<div class="version vid1340 iso6393mna" data-vid="1340" data-iso6393="mna">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Ina zaala ta saamba, toono, mi koro&#331; ta boozomen tipet.</div><div class="p"> 2Indee&#331;e aigule iwe lamata mi ru pa na, Anutu keteene su pa uraata kini. Pa uraata kini ta boozomen, ta ni iposop ma imap kek.#Kam 20:11; Ibr 4:4,10 3Mi iur kampe&#331;ana kini pa aigule tana, mi ipakur ma iwe potom&#331;ana. Paso, indee&#331;e aigule tana, ni keteene su pa uraata kini tau iur saamba mi toono na. 4Ina mbol ta iso pa zaala ta saamba mi toono tipet.</div><div class="s">Anutu iur tomtom</div><div class="p"> 5Indee&#331;e Merere Anutu iur saamba mi toono matapopoten na, kosa sa indom ma ise pa toono zen. Ke som, mbutmbuutu som. Paso, ni ikam ya&#331; ma isu pa toono zen, mi tomtom sa imbot be ikam uraata pa toono zen. 6Tamen yok izze pa meleebe, mi ipembesmbeeze toono. 7Mi Merere Anutu ikam toono, mi imbuuzu ma iwe tomtom, to iwi bubu&#331;ana mata yaryaara&#331;ana ilela pa kuzuunu, mi tomtom tana ima&#331;ga ma mataana iyaryaara.#1Kor 15:45</div><div class="s">Mokleene Eden</div><div class="p"> 8Lele ta, ta imbotmbot la ki zo&#331; uunu, zaana Eden. Lele tana Merere Anutu iur ma iwe mokleene. To iur tomtom ta itunu iuri na ma ila imbot pa. 9Mi Merere Anutu ikam ma ke ndabokbok&#331;an mataki&#331;a tindomdom pa mokleene tana. Ke tana ambai be tere mibe takan. Mi mokleene lukutuunu na, ke ru timendernder. Ta na, ke ki mbot&#331;ana mata yaryaara&#331;ana. Mi toro na, irao be ikam ma tikilaala &#331;gar sanan&#331;ana mi &#331;gar ambai&#331;ana.#Un 3:22,24; Tur 2:7, 22:2,14</div><div class="p"> 10Mi yok ta, ta irereere ma ipet pa mokleene tana mi ipembesmbeeze toono. Yok tana ipet mat pa mokleene, to ibogboogo ma iwe namannaman pa&#331;. 11-12Namaana ta, zaana Pison. Ina ireere ma ila pa toono Abila. Toono Abila tina na, gol ambai&#331;ana mi pat ndabokbok&#331;an pakan timbotmbot pa. 13Mi yok namaana toro ta iwe ru pa, zaana Gion. Ina ireere ma ila pa toono Kus. 14Mi namaana toro ta iwe tel pa, zaana Tigris. Ina ireere ma ila pa lele pakaana ki Asiria ta zo&#331; ise pa i. Mi namaana ta iwe pa&#331; pa na, zaana Euprates.</div><div class="p"> 15Tana Merere Anutu ikam tomtom ta imbuuzi na, mi ila iuri su mokleene Eden, be ikam uraata mi mataana pa. 16-17Mi iur sua pini ta kembei: &#8220;Ke &#331;onon boozomen ta timbotmbot pa mokleene ti, ina nu irao kan. Mi ke ta irao ikamu ma kilaala &#331;gar sanan&#331;ana mi &#331;gar ambai&#331;ana na, ke tana, nu kan pepe. Pa aigule ta sombe kan, na kola meete.&#8221;</div><div class="p"> 18To Merere Anutu ikam &#331;gar ta kembei: &#8220;Tomtom itutamen&#331;ana ta kembei na, ambai som. Kenako a&#331;ur le gaaba&#331;ana sa ta irao be iuuli.&#8221; 19Tana Merere Anutu ikam toono, mi imbuuzu ma iwe koro&#331; ta tiwwa pa toono na, mi man ta tirie pa ma&#331;aana&#331;ana na, mi ikokor zin ma tila ki tomtom, bekena ire: Ko tomtom ipaata zin be parei. Mi tomtom ipaata koro&#331; tana zanzan ma timap. 20Ta kembena ta tomtom iur zan ma ikot zin mbili kar kan, mi koro&#331; su kan, mi man ma timap. Mi ni itunu na, le gaaba&#331;ana sa ta irao be iuuli na som.</div><div class="p"> 21To Merere Anutu ipametmeete tomtom ma ikeene ma izemke i, mi ipas ka siel ta ma ipet, mi ipasirimkaala pa mazaana. 22To ikam ka siel tana, mi iurpe ma iwe moori, mi ikam moori tina mi iuri ma ila ki tomooto.#1Kor 11:8,9; 1Tim 2:13 23Beso tomooto ire i na iso:</div><div class="q1">&#8220;Aa buri.</div><div class="q1">Tiroono kembei ta nio tiro&#331;,</div><div class="q1">mi mazaana kembei ta nio mozo&#331;.</div><div class="q1">I&#331;gi Adam ri.</div><div class="q1">Tana nio ko a&#331;paati be wae&#331;.</div><div class="q1">Paso, ni iyooto pa itu&#331;.&#8221;</div><div class="b"></div><div class="p"> 24Uunu tina ta tomooto sa, sombe iwoolo, na bela izem tamaana mi naana, mi ziru kusiini tiparlup zin ma tiwe tamen.#Mk 10:7,8; Ep 5:31</div><div class="p"> 25Indee&#331;e mazwaana tana na, tomooto ziru waene len mburu sa be ipakaala zin som. Tamen kan mia&#331; som.</div>
 </div>
 </div>
</div>

Ina zaala ta saamba, toono, mi koroŋ ta boozomen tipet.
Indeeŋe aigule iwe lamata mi ru pa na, Anutu keteene su pa uraata kini. Pa uraata kini ta boozomen, ta ni iposop ma imap kek. Mi iur kampeŋana kini pa aigule tana, mi ipakur ma iwe potomŋana. Paso, indeeŋe aigule tana, ni keteene su pa uraata kini tau iur saamba mi toono na. Ina mbol ta iso pa zaala ta saamba mi toono tipet.

Indeeŋe Merere Anutu iur saamba mi toono matapopoten na, kosa sa indom ma ise pa toono zen. Ke som, mbutmbuutu som. Paso, ni ikam yaŋ ma isu pa toono zen, mi tomtom sa imbot be ikam uraata pa toono zen. Tamen yok izze pa meleebe, mi ipembesmbeeze toono. Mi Merere Anutu ikam toono, mi imbuuzu ma iwe tomtom, to iwi bubuŋana mata yaryaaraŋana ilela pa kuzuunu, mi tomtom tana imaŋga ma mataana iyaryaara.

Lele ta, ta imbotmbot la ki zoŋ uunu, zaana Eden. Lele tana Merere Anutu iur ma iwe mokleene. To iur tomtom ta itunu iuri na ma ila imbot pa. Mi Merere Anutu ikam ma ke ndabokbokŋan matakiŋa tindomdom pa mokleene tana. Ke tana ambai be tere mibe takan. Mi mokleene lukutuunu na, ke ru timendernder. Ta na, ke ki mbotŋana mata yaryaaraŋana. Mi toro na, irao be ikam ma tikilaala ŋgar sananŋana mi ŋgar ambaiŋana.
Mi yok ta, ta irereere ma ipet pa mokleene tana mi ipembesmbeeze toono. Yok tana ipet mat pa mokleene, to ibogboogo ma iwe namannaman paŋ. Namaana ta, zaana Pison. Ina ireere ma ila pa toono Abila. Toono Abila tina na, gol ambaiŋana mi pat ndabokbokŋan pakan timbotmbot pa. Mi yok namaana toro ta iwe ru pa, zaana Gion. Ina ireere ma ila pa toono Kus. Mi namaana toro ta iwe tel pa, zaana Tigris. Ina ireere ma ila pa lele pakaana ki Asiria ta zoŋ ise pa i. Mi namaana ta iwe paŋ pa na, zaana Euprates.
Tana Merere Anutu ikam tomtom ta imbuuzi na, mi ila iuri su mokleene Eden, be ikam uraata mi mataana pa. Mi iur sua pini ta kembei: “Ke ŋonon boozomen ta timbotmbot pa mokleene ti, ina nu irao kan. Mi ke ta irao ikamu ma kilaala ŋgar sananŋana mi ŋgar ambaiŋana na, ke tana, nu kan pepe. Pa aigule ta sombe kan, na kola meete.”
To Merere Anutu ikam ŋgar ta kembei: “Tomtom itutamenŋana ta kembei na, ambai som. Kenako aŋur le gaabaŋana sa ta irao be iuuli.” Tana Merere Anutu ikam toono, mi imbuuzu ma iwe koroŋ ta tiwwa pa toono na, mi man ta tirie pa maŋaanaŋana na, mi ikokor zin ma tila ki tomtom, bekena ire: Ko tomtom ipaata zin be parei. Mi tomtom ipaata koroŋ tana zanzan ma timap. Ta kembena ta tomtom iur zan ma ikot zin mbili kar kan, mi koroŋ su kan, mi man ma timap. Mi ni itunu na, le gaabaŋana sa ta irao be iuuli na som.
To Merere Anutu ipametmeete tomtom ma ikeene ma izemke i, mi ipas ka siel ta ma ipet, mi ipasirimkaala pa mazaana. To ikam ka siel tana, mi iurpe ma iwe moori, mi ikam moori tina mi iuri ma ila ki tomooto. Beso tomooto ire i na iso:
“Aa buri.
Tiroono kembei ta nio tiroŋ,
mi mazaana kembei ta nio mozoŋ.
Iŋgi Adam ri.
Tana nio ko aŋpaati be waeŋ.
Paso, ni iyooto pa ituŋ.”

Uunu tina ta tomooto sa, sombe iwoolo, na bela izem tamaana mi naana, mi ziru kusiini tiparlup zin ma tiwe tamen.
Indeeŋe mazwaana tana na, tomooto ziru waene len mburu sa be ipakaala zin som. Tamen kan miaŋ som.

Kuuntele Koroŋ Ta Boozomen Un 2