<div class="version vid1512 iso6393suk" data-vid="1512" data-iso6393="suk">
   <div class="book bkJHN">
      <div class="chapter chINTRO1" data-usfm="JHN.INTRO1">
         <div class="imt"><span class="content">B&#362;SOMBOOJI BO K&#362;GUNAANA</span></div><div class="ip"><span class="content">&#298; shitabo sha ng'wa Yohana shil&#299;toolekeja g&#299;k&#299;, &#363; Yesu al&#299; Mhayo go ng'wa Mulungu. &#362; wei al&#299; waho na kale, wa shik&#363; ja welelo na welelo. Kwike l&#299;kashika ikanza &#363;biza mu m&#299;l&#299; gwa banh&#363;, wiza mu s&#299; kwikala na banh&#363;.</span></div><div class="ip"><span class="content">&#362; b&#363;l&#299;ng&#299;s&#299;ji wa ng'wand&#299;ki wal&#299; ha k&#363;bagunaana a banh&#363;, bazunye g&#299;k&#299; &#363; Yesu al&#299; Ng'wana wa ng'wa Mulungu. H&#363; ng'wene &#363; Mp&#299;ja &#363;yo banh&#363; baal&#299; bisag&#299;jiwa na Mulungu k&#363;fuma kale. B&#363;l&#299; munh&#363; &#363;yo &#363;zunya ak&#363;p&#299;jiwa.</span></div><div class="ip"><span class="content">&#362; mu kahelele kakwe &#363; ng'wand&#299;ki, alandya mu koolecha miguh&#299;-guh&#299; &#299;yo &#299;d&#363;gije k&#363;bagunaana a banh&#363; k&#363;zunya g&#299;k&#299; &#363; Yesu al&#299; Mhayo, h&#363; ng'wene &#363; Mp&#299;ja. &#362; ng'wand&#299;ki al&#299;boolecha &#363; b&#363;d&#363;la bo ng'wa Yesu mu nz&#299;la ya k&#363;shoolecha &#299; shiman&#299;k&#299;jo &#299;sho washibeejaga &#363; Yesu. H&#363;na b&#363;l&#299; shiman&#299;k&#299;jo shil&#299;londeelwa na b&#363;sombooji bo koolecha &#299;yo t&#363;lilanga &#363; mu shiman&#299;k&#299;jo shen&#299;sho. Hanuma t&#363;l&#299;bona &#363;mo banh&#363; bang&#299; bakay&#363;nzunya &#363; Yesu, babiza balondeeji bakwe. Al&#299;yo bam&#242; banemaga no, n&#299;yo mu k&#363;ng'wihalal&#299;ja hataale.</span></div><div class="ip"><span class="content">&#362; mu sula ya 13 k&#363;shisha ya 17, t&#363;l&#299;bona &#363; Yesu al&#299; na mihayo mishimu ya k&#363;hoya nabo a bat&#363;ng'wa bakwe. &#362; b&#363;sang&#299; bokwe na a boi b&#363;l&#299; bo bbih&#299; no-no-no; t&#363;l&#299;bona al&#299;bamanya &#299;yo &#299;lang'wilongele &#363; mu b&#363;jik&#363; wa l&#363;shik&#363; lwen&#363;lo, n&#299; y&#299;yo &#299;k&#363;bagw&#299;la a boi &#363;l&#363; ly&#363;shika &#299; likanza lya k&#363;baleka mu s&#299;. Ha numa ya yen&#299;yo, &#363; ng'wand&#299;ki al&#299;toolekeja &#363;mo &#299;kaj&#299;la &#299; mihayo, &#363; Yesu aho wading'wa. T&#363;l&#299;mona al&#299; k&#363; b&#363;tongi w'ibanza, nose k&#363;shika &#363;b&#363;lagwa ha nsalaba, na k&#363;j&#299;kwa. Al&#299;yo atabolelile mu shigila; akaj&#363;&#363;ka, wiyoolecha &#363; k&#363; bahemba bakwe g&#299;k&#299; h&#363; wei gete, al&#299; mpanga.</span></div><div class="ip"><span class="content">&#362; mu kalang&#299;le kakwe &#363; Yesu, wat&#363;mam&#299;laga mihayo ming&#299; &#299;yo yip&#363;ganije gete; &#299;yo &#299;taj&#299;lan&#299;jaga mu b&#363;sang&#299; b&#363;m&#242;. &#362; mu shitabo shen&#299;shi &#299;l&#299;mo ming&#299; &#299; ya mbika jen&#299;jo, k&#363;tinda &#363;mo boolekegije a band&#299;ki a bang&#299;. T&#363;l&#299;bona mihayo g&#299;t&#299;: Isana na G&#299;t&#299;, B&#363;panga na K&#363;cha, Mhola na K&#363;tawa-tawa. N&#299; mihayo &#299;yo banh&#363; bak&#299;t&#363;mam&#299;laga mu mahoya ga b&#363;l&#299; l&#363;shik&#363; mu kaya jabo nayo ming&#299; w&#299;t&#363;mam&#299;laga. Mihayo g&#299;t&#299;: ngat&#299; (n&#363;&#363;l&#363; shil&#299;wa), ngholo, nd&#299;&#299;mi, numba ya ngholo, (n&#363;&#363;l&#363; l&#363;b&#299;g&#299;l&#299;), nzabibu na matwajo gago; &#363; Yohana ayand&#299;kile g&#299;t'&#363;mo w&#299;t&#363;mam&#299;laga &#363; Yesu &#363;l&#363; al&#299;balanga a banh&#363;.</span></div><div class="iot"><span class="content">&#298;YO &#298;L&#298;MO</span></div><div class="io"><span class="content">Mihayo ya kwandya (1:1-18)</span></div><div class="io"><span class="content">Yohana Mat&#299;&#299;ja na bahemba ba kwandya ba ng'wa Yesu (1:19-51)</span></div><div class="io"><span class="content">B&#363;t&#363;mami bo ng'wa Yesu (2:1 &#8212; 12:50)</span></div><div class="io"><span class="content">Ikanza lya b&#363;kal&#299;k&#299;jo wa b&#363;t&#363;mami bokwe (13:1 &#8212; 17:26)</span></div><div class="io"><span class="content">K&#363;ding'wa na k&#363;b&#363;lagwa ha nsalaba (18:1 &#8212; 19:42)</span></div><div class="io"><span class="content">K&#363;j&#363;&#363;ka na kwiyoolecha kwa ng'wa Seeba (20:1 &#8212; 21:25)</span></div>
      </div>
   </div>
</div>

Sukuma New Testament © Bible Society of Tanzania, 2000.

BŪSOMBOOJI BO KŪGUNAANA
Ī shitabo sha ng'wa Yohana shilītoolekeja gīkī, ū Yesu alī Mhayo go ng'wa Mulungu. Ū wei alī waho na kale, wa shikū ja welelo na welelo. Kwike līkashika ikanza ūbiza mu mīlī gwa banhū, wiza mu sī kwikala na banhū.
Ū būlīngīsīji wa ng'wandīki walī ha kūbagunaana a banhū, bazunye gīkī ū Yesu alī Ng'wana wa ng'wa Mulungu. Hū ng'wene ū Mpīja ūyo banhū baalī bisagījiwa na Mulungu kūfuma kale. Būlī munhū ūyo ūzunya akūpījiwa.
Ū mu kahelele kakwe ū ng'wandīki, alandya mu koolecha miguhī-guhī īyo īdūgije kūbagunaana a banhū kūzunya gīkī ū Yesu alī Mhayo, hū ng'wene ū Mpīja. Ū ng'wandīki alīboolecha ū būdūla bo ng'wa Yesu mu nzīla ya kūshoolecha ī shimanīkījo īsho washibeejaga ū Yesu. Hūna būlī shimanīkījo shilīlondeelwa na būsombooji bo koolecha īyo tūlilanga ū mu shimanīkījo shenīsho. Hanuma tūlībona ūmo banhū bangī bakayūnzunya ū Yesu, babiza balondeeji bakwe. Alīyo bamò banemaga no, nīyo mu kūng'wihalalīja hataale.
Ū mu sula ya 13 kūshisha ya 17, tūlībona ū Yesu alī na mihayo mishimu ya kūhoya nabo a batūng'wa bakwe. Ū būsangī bokwe na a boi būlī bo bbihī no-no-no; tūlībona alībamanya īyo īlang'wilongele ū mu būjikū wa lūshikū lwenūlo, nī yīyo īkūbagwīla a boi ūlū lyūshika ī likanza lya kūbaleka mu sī. Ha numa ya yenīyo, ū ng'wandīki alītoolekeja ūmo īkajīla ī mihayo, ū Yesu aho wading'wa. Tūlīmona alī kū būtongi w'ibanza, nose kūshika ūbūlagwa ha nsalaba, na kūjīkwa. Alīyo atabolelile mu shigila; akajūūka, wiyoolecha ū kū bahemba bakwe gīkī hū wei gete, alī mpanga.
Ū mu kalangīle kakwe ū Yesu, watūmamīlaga mihayo mingī īyo yipūganije gete; īyo ītajīlanījaga mu būsangī būmò. Ū mu shitabo shenīshi īlīmo mingī ī ya mbika jenījo, kūtinda ūmo boolekegije a bandīki a bangī. Tūlībona mihayo gītī: Isana na Gītī, Būpanga na Kūcha, Mhola na Kūtawa-tawa. Nī mihayo īyo banhū bakītūmamīlaga mu mahoya ga būlī lūshikū mu kaya jabo nayo mingī wītūmamīlaga. Mihayo gītī: ngatī (nūūlū shilīwa), ngholo, ndīīmi, numba ya ngholo, (nūūlū lūbīgīlī), nzabibu na matwajo gago; ū Yohana ayandīkile gīt'ūmo wītūmamīlaga ū Yesu ūlū alībalanga a banhū.
ĪYO ĪLĪMO
Mihayo ya kwandya (1:1-18)
Yohana Matīīja na bahemba ba kwandya ba ng'wa Yesu (1:19-51)
Būtūmami bo ng'wa Yesu (2:1 — 12:50)
Ikanza lya būkalīkījo wa būtūmami bokwe (13:1 — 17:26)
Kūding'wa na kūbūlagwa ha nsalaba (18:1 — 19:42)
Kūjūūka na kwiyoolecha kwa ng'wa Seeba (20:1 — 21:25)

Kuuntele Yohana BŪSOMBOOJI BO KŪGUNAANA