class="content"> E nian Mak t&#601;m&#601;te naoa u, k&#601;n net&#601;m Rom koat&#601;r&#601;m&#601;r&#601; e n&#616;t&#601;n asol it&#601;m t&#616;t&#601;lau-in N&#616;t&#601;h&#601;i Metiterenian. R&#601;halat n&#601;ghat&#601;n kiti&#601;h &#601;m, k&#601;n r&#601;halat suat&#616;p kot&#601;w&#616;r, k&#601;n r&#601;halat nol&#601;n o nahl-ip&#601;n&#601;n n&#601;ghat&#601;n m&#616;n in t&#601;w&#616;r. Nian &#601;h, in nian t&#601;w&#616;r o n&#601;n-iar&#601;p&#601;n Namnus&#601;n T&#601;w&#616;r r&#601;ha Iesu Kristo. E nian &#601;h, Namnus&#601;n T&#601;w&#616;r t&#601;maiu u&#601;hai &#601;m e n&#616;t&#601;n p&#616;s&#616;n p&#616;s&#616;n m&#616;n e suat&#616;p m&#616;n r&#601;ha Rom.</span></div><div class="ip"><span class="content">  </span><span class="bd"><span class="content">?T&#601;m&#601;te naoa u o naka?</span></span><span class="content"> Mak tolkeike m&#601;m&#601; ot&#601;n-iar&#601;p &#601;tuat&#616;p namnus&#601;n rafin r&#601;ha Iesu, m&#601;m&#601; in pah, k&#601;n in t&#601;mol naka, k&#601;n mat&#601;g&#601;tun naka. Ok&#601;m-naka in tolkeike m&#601;m&#601; ot&#616;l&#601;s-ip&#601;r n&#601;t&#601;l&#616;g&#601;n r&#601;ha i&#601;fak m&#616;n &#601;p&#601;h Rom, m&#601;to-inu net&#601;mim tep&#601;t k&#601;motol n&#601;rat&#601;n elat. Mak t&#601;m&#601;te tep&#601;t e nian i&#601;k&#616;s m&#616;n it&#601;m ot&#601;panuwa e n&#601;meg&#601;h&#601;n r&#601;ha net&#601;mim r&#601;ha Iesu. K&#601;n in t&#601;m&#601;n-iar&#601;p nol&#601;n r&#601;ha Iesu m&#601;m&#601; in m&#616;n t&#601;m&#601;tat&#616;g e nian i&#601;k&#616;s m&#616;n.</span></div>
        </div>
    </div>
</div>

Nəghatən əkuəkɨr rəha naoa u Mak
?Pah təməte naoa u? Jon Mak təməte naoa u. In sənəmə etəm tuelef kit rəha Iesu. Məto katən məmə in fren wɨr kit rəha Pita itəm ilau katian ikɨn mɨn tepət. Naoa rəha Wək Mɨn tatən məmə in təmuwɨn ilau Pol e rəhan naliwəkən təmaupən mol, kən uarisɨg lan, təmuwɨn ilau Panapas.
?Təməte tatuwɨn kəm pah? Kəmotən məmə Mak təmətatɨg Rom nian in təməte naoa u, kən okəm-naka in ilau Pita, uarisɨg kohamnu Pita. Mak təməte naoa u tuwɨn o iəfak mɨn əpəh Rom u ilat Iaihluə mɨn. Kitat kotɨtun nəhlan məto-inu in tatən-iarəp nɨpətɨ nolən mɨn rəha netəm Isrel itəm koatol. Kən e naoa u, təməte nəghatən neen e nəghatən Arameik itəm netəm Isrel kɨnotɨtun rəkɨs. Məto in məuhlin nəghatən mɨn u tuwa e nəghatən Kris itəm Iaihluə mɨn əpəh Rom koatəghat lan.
?Nəmegəhən tahro nulan nian təməte? E nian Mak təməte naoa u, kən netəm Rom koatərəmərə e nɨtən asol itəm tɨtəlau-in Nɨtəhəi Metiterenian. Rəhalat nəghatən kitiəh əm, kən rəhalat suatɨp kotəwɨr, kən rəhalat nolən o nahl-ipənən nəghatən mɨn in təwɨr. Nian əh, in nian təwɨr o nən-iarəpən Namnusən Təwɨr rəha Iesu Kristo. E nian əh, Namnusən Təwɨr təmaiu uəhai əm e nɨtən pɨsɨn pɨsɨn mɨn e suatɨp mɨn rəha Rom.
?Təməte naoa u o naka? Mak tolkeike məmə otən-iarəp ətuatɨp namnusən rafin rəha Iesu, məmə in pah, kən in təmol naka, kən matəgətun naka. Okəm-naka in tolkeike məmə otɨləs-ipər nətəlɨgən rəha iəfak mɨn əpəh Rom, məto-inu netəmim tepət kəmotol nəratən elat. Mak təməte tepət e nian iəkɨs mɨn itəm otəpanuwa e nəmegəhən rəha netəmim rəha Iesu. Kən in təmən-iarəp nolən rəha Iesu məmə in mɨn təmətatɨg e nian iəkɨs mɨn.

Kuuntele Mak Nəghatən əkuəkɨr rəha naoa u Mak