<div class="version vid1375 iso6393gvn" data-vid="1375" data-iso6393="gvn">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s1">Nyulu Kukungku juran-bungalarrku.</div><div class="p"> 1Jakalbaku, bubu yamba-kariku, nyubun bundandan, burri Kuku. Kuku nyulu Jesus. Nyulu Kuku Godunji. God bula Kuku yala-karrajiku. 2Nyulu Kuku jakalbaku Godunji. 3Nyulu Kukungku junjuy-junjuy wubulku balkan, bama-karra, minya-karra, wubulku walu-yindu walu-yindu. Yinduynju kari balkan. Nyuluku, Kukungkuku. 4Nyulu Kukungku bama juran-bungan. Nyulu yalarrku bama binal-bungan, manubajaku bundanka, junkayku. Nyulu Jesus yala light, bamanda milbinka junkayku dunganka. 5Nyulu yala light; buyun-buyun yala nguwul-nguwul. Lightmundu balbal nguwul-nguwulbu, nguwul-nguwul kangal. Nguwul-nguwuldu can't light kangal.</div><div class="p"> 6Godungku yungan dingkar kukuji. Nyulu burri John. 7Nyulu John kadan, balkanka bamanda dingkaranka lightmunku. Nyulu kadan, bamanda wubulbuku balkanka, jana dingkaranka lightmunku binalmanka, nyungundu mambarrijinka. 8John nyuluku dingkar light kari. Nyulu kadan, balkanka dingkaranka lightmunku. 9Nyulu dingkar light manubaja, nyulu kadan Godundumun. Nyulu light bubungu kadan, balbanka bama wubulku Godunku, jana kari nguwul-nguwulbu dunganka, kari ngangkal-ngangkalmanka baralka Godundu.</div><div class="p"> 10Yala, nyulu Kukungku jakalbaku wubulku balkan, bubu, minya-minya, bama-bama. Nyulu bubungu kadanda. Yamba bama binal kari nyulu junjuy-junjuy wubulku balkan. 11Nyulu nyungungunbu bubungu kadan, yamba jana bamangka nyungunin kari yulmbarrin. 12Kari. Kanbalda nyungunin yulmbarrin, mambarrijin. Jana nyungundu mambarrijin, jana Godumu kangkal-kangkalmanda. 13Godungku jananin nyungu kangkal-kangkal-bungan. Yinya yala kari bama balkaji. Ngana nganjanandamun, ngamundumun balkajin, kangkalkuda. Godumu kangkal-kangkal yala kari. Godungkuku jananin nyungu kangkal-kangkal-bungan, jana wawurr-wawurrku nyungundu mambarrijinya.</div><div class="p"> 14Yala, nyulu Kuku bamaman, ngananji bundan. Ngana nyungunin nyajin, ngulkurr bajaku, manubaja bajaku, junkay bajaku. Nyulu Godumu kangkalkuda, Godumu kangkal nyubunku.</div><div class="p"> 15Johnungku nyungunku balkan. Nyulu kuku yirrkan, &#8220;Yanyunku dingkaranka ngayu yurranda balkan. Ngayu yalaman, &#8216;Ngayu balkajin, nyulu bubungu kadanjiku, yamba nyulu maja jirray bajaku, ngayu buban. Nyulu jirray bajaku, nyulu jiringa bundandanya, nyulu balkajinjiku. Ngayu yala kari. Nyuluku jiringa bundandan, nyulu balkajinjiku.&#8217; &#8221;</div><div class="p"> 16Nyulu dingkar ngananka wawu jirray bajaku. Nyulu ngananin ngulkurrduku nyajin-nyajil. Nyulu ngananin wawu ngulkurr-bungan-bungal. Ngana wawurr-wawurrmaniji nyungunku. 17Ngadi bajaku nyubun dingkar bundandan, Moses. Godungku bamanga Jew-warramu ngujakura law dajin Mosesanda. Mosesangka ngujakura law kabanba balkan. Yamba Jesusangka bamanda God milbin, nyulu ngulkurrku bundanya, manubajaku. 18Bamangka God kari bajaku nyajin. Yamba Jesusangka bama binal-bungan Godunku. Nyulu Godumu kangkalkuda, nyubunku. Nyulu Nganjananji bundandayda.</div><div class="s1">John kukuji kadan.</div><div class="p"> 19Yala, John townbu Bethany naka-naka wawubajanga Jordan. Nyulu bama banabu dukul-damal-daman. Kanbal maja-maja townbu Jerusalem bundandarin, Pharisee-warra. Jana maja-maja yindu Johnundu yungan, maja-maja Jew-warrandamunku churchmunku, Levi-karra. Jananin yungan Johnundu babajinka, &#8220;Yundu wanju? Yundukuda bama Godundumun, Christ?&#8221; 20Johnungku wanjarrman? Nyulu manubajabuku yalaman, &#8220;Ngayu Christ kari, ngayu jirimun kari.&#8221; 21Jana babajin baja, &#8220;Wanju yundu? Yundu Elijah?&#8221; Johnungku yalaman, &#8220;Kari, ngayu Elijah kari.&#8221; Jana babajin, &#8220;Yundu yinya dingkar prophet ngadimunku?&#8221; Nyulu yalaman, &#8220;Kari.&#8221; Jana bama balu yinya dingkar prophet ngadimunku bubungu kadanka baja. 22Jana yalaman, &#8220;Wanju yundu? Balka. Jana maja-majangka nganjinin yungan, yununin wawu-yimbanka. Yununkuku balka. Nganjin must jananda balka yununku.&#8221; 23Johnungku yalaman, &#8220;Wanju ngayu? Ngadi bajaku nyubun dingkar bundandan, Isaiah. Nyulu Godundumunbu kabanba balkan yalaku:</div><div class="q1">&#8216;Nyubun dingkar kuku yirrkan-yirrkay bubungu jirrbu-jirrbungu, &#8220;Ready-bunga Majanka. Maja jirray kaday; readymakada.&#8221; &#8217;</div><div class="m">Yala, Isaiahangka ngaykunku kabanba balkan. Ngayu yinya dingkar yirrkanya ready-bunganka.&#8221; 24-25Jana yalaman, &#8220;Yundu jirimun kari, Christ kari. Yundu Elijah kari. Yundu yinya dingkar prophet ngadimunku kari. Yala yundu wanyurrinku banabu dukul-daman-damal, baptiseim-bungan-bungal?&#8221; 26Johnungku yalaman, &#8220;Ngayu dukul-daman-damalkuda, banabu. Kari. Nyubun bama yurranji janjanay. Yurra nyungunku binal kari. 27Nyulu ngaykunku kudamundu kaday. Nyulu yala ngayula kari. Nyulu maja ngulkurr bajaku, junkurrji. Nyulu yala ngayula kari.&#8221; 28Yinya kuku John the Baptistangka jananda balkan townbu Bethany naka-naka wawubajanga Jordan.</div><div class="s1">Jesus yala sheep karrkay.</div><div class="p"> 29Yala, warngku yindu Johnungku Jesus nyajin kankadanya. Johnungku bamanda yalaman, &#8220;Yinya dingkar nyaka. Godungku nyungunin yungan. Nyulu yala sheep karrkay. Ngana bamangka Jew-warrangka minya sheep kunil, wayjul, Godundu dajil buyun-buyunku. Yinya dingkar juma wulay buyun-buyunku bamanka. Nyulu buyun-buyun kidal bamandamun wubulmunku. 30Ngayu yinyaynka dingkaranka balkal-balkan. Ngayu yalaman, &#8216;Nyubun dingkar ngaykunku kudamundu kaday. Nyulu maja jirray bajaku, ngayu buban. Nyulu jiringa bundandan, nyulu balkajinjiku.&#8217; 31Ngayu jakalbaku nyungunku binal kari, yamba ngayu wawu bama Jew-warra nyungunku binalmanka, binalmanka nyulu Godundumun. Ngayu yinyaynka bama banabu dukul-daman-damal, nyungunin milbinka bamanda Jew-warranda.&#8221;</div><div class="p"> 32Johnungku Jesusanka balkan. Johnungku yalaman, &#8220;Ngayu Godumu Wawu nyajin jirimun kadanya yala bakamu, Jesusandakuda bundandanya. 33Ngayu binal kariku nyulu Godundumun. Yamba Godungku ngadiku nganya yungan banabu dukul-damanka, nyulu ngaykundu yalamanda, &#8216;Yundu ngayku Wawu nyajil bada-bada kadanya, bundanya bamanda nyubunyimba. Nyulukudala. Nyulu juma bama dukul-damal, baptiseim-bungal ngaykungundu Wawubu ngulkurrdu.&#8217; 34Ngayu nyajinkuda. Ngayu yurranda balkalda, &#8216;Nyulukuda Godumukuda kangkalkuda.&#8217; &#8221;</div><div class="s1">Kanbalda Jesus wukurrin.</div><div class="p"> 35Warngku yindu jawun jambul Johnunji. Nyubun burri Andrew. 36Johnungku Jesus nyajin walkuku dunganya. Johnungku yalaman, &#8220;Yinya dingkar nyaka. Nyulu buyun-buyun kidal bamandamun wubulmunku.&#8221;</div><div class="p"> 37Bula jawunyungku Johnumu kuku nyajin, bula Jesus wukurrinda. 38Jesus jurrkijin, bulanin nyajin wukurrinya, bulanda babajin, &#8220;Yubal wanyunku nubin-nubiji?&#8221; Bula yalaman, &#8220;Kari. Teacher, yundu wanjabu bundanday?&#8221; 39Nyulu yalaman, &#8220;Kaday, nyaka.&#8221; Bula nyungunji dungan, bayan nyajin nyulu bundandanya. Wungar kuwada, bula nyungunji bundan wujurr daranyamunku.</div><div class="p"> 40-41Nyulu Andrew dunganda, yabanda Simon Peteranda dungan, yalaman, &#8220;Ngalin bama Godundumun nyajin, nyulu Christ.&#8221; 42Nyulu Simon wundin Jesusanda.</div><div class="p">Jesusangka Simon nyajin, yalaman, &#8220;Yundu Simon, yunu nganjan John. Ngayu burri yindu dalkil yununin, Cephas.&#8221; Kuku Greek Cephas Peter. Cephas mean Kulji.</div><div class="s1">Philipangka bula Nathanaelangka Jesus wukurrin.</div><div class="p"> 43Warngku yindu Jesus bubungu Galilee dunganka. Nyulu nyubun bama nyajin, burri Philip. Nyulu Philipanda yalaman, &#8220;Nganya wukurrika.&#8221; 44Jana, Philip, Andrew, Peter, jana townmun Bethsaidamun kadan. 45Nyubun dingkar burri Nathanael. Philip Nathanaelanda dungan, nyungundu yalaman, &#8220;Nganjin dingkar nyubun nyajin, burri Jesus. Nyungu nganjan Joseph townku Nazarethmunku. Jana Mosesangka, jana prophet-prophetangka, jana Godundumunbu kabanba balkan Jesusanka.&#8221; 46Nathanaelangka yalaman, &#8220;Kari. Bama ngulkurr townmun Nazarethmun kari bajaku kaday. Nyulu Nazarethmunku, nyulu ngulkurr kari.&#8221; Philipangka yalaman, &#8220;Kaday, nyaka.&#8221;</div><div class="p"> 47Jesusangka Nathanael nyajin kankadanya. Nyulu yalaman, &#8220;Yinya bama Jew ngulkurr bajaku, manubaja, junkay. Nyulu jurril kari, bulu-duray kari.&#8221; 48Nathanael kungkurr-kadan, yalaman, &#8220;Ya, yundu ngaykunku binal kari.&#8221; Jesusangka yalaman, &#8220;Yubal Philip balkawanjiku, ngayu yununin nyajin bada-bada jukungu mujarrba.&#8221; 49Nathanaelangka yalaman, &#8220;Ya, Teacher, yundu Godumu kangkalkuda. Yundu maja jirray bajaku bamanga Jew-warramu, kingkuda.&#8221; 50Jesusangka yalaman, &#8220;Ngayu yunundu balkan ngayu yununin nyajin bada-bada jukungu mujarrba. Kuda yundu yinyaynka nganya believeim-bungan? Yundu nganya nyajil junjuy-junjuy jarra yalbay balkanya Godundumundu junkurrdu.&#8221;</div><div class="p"> 51Jesusangka jananda yalaman, &#8220;Ngayu yurranda manubajabuku balkal. Yurra heaven nyajil walngajinya. Yurra angel-angel Godundumun nyajil ngaykundu kankadanya, ngaykundumun dakal-dakanya. Ngayu yinya dingkar Godundumun.&#8221;</div>
 </div>
 </div>
</div>

Jakalbaku, bubu yamba-kariku, nyubun bundandan, burri Kuku. Kuku nyulu Jesus. Nyulu Kuku Godunji. God bula Kuku yala-karrajiku. Nyulu Kuku jakalbaku Godunji. Nyulu Kukungku junjuy-junjuy wubulku balkan, bama-karra, minya-karra, wubulku walu-yindu walu-yindu. Yinduynju kari balkan. Nyuluku, Kukungkuku. Nyulu Kukungku bama juran-bungan. Nyulu yalarrku bama binal-bungan, manubajaku bundanka, junkayku. Nyulu Jesus yala light, bamanda milbinka junkayku dunganka. Nyulu yala light; buyun-buyun yala nguwul-nguwul. Lightmundu balbal nguwul-nguwulbu, nguwul-nguwul kangal. Nguwul-nguwuldu can't light kangal.
Godungku yungan dingkar kukuji. Nyulu burri John. Nyulu John kadan, balkanka bamanda dingkaranka lightmunku. Nyulu kadan, bamanda wubulbuku balkanka, jana dingkaranka lightmunku binalmanka, nyungundu mambarrijinka. John nyuluku dingkar light kari. Nyulu kadan, balkanka dingkaranka lightmunku. Nyulu dingkar light manubaja, nyulu kadan Godundumun. Nyulu light bubungu kadan, balbanka bama wubulku Godunku, jana kari nguwul-nguwulbu dunganka, kari ngangkal-ngangkalmanka baralka Godundu.
Yala, nyulu Kukungku jakalbaku wubulku balkan, bubu, minya-minya, bama-bama. Nyulu bubungu kadanda. Yamba bama binal kari nyulu junjuy-junjuy wubulku balkan. Nyulu nyungungunbu bubungu kadan, yamba jana bamangka nyungunin kari yulmbarrin. Kari. Kanbalda nyungunin yulmbarrin, mambarrijin. Jana nyungundu mambarrijin, jana Godumu kangkal-kangkalmanda. Godungku jananin nyungu kangkal-kangkal-bungan. Yinya yala kari bama balkaji. Ngana nganjanandamun, ngamundumun balkajin, kangkalkuda. Godumu kangkal-kangkal yala kari. Godungkuku jananin nyungu kangkal-kangkal-bungan, jana wawurr-wawurrku nyungundu mambarrijinya.
Yala, nyulu Kuku bamaman, ngananji bundan. Ngana nyungunin nyajin, ngulkurr bajaku, manubaja bajaku, junkay bajaku. Nyulu Godumu kangkalkuda, Godumu kangkal nyubunku.
Johnungku nyungunku balkan. Nyulu kuku yirrkan, “Yanyunku dingkaranka ngayu yurranda balkan. Ngayu yalaman, ‘Ngayu balkajin, nyulu bubungu kadanjiku, yamba nyulu maja jirray bajaku, ngayu buban. Nyulu jirray bajaku, nyulu jiringa bundandanya, nyulu balkajinjiku. Ngayu yala kari. Nyuluku jiringa bundandan, nyulu balkajinjiku.’ ”
Nyulu dingkar ngananka wawu jirray bajaku. Nyulu ngananin ngulkurrduku nyajin-nyajil. Nyulu ngananin wawu ngulkurr-bungan-bungal. Ngana wawurr-wawurrmaniji nyungunku. Ngadi bajaku nyubun dingkar bundandan, Moses. Godungku bamanga Jew-warramu ngujakura law dajin Mosesanda. Mosesangka ngujakura law kabanba balkan. Yamba Jesusangka bamanda God milbin, nyulu ngulkurrku bundanya, manubajaku. Bamangka God kari bajaku nyajin. Yamba Jesusangka bama binal-bungan Godunku. Nyulu Godumu kangkalkuda, nyubunku. Nyulu Nganjananji bundandayda.

Yala, John townbu Bethany naka-naka wawubajanga Jordan. Nyulu bama banabu dukul-damal-daman. Kanbal maja-maja townbu Jerusalem bundandarin, Pharisee-warra. Jana maja-maja yindu Johnundu yungan, maja-maja Jew-warrandamunku churchmunku, Levi-karra. Jananin yungan Johnundu babajinka, “Yundu wanju? Yundukuda bama Godundumun, Christ?” Johnungku wanjarrman? Nyulu manubajabuku yalaman, “Ngayu Christ kari, ngayu jirimun kari.” Jana babajin baja, “Wanju yundu? Yundu Elijah?” Johnungku yalaman, “Kari, ngayu Elijah kari.” Jana babajin, “Yundu yinya dingkar prophet ngadimunku?” Nyulu yalaman, “Kari.” Jana bama balu yinya dingkar prophet ngadimunku bubungu kadanka baja. Jana yalaman, “Wanju yundu? Balka. Jana maja-majangka nganjinin yungan, yununin wawu-yimbanka. Yununkuku balka. Nganjin must jananda balka yununku.” Johnungku yalaman, “Wanju ngayu? Ngadi bajaku nyubun dingkar bundandan, Isaiah. Nyulu Godundumunbu kabanba balkan yalaku:
‘Nyubun dingkar kuku yirrkan-yirrkay bubungu jirrbu-jirrbungu, “Ready-bunga Majanka. Maja jirray kaday; readymakada.” ’
Yala, Isaiahangka ngaykunku kabanba balkan. Ngayu yinya dingkar yirrkanya ready-bunganka.” Jana yalaman, “Yundu jirimun kari, Christ kari. Yundu Elijah kari. Yundu yinya dingkar prophet ngadimunku kari. Yala yundu wanyurrinku banabu dukul-daman-damal, baptiseim-bungan-bungal?” Johnungku yalaman, “Ngayu dukul-daman-damalkuda, banabu. Kari. Nyubun bama yurranji janjanay. Yurra nyungunku binal kari. Nyulu ngaykunku kudamundu kaday. Nyulu yala ngayula kari. Nyulu maja ngulkurr bajaku, junkurrji. Nyulu yala ngayula kari.” Yinya kuku John the Baptistangka jananda balkan townbu Bethany naka-naka wawubajanga Jordan.

Yala, warngku yindu Johnungku Jesus nyajin kankadanya. Johnungku bamanda yalaman, “Yinya dingkar nyaka. Godungku nyungunin yungan. Nyulu yala sheep karrkay. Ngana bamangka Jew-warrangka minya sheep kunil, wayjul, Godundu dajil buyun-buyunku. Yinya dingkar juma wulay buyun-buyunku bamanka. Nyulu buyun-buyun kidal bamandamun wubulmunku. Ngayu yinyaynka dingkaranka balkal-balkan. Ngayu yalaman, ‘Nyubun dingkar ngaykunku kudamundu kaday. Nyulu maja jirray bajaku, ngayu buban. Nyulu jiringa bundandan, nyulu balkajinjiku.’ Ngayu jakalbaku nyungunku binal kari, yamba ngayu wawu bama Jew-warra nyungunku binalmanka, binalmanka nyulu Godundumun. Ngayu yinyaynka bama banabu dukul-daman-damal, nyungunin milbinka bamanda Jew-warranda.”
Johnungku Jesusanka balkan. Johnungku yalaman, “Ngayu Godumu Wawu nyajin jirimun kadanya yala bakamu, Jesusandakuda bundandanya. Ngayu binal kariku nyulu Godundumun. Yamba Godungku ngadiku nganya yungan banabu dukul-damanka, nyulu ngaykundu yalamanda, ‘Yundu ngayku Wawu nyajil bada-bada kadanya, bundanya bamanda nyubunyimba. Nyulukudala. Nyulu juma bama dukul-damal, baptiseim-bungal ngaykungundu Wawubu ngulkurrdu.’ Ngayu nyajinkuda. Ngayu yurranda balkalda, ‘Nyulukuda Godumukuda kangkalkuda.’ ”

Warngku yindu jawun jambul Johnunji. Nyubun burri Andrew. Johnungku Jesus nyajin walkuku dunganya. Johnungku yalaman, “Yinya dingkar nyaka. Nyulu buyun-buyun kidal bamandamun wubulmunku.”
Bula jawunyungku Johnumu kuku nyajin, bula Jesus wukurrinda. Jesus jurrkijin, bulanin nyajin wukurrinya, bulanda babajin, “Yubal wanyunku nubin-nubiji?” Bula yalaman, “Kari. Teacher, yundu wanjabu bundanday?” Nyulu yalaman, “Kaday, nyaka.” Bula nyungunji dungan, bayan nyajin nyulu bundandanya. Wungar kuwada, bula nyungunji bundan wujurr daranyamunku.
Nyulu Andrew dunganda, yabanda Simon Peteranda dungan, yalaman, “Ngalin bama Godundumun nyajin, nyulu Christ.” Nyulu Simon wundin Jesusanda.
Jesusangka Simon nyajin, yalaman, “Yundu Simon, yunu nganjan John. Ngayu burri yindu dalkil yununin, Cephas.” Kuku Greek Cephas Peter. Cephas mean Kulji.

Warngku yindu Jesus bubungu Galilee dunganka. Nyulu nyubun bama nyajin, burri Philip. Nyulu Philipanda yalaman, “Nganya wukurrika.” Jana, Philip, Andrew, Peter, jana townmun Bethsaidamun kadan. Nyubun dingkar burri Nathanael. Philip Nathanaelanda dungan, nyungundu yalaman, “Nganjin dingkar nyubun nyajin, burri Jesus. Nyungu nganjan Joseph townku Nazarethmunku. Jana Mosesangka, jana prophet-prophetangka, jana Godundumunbu kabanba balkan Jesusanka.” Nathanaelangka yalaman, “Kari. Bama ngulkurr townmun Nazarethmun kari bajaku kaday. Nyulu Nazarethmunku, nyulu ngulkurr kari.” Philipangka yalaman, “Kaday, nyaka.”
Jesusangka Nathanael nyajin kankadanya. Nyulu yalaman, “Yinya bama Jew ngulkurr bajaku, manubaja, junkay. Nyulu jurril kari, bulu-duray kari.” Nathanael kungkurr-kadan, yalaman, “Ya, yundu ngaykunku binal kari.” Jesusangka yalaman, “Yubal Philip balkawanjiku, ngayu yununin nyajin bada-bada jukungu mujarrba.” Nathanaelangka yalaman, “Ya, Teacher, yundu Godumu kangkalkuda. Yundu maja jirray bajaku bamanga Jew-warramu, kingkuda.” Jesusangka yalaman, “Ngayu yunundu balkan ngayu yununin nyajin bada-bada jukungu mujarrba. Kuda yundu yinyaynka nganya believeim-bungan? Yundu nganya nyajil junjuy-junjuy jarra yalbay balkanya Godundumundu junkurrdu.”
Jesusangka jananda yalaman, “Ngayu yurranda manubajabuku balkal. Yurra heaven nyajil walngajinya. Yurra angel-angel Godundumun nyajil ngaykundu kankadanya, ngaykundumun dakal-dakanya. Ngayu yinya dingkar Godundumun.”

Kuuntele Kaban Johnumu 1