Takia - 1999 Edition (NT) Drama

<div class="version vid1468 iso6393tbc" data-vid="1468" data-iso6393="tbc">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s">Jesus Anut san kagin panek an ni&#331;en o ru ifulale ya</div><div class="r"> Luk 6:20-23</div><div class="p"> 1Aria, saen Jesus tamolpein dubuluwi dugo ago ile man, yaug did gira&#331;en na isuda yau a. Agog saen imasi an, i&#331;san megeloum awan dulo&#331; o san na dupalu ya. 2Agog awan isupanig fun iganeg ipite&#331;anai a. Agog ibol,</div><div class="q1"> 3&#8220;Talpein enti &#331;utun lo binawek ni&#331;en katukan, an bar i&#331;aneg imado da.</div><div class="q2">Man dugo, Anut san kagin panek man i&#331;san mok a.</div><div class="q1"> 4Talpein enti tan en lo tina&#331; yabi dan, bar i&#331;aneg imado da.</div><div class="q2">Man dugo, Anut i&#331; ilon i&#331;ane dop ilon pasa ibol a.</div><div class="q1"> 5Talpein enti mos kagin mi iri pani dan, bar i&#331;aneg imado da.</div><div class="q2">Man dugo, tan tilianek en san taman igo ilasa wa.</div><div class="q1"> 6Talpein enti tamolpein fidian kagin itaot digane san ni&#331;en o yaes isofutani dan, bar i&#331;aneg imado da.</div><div class="q2">Man dugo, i&#331;san mala nouk an idaisuda wa.</div><div class="q1"> 7Talpein enti aenta ilod imu&#331;anai dan, bar i&#331;aneg imado da.</div><div class="q2">Man dugo, Anut dam talpein an i&#331;anen ilo mu&#331;anek ipani wa.</div><div class="q1"> 8Talpein enti ilon lo ikokan imado dan, bar i&#331;aneg imado da.</div><div class="q2">Man dugo, i&#331; Anut ile wa.</div><div class="q1"> 9Talpein enti maror ipidinaig itor dan, bar di&#331;aneg dumado da.</div><div class="q2">Man dugo, i&#331; man Anut san nanun muroun mok ago dubol a.</div><div class="q1"> 10Talpein enti kagin itaot ak ni&#331;en o muruan ile dan, bar i&#331;aneg imado da.</div><div class="q2">Man dugo, Anut san kagin panek man i&#331;san a.</div><div class="p"> 11&#8220;Tamolpein a&#331; naom dufute wak, muruan dupana&#331; ak, agod a&#331; ni&#331;emi wo ru saiak saiak lo sewak digane wa. Man dugo, a&#331; &#331;aisag tamolpein ago yan ni&#331;en o ago digane tap man, a&#331; bar a&#331;aneg amado da. 12Yousai lo amado dop ilom uyanan a, fun dugo, a&#331;anem naon kumaen panu lo yen den tubun geig a. Man dugo, nek muruan naon kisaek mi tamolpein profet adi imug dumado yan dupidinai se ya.</div><div class="s">A&#331; beig ilala&#331; da igo wo&#331; a</div><div class="r"> Mak 9:50; Luk 4:34-35</div><div class="p"> 13&#8220;Tan en lo man a&#331; nek ibol beig o&#331; a. Ak gug beig san gigen itout tap, aria dugo wo&#331; tamol ta san gigen an iganep beig o&#331; ilasa da wak i? Beig an urat aman tia ya, an ni&#331;en o tamolpein tan fo diabi yau dop fufo diau dumul pe duparfufari wa. 14A&#331; tan en lo ilala&#331; o&#331; amado da. Panu ta did fufo yen dan tamolpein dimiani san tia ya. 15Nek ago mi tamol ta lam ibanip sareg paen na ta igane na da. Tia, lam an ab ilon lo isu&#331;ani dop ate ab ilon igane ilala&#331; da. 16Nek dal kisaek an lo na agane dop tamolpein ilod lo a&#331;sam midiad#Midida&#331; an dile wa, an lo tamolpein a&#331;sam kagin uyan uyan an kuai tem dile wa. Ago dop i&#331; a&#331;anem Tamam kumaen panu lo imado dan per dupani wa.</div><div class="s">Jesus Moses san kubiae&#331; dabai ipani a</div><div class="p"> 17&#8220;Kabelan Moses san kubiae&#331; agod profet sad ru an &#331;ai &#331;igane itout o &#331;upalu abol banau. &#330;ai mel uraru an &#331;igane itout o ta &#331;upalu na ya, tia, &#331;ai tinig lo i&#331;aned ru idaisuda wo &#331;upalu ya. 18Man dugo, &#331;ai rumok &#331;urupaia&#331; da, gamu yaup tan keit da itout san saen idu dop, samun kitekan ta kubiae&#331; ilon lo yen dan dupasi yaup itout san tia geig a. Tia, mel fidian kubiae&#331; lo man nek ago yen yaup, nek ru fidian digire yan sad nu&#331;on ilasa wa. 19Aria, talpein enti a kubiae&#331; tusan ak ta ipilali dugo tamolpein aenta ago mi digane wo ipite&#331;anai dan, talpein an kumaen panu lo ya&#331;an tia wa. Gug talpein enti a kubiae&#331; fidian iri ipani dugo tamolpein aenta kubiae&#331; an fidian diri wo ipite&#331;anai dan, i&#331; ya&#331;an kumaen panu na man tubun geig a. 20Alo&#331; uyan a, man dugo, &#331;ai itaot &#331;urupaia&#331; da, a&#331; gidad maeg aganep a&#331;anem kagin itaot an, kubiae&#331; girek ma&#331;au adi, agod Fasidi adi dam, sad kagin itaot ak iri&#331;ani wa. Tia tap, a&#331; Anut san kagin panek lo aladu san man tia geig a.</div><div class="s">Jesus ti&#331;ae saian san ai wadan ni&#331;en ipite&#331;anai a</div><div class="p"> 21&#8220;Ru kubiae&#331; a Anut a&#331;sam tubum bagem irupidai an alo&#331; a. Ru an ibol, &#8216;O&#331; tamol ta funi imat na wa. Talpein ta tamol ifuni imat tap, isol yau san tia ya, tia, i&#331; mok mitep Anut san sumiaek lo itur a.&#8217; 22Ak man &#331;ai &#331;urupaia&#331; da, a&#331; a&#331;anem turam ni&#331;emi wo ilom wananan dan, kagin an dam saian geig a. Man dugo, talpein enti a tein lo ti&#331;ae saiak igane dan, i&#331; dam Anut san sumiaek lo itur a. Agod talpein ta tein pilapil ru saian ak ipani tap, Juda sad kot malan te yak lo itur a. Agod talpein ta tein ipeip &#8216;o&#331; &#331;i&#331;eo&#8217; ibol tap, i&#331; Ades san yai lo idu yau a. 23Fun an ni&#331;en o, saen o&#331; Anut ilo uyan pani wo mel ta alta san yai fo mari san ni&#331;en o sini palu dop, tei mel ta ni&#331;en o&#331; lo ilon saian an ilo sou tap, 24o&#331;ane ilo uyan san mel an alta naon na wabi idu dop, umul waup tei da bubem kisaek gup, umul palup o&#331;ane mel an sinip marip Anut ilo uyan pani wa. 25Saen o&#331; kot ab naon na wau dop, tamol a i&#331;iliog kot lo wau o dan, dabai ganep ida &#331;i&#331;e&#331; an dal te mi akubune kisaek o&#331; gup aup alasa wa. Kabelan kot lo alasa dop, tamol an tulek tamol#Jas banin lo iginiop, i&#331; o&#331; ai katuk banid lo iganep, subanek ab lo dibilio waup, dusubano banau. 26&#330;ai rumok &#331;urupaio da, o&#331; nek ago mado yaup naon dugo dupano yan udad pasik a.</div><div class="s">Jeit kagin san pite&#331;anek</div><div class="p"> 27&#8220;A&#331; ru kubiae&#331; e dubol en alo&#331; a, &#8216;O&#331; jeit kagin ta gane na wa.&#8217; 28Ak man &#331;ai igo &#331;urupaia&#331; da, tamol ta pein ta ilep ni&#331;en o ilo masa lo malan isi tap, i&#331; ilo sou lo da jeit kagin digane la ya. 29O&#331; mala iganep kagin saiak lo udu tap, mala an fure ilasap biliau a. Gidad, an uyan a, an man o&#331; tini san boi ta mi ideg yau a, kabelan o&#331; tini fidian mi Ades lo idu banau. 30Agod saen o&#331; bani won ak boi iganep aupasek lo udu tap, an dam tutep biliau a. Gidad, an man o&#331; tini san boi kisaek o lian bisei a, kabelan an iganep o&#331; tini fidian mi Ades lo yau banau.</div><div class="s">Jesus iwo kudi san ma&#331;au ipidinai</div><div class="r"> Mat 19:9; Mak 10:11-12; Luk 16:18</div><div class="p"> 31&#8220;Ru kubiae&#331; e dubol en dam alo&#331; a, &#8216;Tamol ta iwon pein ak ikudi wo ilon ibol tap, nug banin diabi an itout san girek iwon pein ak an ipani wa.&#8217; 32Ak man &#331;ai igo &#331;urupaia&#331; da, tamol ta i&#331;san pein ikudi san fun man kisaek o lian a, pein an jeit kagin igane la ya, nek an mi a. Saen pein an jeit kagin ta igane na yak gug iwon ikudi tap, i&#331; iganeg pein an jeit san pein ago ilasa ya. Man dugo, i&#331;san pein an tamol foun ak i&#331;ane tap man, da jeit digane wa. Ago dop tamol sen ta pein a iwon ikudi an i&#331;ane tap, i&#331; dam pein an da jeit kagin digane ya.</div><div class="s">Jesus ru dabai panek san ipite&#331;anai a</div><div class="p"> 33&#8220;Afon ru a Moses san kubiae&#331; tubud baged irupidai an a&#331; alo&#331; a, &#8216;Saen o&#331;sigane &#331;i&#331;e&#331; dabai pani wo dop, &#331;i&#331;e&#331; nu&#331;on aman tia yak lo dabai pani wo ago ta gane na wa. Tia, o&#331;ane &#331;i&#331;e&#331; Anut malan lo uri uyanan an mi gane wa.&#8217; 34Ak man &#331;ai igo &#331;urupaia&#331; da, o&#331; mel ta san ya&#331;an lo o&#331;sa ru dabai pani wo ta gane na wa. O&#331; kumaen panu ya&#331;an patep lo o&#331;ane ru dabai ta pani na wa, man dugo, aben ante Anut san badim yen da. 35Agod tan san ya&#331;an patep lo o&#331;ane ru dabai ta pani na wa, man dugo, tan en man aben Anut san &#331;ien ate yaes ibal da. Jerusalem san ya&#331;an patep lo ago gane wan ni&#331;en o umoi a, man dugo, aben an man Ki&#331; tubun amaiak san panu malan te ya. 36Taidam, o&#331; kabu&#331;a dam san ya&#331;an patep lo o&#331;sa ru dabai ta pani na wa, man dugo, o&#331; gumura roun ta ganep milkouk boi bilkas boi ilasa san tia ya. 37Nek &#8216;awok&#8217; ubol a, tia dop, &#8216;tia&#8217; ubol a, an mi idaisuda ya. O&#331; mel ta suguan taida gane tap, kagin an san fun man, ilo sou saiak a ilo lo yen damaiak lo ilasa ya.</div><div class="s">Jesus naon pani san ma&#331;au ipidinai</div><div class="r"> Luk 6:29-30</div><div class="p"> 38&#8220;A&#331; mel e kubiae&#331; ibol en alo&#331; a, &#8216;Malak ta i&#331; o&#331; mala san a, agod luok ta i&#331; o&#331; luo san a, agodo naon pani wa.&#8217; 39Ak man &#331;ai igo &#331;urupaia&#331; da, o&#331; tamol a saian an ta wabiani na wa. Tia, saen talpein ta kuda&#331;a won ak igufte tap, &#331;as ak dam bilisa dop dam igufte wa. 40Agod saen muruan ta ni&#331;en o talpein ta kot lo i&#331;ilio waup ante tulek tamol irupaio, &#8216;o&#331;ane siot pani.&#8217; Ago tap, siot mi ta pani na wa, tia, mel suguan taidam pani wa. 41Agod saen yu san tamol ta i&#331;anen biou&#331; sinip kilomita kisaek wau wo isoduduno tap, sinip kilomita uraru wau pani wa. 42Agod saen talpein ta mel an tia dop bunawi wo ibol tap, pani wa. Agod saen talpein ta o&#331;sa na gubun igane wo dop ta umoi na wa.</div><div class="s">Idsad ager bubed tupidinai a</div><div class="r"> Luk 6:27-28,32-36</div><div class="p"> 43&#8220;A&#331; mel e kubiae&#331; ibol en alo&#331; a, &#8216;O&#331;ane tura murou ilo pidinai a, ak gug o&#331;ane ager adi ni&#331;edi wo man siai gane wa.&#8217; 44Ak man &#331;ai igo &#331;urupaia&#331; da, a&#331;anem ager adi dam bubem apidinai a. Agod ensauta a muruan dupana&#331; dan ni&#331;edi wo Anut san na agudani wa. 45An lo dop a&#331; man Tamam kumaen panu lo imado dan i&#331;san nanun muroun mok ago amado wa. Man dugo, i&#331;sen mi i&#331;anen ad igane ilasa dugo tamol uyan, agod tamol saian ak sisem ilala&#331; ipidinai da, agod ui iganep tamol sad kagin itaot, agod a sad kagin ta itaot na yan, sad na isi wa. 46Ak dugo, tamolpein a o&#331; ni&#331;e wo ilod dupano dan mi ilo pidinai tap, Anut naon uyan ak ta ipano wak i? Tia geig a. Man dugo, moni takis &#331;ila&#331;al tamol adi dam, kagin nek ago mi digane na ya. 47Agod o&#331; tura murou mi sad na adian ubol tap, o&#331; kagin dugo uyan ak suguan taidam tamolpein aenta ta digane na yan gane di? Gob adi dam kagin nek ago mi digane na ya. 48Amaiak ni&#331;en o nek ibol o&#331;ane Tama lak na yan itaotan igo wo&#331;, o&#331; dam itaota lasap mado wa.</div>
 </div>
 </div>
</div>

Aria, saen Jesus tamolpein dubuluwi dugo ago ile man, yaug did giraŋen na isuda yau a. Agog saen imasi an, iŋsan megeloum awan duloŋ o san na dupalu ya. Agog awan isupanig fun iganeg ipiteŋanai a. Agog ibol,
“Talpein enti ŋutun lo binawek niŋen katukan, an bar iŋaneg imado da.
Man dugo, Anut san kagin panek man iŋsan mok a.
Talpein enti tan en lo tinaŋ yabi dan, bar iŋaneg imado da.
Man dugo, Anut iŋ ilon iŋane dop ilon pasa ibol a.
Talpein enti mos kagin mi iri pani dan, bar iŋaneg imado da.
Man dugo, tan tilianek en san taman igo ilasa wa.
Talpein enti tamolpein fidian kagin itaot digane san niŋen o yaes isofutani dan, bar iŋaneg imado da.
Man dugo, iŋsan mala nouk an idaisuda wa.
Talpein enti aenta ilod imuŋanai dan, bar iŋaneg imado da.
Man dugo, Anut dam talpein an iŋanen ilo muŋanek ipani wa.
Talpein enti ilon lo ikokan imado dan, bar iŋaneg imado da.
Man dugo, iŋ Anut ile wa.
Talpein enti maror ipidinaig itor dan, bar diŋaneg dumado da.
Man dugo, iŋ man Anut san nanun muroun mok ago dubol a.
Talpein enti kagin itaot ak niŋen o muruan ile dan, bar iŋaneg imado da.
Man dugo, Anut san kagin panek man iŋsan a.
“Tamolpein aŋ naom dufute wak, muruan dupanaŋ ak, agod aŋ niŋemi wo ru saiak saiak lo sewak digane wa. Man dugo, aŋ ŋaisag tamolpein ago yan niŋen o ago digane tap man, aŋ bar aŋaneg amado da. Yousai lo amado dop ilom uyanan a, fun dugo, aŋanem naon kumaen panu lo yen den tubun geig a. Man dugo, nek muruan naon kisaek mi tamolpein profet adi imug dumado yan dupidinai se ya.


“Tan en lo man aŋ nek ibol beig oŋ a. Ak gug beig san gigen itout tap, aria dugo woŋ tamol ta san gigen an iganep beig oŋ ilasa da wak i? Beig an urat aman tia ya, an niŋen o tamolpein tan fo diabi yau dop fufo diau dumul pe duparfufari wa. Aŋ tan en lo ilalaŋ oŋ amado da. Panu ta did fufo yen dan tamolpein dimiani san tia ya. Nek ago mi tamol ta lam ibanip sareg paen na ta igane na da. Tia, lam an ab ilon lo isuŋani dop ate ab ilon igane ilalaŋ da. Nek dal kisaek an lo na agane dop tamolpein ilod lo aŋsam midiad an dile wa, an lo tamolpein aŋsam kagin uyan uyan an kuai tem dile wa. Ago dop iŋ aŋanem Tamam kumaen panu lo imado dan per dupani wa.

“Kabelan Moses san kubiaeŋ agod profet sad ru an ŋai ŋigane itout o ŋupalu abol banau. Ŋai mel uraru an ŋigane itout o ta ŋupalu na ya, tia, ŋai tinig lo iŋaned ru idaisuda wo ŋupalu ya. Man dugo, ŋai rumok ŋurupaiaŋ da, gamu yaup tan keit da itout san saen idu dop, samun kitekan ta kubiaeŋ ilon lo yen dan dupasi yaup itout san tia geig a. Tia, mel fidian kubiaeŋ lo man nek ago yen yaup, nek ru fidian digire yan sad nuŋon ilasa wa. Aria, talpein enti a kubiaeŋ tusan ak ta ipilali dugo tamolpein aenta ago mi digane wo ipiteŋanai dan, talpein an kumaen panu lo yaŋan tia wa. Gug talpein enti a kubiaeŋ fidian iri ipani dugo tamolpein aenta kubiaeŋ an fidian diri wo ipiteŋanai dan, iŋ yaŋan kumaen panu na man tubun geig a. Aloŋ uyan a, man dugo, ŋai itaot ŋurupaiaŋ da, aŋ gidad maeg aganep aŋanem kagin itaot an, kubiaeŋ girek maŋau adi, agod Fasidi adi dam, sad kagin itaot ak iriŋani wa. Tia tap, aŋ Anut san kagin panek lo aladu san man tia geig a.

“Ru kubiaeŋ a Anut aŋsam tubum bagem irupidai an aloŋ a. Ru an ibol, ‘Oŋ tamol ta funi imat na wa. Talpein ta tamol ifuni imat tap, isol yau san tia ya, tia, iŋ mok mitep Anut san sumiaek lo itur a.’ Ak man ŋai ŋurupaiaŋ da, aŋ aŋanem turam niŋemi wo ilom wananan dan, kagin an dam saian geig a. Man dugo, talpein enti a tein lo tiŋae saiak igane dan, iŋ dam Anut san sumiaek lo itur a. Agod talpein ta tein pilapil ru saian ak ipani tap, Juda sad kot malan te yak lo itur a. Agod talpein ta tein ipeip ‘oŋ ŋiŋeo’ ibol tap, iŋ Ades san yai lo idu yau a. Fun an niŋen o, saen oŋ Anut ilo uyan pani wo mel ta alta san yai fo mari san niŋen o sini palu dop, tei mel ta niŋen oŋ lo ilon saian an ilo sou tap, oŋane ilo uyan san mel an alta naon na wabi idu dop, umul waup tei da bubem kisaek gup, umul palup oŋane mel an sinip marip Anut ilo uyan pani wa. Saen oŋ kot ab naon na wau dop, tamol a iŋiliog kot lo wau o dan, dabai ganep ida ŋiŋeŋ an dal te mi akubune kisaek oŋ gup aup alasa wa. Kabelan kot lo alasa dop, tamol an tulek tamol banin lo iginiop, iŋ oŋ ai katuk banid lo iganep, subanek ab lo dibilio waup, dusubano banau. Ŋai rumok ŋurupaio da, oŋ nek ago mado yaup naon dugo dupano yan udad pasik a.

“Aŋ ru kubiaeŋ e dubol en aloŋ a, ‘Oŋ jeit kagin ta gane na wa.’ Ak man ŋai igo ŋurupaiaŋ da, tamol ta pein ta ilep niŋen o ilo masa lo malan isi tap, iŋ ilo sou lo da jeit kagin digane la ya. Oŋ mala iganep kagin saiak lo udu tap, mala an fure ilasap biliau a. Gidad, an uyan a, an man oŋ tini san boi ta mi ideg yau a, kabelan oŋ tini fidian mi Ades lo idu banau. Agod saen oŋ bani won ak boi iganep aupasek lo udu tap, an dam tutep biliau a. Gidad, an man oŋ tini san boi kisaek o lian bisei a, kabelan an iganep oŋ tini fidian mi Ades lo yau banau.


“Ru kubiaeŋ e dubol en dam aloŋ a, ‘Tamol ta iwon pein ak ikudi wo ilon ibol tap, nug banin diabi an itout san girek iwon pein ak an ipani wa.’ Ak man ŋai igo ŋurupaiaŋ da, tamol ta iŋsan pein ikudi san fun man kisaek o lian a, pein an jeit kagin igane la ya, nek an mi a. Saen pein an jeit kagin ta igane na yak gug iwon ikudi tap, iŋ iganeg pein an jeit san pein ago ilasa ya. Man dugo, iŋsan pein an tamol foun ak iŋane tap man, da jeit digane wa. Ago dop tamol sen ta pein a iwon ikudi an iŋane tap, iŋ dam pein an da jeit kagin digane ya.

“Afon ru a Moses san kubiaeŋ tubud baged irupidai an aŋ aloŋ a, ‘Saen oŋsigane ŋiŋeŋ dabai pani wo dop, ŋiŋeŋ nuŋon aman tia yak lo dabai pani wo ago ta gane na wa. Tia, oŋane ŋiŋeŋ Anut malan lo uri uyanan an mi gane wa.’ Ak man ŋai igo ŋurupaiaŋ da, oŋ mel ta san yaŋan lo oŋsa ru dabai pani wo ta gane na wa. Oŋ kumaen panu yaŋan patep lo oŋane ru dabai ta pani na wa, man dugo, aben ante Anut san badim yen da. Agod tan san yaŋan patep lo oŋane ru dabai ta pani na wa, man dugo, tan en man aben Anut san ŋien ate yaes ibal da. Jerusalem san yaŋan patep lo ago gane wan niŋen o umoi a, man dugo, aben an man Kiŋ tubun amaiak san panu malan te ya. Taidam, oŋ kabuŋa dam san yaŋan patep lo oŋsa ru dabai ta pani na wa, man dugo, oŋ gumura roun ta ganep milkouk boi bilkas boi ilasa san tia ya. Nek ‘awok’ ubol a, tia dop, ‘tia’ ubol a, an mi idaisuda ya. Oŋ mel ta suguan taida gane tap, kagin an san fun man, ilo sou saiak a ilo lo yen damaiak lo ilasa ya.


“Aŋ mel e kubiaeŋ ibol en aloŋ a, ‘Malak ta iŋ oŋ mala san a, agod luok ta iŋ oŋ luo san a, agodo naon pani wa.’ Ak man ŋai igo ŋurupaiaŋ da, oŋ tamol a saian an ta wabiani na wa. Tia, saen talpein ta kudaŋa won ak igufte tap, ŋas ak dam bilisa dop dam igufte wa. Agod saen muruan ta niŋen o talpein ta kot lo iŋilio waup ante tulek tamol irupaio, ‘oŋane siot pani.’ Ago tap, siot mi ta pani na wa, tia, mel suguan taidam pani wa. Agod saen yu san tamol ta iŋanen biouŋ sinip kilomita kisaek wau wo isoduduno tap, sinip kilomita uraru wau pani wa. Agod saen talpein ta mel an tia dop bunawi wo ibol tap, pani wa. Agod saen talpein ta oŋsa na gubun igane wo dop ta umoi na wa.


“Aŋ mel e kubiaeŋ ibol en aloŋ a, ‘Oŋane tura murou ilo pidinai a, ak gug oŋane ager adi niŋedi wo man siai gane wa.’ Ak man ŋai igo ŋurupaiaŋ da, aŋanem ager adi dam bubem apidinai a. Agod ensauta a muruan dupanaŋ dan niŋedi wo Anut san na agudani wa. An lo dop aŋ man Tamam kumaen panu lo imado dan iŋsan nanun muroun mok ago amado wa. Man dugo, iŋsen mi iŋanen ad igane ilasa dugo tamol uyan, agod tamol saian ak sisem ilalaŋ ipidinai da, agod ui iganep tamol sad kagin itaot, agod a sad kagin ta itaot na yan, sad na isi wa. Ak dugo, tamolpein a oŋ niŋe wo ilod dupano dan mi ilo pidinai tap, Anut naon uyan ak ta ipano wak i? Tia geig a. Man dugo, moni takis ŋilaŋal tamol adi dam, kagin nek ago mi digane na ya. Agod oŋ tura murou mi sad na adian ubol tap, oŋ kagin dugo uyan ak suguan taidam tamolpein aenta ta digane na yan gane di? Gob adi dam kagin nek ago mi digane na ya. Amaiak niŋen o nek ibol oŋane Tama lak na yan itaotan igo woŋ, oŋ dam itaota lasap mado wa.

Kuuntele Matyu 5