 An Eadar-Theangachadh Ùr Gàidhlig 2017  Ann an 1993 sgrìobh an t-Àrd‑Oll. Dòmhnall Meek gun robh “an diofar a th' eadar ‘Gàidhlig a' Bhìobaill’ agus ‘Gàidhlig an latha an‑diugh’ air a bhith air fhaicinn gu ìre fada nas motha tro thìm – gu h‑àraid am measg luchd cleachdaidh na Gàidhlig a tha nas òige … – iadsan nach eil, ann an cumantas, cho eòlach air ‘Gàidhlig na cùbaid’ 's a bha an sinnsirean.” Ma bha sin fìor is follaiseach an uair sin, tha e nas motha buileach mar sin an‑diugh. 'S e sin an t‑adhbhar gu bheil sinne a' clò-bhualadh na h‑iris seo an‑dràsta. Bhruidhinn ar Tighearna 's ar Slànaighear Ìosa Crìosd gu pearsanta, na cànan fhèin, ri Màiri Magdalen às dèidh na h‑aiseirigh, airson dòchas a thoirt dhi (Eòin 20:16). Tha sinne cuideachd ag iarraidh gum bruidhinn Facal Dhè ri daoine sa chànan anns a bheil iad fhèin a' bruidhinn, a' sgrìobhadh, a' smaoineachadh 's ag aisling an‑diugh.  An Tiomnadh Nuadh 1767  Chaidh an Tiomnadh Nuadh eadar-theangachadh gu Gàidhlig na h-Alba on Ghreugais an toiseach leis an t-Urr. Seumas Stiùbhart, ministear Chill-Fhìnn, agus chaidh a chlò-bhualadh ann an 1767 – beagan 's fichead bliadhna an dèidh blàr Chùil Lodair. B' e a mhac, Iain, ministear Lus, am prìomh eadar-theangair airson an t-Seann Tiomnaidh, a chaidh a chrìochnachadh ann an 1801. O chionn ghoirid, tha suidheachadh na Gàidhlig san àm ri teachd air mòran aire fhaighinn, leis a' chànan a’ dèanamh adhartais agus a’ faighinn inbhe shònraichte ann am beatha na dùthcha. A dh'aindeoin sin tha an sgaradh eadar Gàidhlig làitheil agus an gnè Gàidhlig a tha ann an eadar-theagachadh 1801 a' leudachadh.   An Tiomnadh Nuadh 2017  Tha an eadar-theangachadh seo a' tighinn a-mach 250 bliadhna an dèidh a' chiad eadar-theagachadh dhen Tiomnadh Nuadh on Ghreugais gu Gàidhlig a bhith air a chlò-bhualadh.  Tha an eadar-theangachadh ùr ag amas air a bhith a' toirt ri chèile dìlseachd dhan Ghreugais thùsail le briathrachas làitheal, agus soilleireachd le urram. Tha an obair seo a' nochdadh aig àm nuair a tha cothroman air leth ann airson adhartas na Gàidhlig. Agus tha sinn an dòchas gum bi e feumail airson fòghlaim agus airson nan eaglaisean, a thuilleadh air leughadh phearsanta. Le bhith ag eadar-theangachadh Facal Dhè a Ghàidhlig an latha an‑diugh tha an sgioba againn an dòchas gun cluinn iadsan uile a leughas 's a chluinneas e guth Dhè a' bruidhinn riutha gu soilleir, agus, mar sin, gun tig iad gu eòlas air an t‑sìth 's air an t‑slàinte a tha rim faotainn tro Chrìosd a‑mhàin. 'S e miann na sgioba gum biodh gach moladh, urram agus cliù a' dol thuigesan agus thuigesan a‑mhàin. © Comann Bhìoball na h-Alba 2017 New Gaelic Translation 2017  In 1993 Prof. Donald Meek wrote that “the difference between ‘Bible Gaelic’ and ‘Today’'sGaelic’ has increased over time – especially among young users of Gaelic – those who, for the most part, are not so used to ‘Pulpit Gaelic’, as their forebears were.” If that was apparent then, it is even more so today. That is the reason that we are publishing this translation now.  Our Lord and Saviour spoke personally and in her own language, to Mary Magdalen after the resurrection, to give her hope (John 20:16). We also desire that God’s Word would speak to people in their own language which they speak, write, think and dream in today.   New Testament 1767  The New Testament was first translated into Scottish Gaelic by Rev James Stuart, minister of Killin, and published in 1767 – barely 20 years after the battle of Culloden. His son John, minister of Luss, was the main translator of the Old Testament, completed in 1801. In recent years, the future of Gaelic in education and public life has received much attention as the language flourishes. However, the gap between everyday Gaelic in common use and the Gaelic in the most recent Bible edition continues to widen.   New Testament 2017  This new translation comes 250 years after the first translation of the New Testament from Greek into Gaelic was published.  This new translation aims to combine faithfulness to the Greek original with vocabulary in normal use, and clarity with dignity. The work comes at a time of opportunity in the development of Gaelic. It is our desire that this new translation will be useful in education and for the churches, as well as for personal use. In translating God's Word into the today's Gaelic, our translation team hope that all who read will hear the voice of God speaking clearly to them, and, in that way, that they will know the peace and the salvation that are found only in Christ. It is the desire of the team, that all praise, honour, and glory be God’s and his alone.  © Scottish Bible Society 2017

℗ Comann Bhìoball na h‑Alba 2022 ℗ Scottish Bible Society 2022

An Tiomnadh Nuadh anns an Eadar-Theangachadh Ùr Gàidhlig 2017

<div class="version vid1562 iso6393gla" data-vid="1562" data-iso6393="gla">
 <div class="book bkMAT">
 <div class="chapter ch5" data-usfm="MAT.5">
 <div class="label">5</div><div class="s1">Ro&#8209;R&#224;dh dhan t&#8209;Searmon air a' Bheinn</div><div class="p"> 1Nuair a chunnaic &#204;osa an sluagh, chaidh e suas air a' bheinn, agus nuair a shuidh e, th&#224;inig a dheisciobail thuige. 2Agus dh'fhosgail e a bheul agus theagaisg e iad, ag r&#224;dh:</div><div class="b"></div><div class="s1">Na Beannachdan</div><div class="q1"> 3&#8220;Is beannaichte iadsan a tha bochd nan spiorad,</div><div class="q2">oir is leotha r&#236;oghachd n&#232;imh.</div><div class="q1"> 4Is beannaichte iadsan a tha fo bhr&#242;n,</div><div class="q2">oir gheibh iad cofhurtachd.</div><div class="q1"> 5Is beannaichte iadsan a tha macanta,</div><div class="q2">oir sealbhaichidh iad an talamh mar oighreachd.</div><div class="q1"> 6Is beannaichte iadsan air a bheil acras is pathadh na f&#236;reantachd,</div><div class="q2">oir th&#232;id an s&#224;sachadh.</div><div class="q1"> 7Is beannaichte iadsan a tha tr&#242;caireach,</div><div class="q2">oir gheibh iad tr&#242;cair.</div><div class="q1"> 8Is beannaichte iadsan a tha f&#236;orghlan nan cridhe,</div><div class="q2">oir ch&#236; iad Dia.</div><div class="q1"> 9Is beannaichte luchd&#8209;d&#232;anamh na s&#236;the,</div><div class="q2">oir th&#232;id clann Dh&#232; a ghabhail orra.</div><div class="q1"> 10Is beannaichte an fheadhainn a tha a' fulang geur&#8209;leanmhainn</div><div class="q2">air sg&#224;th f&#236;reantachd,</div><div class="q2">oir is leothasan r&#236;oghachd n&#232;imh.</div><div class="b"></div><div class="p"> 11&#8220;Is beannaichte a tha sibh nuair a chronaicheas daoine sibh, agus a n&#236; iad geur&#8209;leanmhainn oirbh, agus a chanas iad a h&#8209;uile se&#242;rsa uilc nur n&#8209;aghaidh gu breugach air mo sg&#224;th&#8209;sa. 12D&#232;anaibh g&#224;irdeachas agus bithibh toilichte, oir is m&#242;r ur duais ann an n&#232;amh, oir mar sin rinn iad geur&#8209;leanmhainn air na f&#224;idhean a bha romhaibh.</div><div class="s1">Salann agus Solas</div><div class="p"> 13&#8220;Is sibhse salann na talmhainn, ach ma tha an salann air a bhlas a chall, ciamar a th&#232;id a dh&#232;anamh saillte a&#8209;rithist? Chan eil e feumail tuilleadh airson rud sam bith, ach airson a bhith air a thilgeil a&#8209;mach agus air a shaltairt fo chasan dhaoine.</div><div class="p"> 14&#8220;Is sibhse solas an t&#8209;saoghail. Chan eil e an comas baile a tha suidhichte air beinn fhalach. 15Cha mhotha a tha daoine a' lasadh lampa agus ga cur fo shoitheach, ach air an lampair, agus tha i a' soillseachadh an taighe gu l&#232;ir. 16Mar sin, leigibh le ur solas de&#224;lrachadh mu choinneamh dhaoine, airson 's gum faic iad ur deagh obraichean agus gun toir iad gl&#242;ir dhar n&#8209;Athair a tha ann an n&#232;amh.</div><div class="s1">Coileanadh an Lagha</div><div class="p"> 17&#8220;Na smaoinichibh gun t&#224;inig mise a chur &#224;s dhan Lagh no dha na F&#224;idhean; cha t&#224;inig mi airson cur &#224;s dhaibh ach airson an coileanadh. 18Oir gu f&#236;rinneach tha mi ag r&#224;dh ribh, gus an t&#232;id n&#232;amh agus talamh seachad, cha t&#232;id an litir as lugha, no aon str&#224;c dhen Lagha seachad, gus an t&#232;id a h&#8209;uile rud a choileanadh. 19Mar sin ge b' e neach a bhriseas aon dhe na h&#8209;&#224;itheantan as lugha seo agus a theagaisgeas do dhaoine eile an aon rud a dh&#232;anamh, th&#232;id an duine as lugha ann an r&#236;oghachd n&#232;imh a ghabhail air. Ach ge b' e neach a n&#236; iad agus a theagaisgeas iad, th&#232;id duine m&#242;r a ghabhail air ann an r&#236;oghachd n&#232;imh. 20Oir tha mi ag r&#224;dh ribh, mura bi barrachd f&#236;reantachd agaibhse na tha aig na sgr&#236;obhaichean is na Pharasaich, nach t&#232;id sibh idir a&#8209;steach do r&#236;oghachd n&#232;imh.</div><div class="s1">Murt is Fearg</div><div class="p"> 21&#8220;Chuala sibh gun deach a r&#224;dh riuthasan o shean, &#8216;Na d&#232;an murt&#8217;#Ecs. 20:13; agus ge b' e neach a n&#236; murt, bidh e buailteach air breitheanas. 22Ach tha mise ag r&#224;dh ribh gum bi a h&#8209;uile neach a tha feargach ri bhr&#224;thair buailteach air breitheanas; ge b' e neach a chanas ri bhr&#224;thair, &#8216;A ghloidhc!&#8217; gum bi e ann an cunnart na Comhairle; ach ge b' e neach a chanas &#8216;Amadain!&#8217; gum bi e ann an cunnart teine Ifrinn.</div><div class="p"> 23&#8220;Mar sin ma tha thu a' tairgsinn do thiodhlac air an altair agus gun cuimhnich thu an sin gu bheil rudeigin aig do bhr&#224;thair nad aghaidh, 24f&#224;g do thiodhlac an sin mu choinneamh na h&#8209;altarach. Agus thalla an toiseach 's d&#232;an r&#232;ite rid bhr&#224;thair, is an uair sin thig agus tairg do thiodhlac.</div><div class="p"> 25&#8220;Bi r&#232;idh gu luath ris an neach a tha a' cur casaid nad aghaidh fhad 's a tha thu c&#242;mhla ris air an t&#8209;slighe, air eagal 's gun toir an neach&#8209;casaid thairis dhan bhritheamh thu, agus gun toir am britheamh dhan oifigear thu, agus gun t&#232;id do thilgeil ann am pr&#236;osan. 26Gu f&#236;rinneach tha mi ag r&#224;dh riut nach t&#232;id thu a&#8209;mach &#224;s a sin gus am p&#224;igh thu an sgillinn mu dheireadh.</div><div class="s1">Adhaltranas</div><div class="p"> 27&#8220;Chuala sibh gun deach a r&#224;dh, &#8216;Na d&#232;an adhaltranas.&#8217;#Ecs. 20:14 28Ach tha mise ag r&#224;dh ribh gu bheil a h&#8209;uile neach a choimheadas air boireannach le droch mhiann mu thr&#224;th air adhaltranas a dh&#232;anamh leatha na chridhe. 29Ma bhios do sh&#249;il dheas na h&#8209;adhbhar peacaidh dhut, sp&#236;on a&#8209;mach i agus tilg uat i. Oir is fhe&#224;rr dhut gun caill thu aon dhed bhuill na gum biodh do chorp gu l&#232;ir air a thilgeil a dh'Ifrinn. 30Agus ma bhios do l&#224;mh dheas na h&#8209;adhbhar peacaidh dhut, ge&#224;rr dh&#236;ot i agus tilg uat i. Oir is fhe&#224;rr dhut gun caill thu aon dhed bhuill na gum biodh do chorp gu l&#232;ir air a thilgeil a dh'Ifrinn.</div><div class="s1">Dealachadh&#8209;P&#242;saidh</div><div class="p"> 31&#8220;Chaidh a r&#224;dh cuideachd, &#8216;Ge b' e a chuireas a bhean&#8209;ph&#242;sta air falbh, thoireadh e teisteanas&#8209;dealachaidh dhi.&#8217;#Deut. 24:1 32Ach tha mise ag r&#224;dh ribh gu bheil a h&#8209;uile neach a chuireas a bhean air falbh, ach a&#8209;mh&#224;in airson str&#236;opachais, a' toirt oirre adhaltranas a dh&#232;anamh; agus ge b' e a ph&#242;sas bean a chaidh a cur air falbh, tha e a' d&#232;anamh adhaltranais.</div><div class="s1">Mionnain</div><div class="p"> 33&#8220;A&#8209;rithist chuala sibh gun deach a r&#224;dh riuthasan o shean, &#8216;Na toir mionnan bhreugach, ach coileanaidh tu do mhionnain dhan Tighearna.&#8217; 34Ach tha mise ag r&#224;dh ribh, na toiribh mionnan idir, eadhon air n&#232;amh, oir is e r&#236;gh&#8209;chathair Dh&#232; a th' ann, 35no air an talamh, oir is e st&#242;l a chois a th' ann, no air Ierusalem, oir is e baile an R&#236;gh Mh&#242;ir a th' ann. 36Agus na toir mionnan air do cheann, oir chan urrainn dhut aon fhuiltean a dh&#232;anamh geal no dubh. 37Ach gum b' e ur cainnt &#8216;'S e&#8217;, &#8216;'S e&#8217;, &#8216;Chan e&#8217;, &#8216;Chan e&#8217;; rud sam bith a bharrachd air a seo, 's ann on olc a tha e.</div><div class="s1">S&#249;il airson S&#249;la</div><div class="p"> 38&#8220;Chuala sibh gun deach a r&#224;dh, &#8216;S&#249;il airson s&#249;la, agus fiacail airson fiacla.&#8217;#Ecs. 21:24; Lebh. 24:20; Deut. 19:21 39Ach tha mise ag r&#224;dh ribh, na seasaibh an aghaidh neach a tha olc. Ach ma bhuaileas neach sam bith thu air do ghruaidh dheas, tionndaidh an t&#232;ile thuige cuideachd. 40Agus ma tha neach sam bith ag iarraidh do thoirt gu lagh agus falbh le do l&#232;ine&#8209;fhada, leig leis do bhad aodaich fhaighinn cuideachd. 41Agus ma bheir neach sam bith ort a dhol aon mh&#236;le, thalla c&#242;mhla ris d&#224; mh&#236;le. 42Thoir dhan neach a dh'iarras ort agus na tionndaidh air falbh on neach a tha ag iarraidh iasad ort.</div><div class="s1">Gr&#224;dh do N&#224;imhdean</div><div class="p"> 43&#8220;Chuala sibh gun deach a r&#224;dh, &#8216;Gr&#224;dhaichidh tu do choimhearsnach&#8217;#Lebh. 19:18 agus fuathaichidh tu do n&#224;mhaid. 44Ach tha mise ag r&#224;dh ribh, Gr&#224;dhaichibh ur n&#224;imhdean agus d&#232;anaibh &#249;rnaigh air an son&#8209;san a tha a' d&#232;anamh geur&#8209;leanmhainn oirbh, 45airson 's gum bi sibh nur cloinn dhur n&#8209;Athair a th' air n&#232;amh. Oir tha esan a' toirt air a' ghr&#232;in aigesan &#232;irigh air na daoine olca agus air na daoine matha, agus a' cur uisge air na f&#236;reanan agus air na neo&#8209;fh&#236;reanan. 46Oir ma ghr&#224;dhaicheas sibh iadsan a tha gur gr&#224;dhachadh, d&#232; an duais a th' agaibh? Nach eil fi&#249; 's na c&#236;s&#8209;mhaoir a' d&#232;anamh an aon rud? 47Agus ma chuireas sibh f&#224;ilte air ur br&#224;ithrean a&#8209;mh&#224;in, d&#232; a tha sibh a' d&#232;anamh thar ch&#224;ich? Nach eil fi&#249; 's na Cinnich a' d&#232;anamh an aon rud? 48Mar sin bithibh&#8209;se coileanta, mar a tha ur n&#8209;Athair n&#232;amhaidh coileanta.</div>
 </div>
 </div>
</div>

Nuair a chunnaic Ìosa an sluagh, chaidh e suas air a' bheinn, agus nuair a shuidh e, thàinig a dheisciobail thuige. Agus dh'fhosgail e a bheul agus theagaisg e iad, ag ràdh:


“Is beannaichte iadsan a tha bochd nan spiorad,
oir is leotha rìoghachd nèimh.
Is beannaichte iadsan a tha fo bhròn,
oir gheibh iad cofhurtachd.
Is beannaichte iadsan a tha macanta,
oir sealbhaichidh iad an talamh mar oighreachd.
Is beannaichte iadsan air a bheil acras is pathadh na fìreantachd,
oir thèid an sàsachadh.
Is beannaichte iadsan a tha tròcaireach,
oir gheibh iad tròcair.
Is beannaichte iadsan a tha fìorghlan nan cridhe,
oir chì iad Dia.
Is beannaichte luchd‑dèanamh na sìthe,
oir thèid clann Dhè a ghabhail orra.
Is beannaichte an fheadhainn a tha a' fulang geur‑leanmhainn
air sgàth fìreantachd,
oir is leothasan rìoghachd nèimh.

“Is beannaichte a tha sibh nuair a chronaicheas daoine sibh, agus a nì iad geur‑leanmhainn oirbh, agus a chanas iad a h‑uile seòrsa uilc nur n‑aghaidh gu breugach air mo sgàth‑sa. Dèanaibh gàirdeachas agus bithibh toilichte, oir is mòr ur duais ann an nèamh, oir mar sin rinn iad geur‑leanmhainn air na fàidhean a bha romhaibh.

“Is sibhse salann na talmhainn, ach ma tha an salann air a bhlas a chall, ciamar a thèid a dhèanamh saillte a‑rithist? Chan eil e feumail tuilleadh airson rud sam bith, ach airson a bhith air a thilgeil a‑mach agus air a shaltairt fo chasan dhaoine.
“Is sibhse solas an t‑saoghail. Chan eil e an comas baile a tha suidhichte air beinn fhalach. Cha mhotha a tha daoine a' lasadh lampa agus ga cur fo shoitheach, ach air an lampair, agus tha i a' soillseachadh an taighe gu lèir. Mar sin, leigibh le ur solas deàlrachadh mu choinneamh dhaoine, airson 's gum faic iad ur deagh obraichean agus gun toir iad glòir dhar n‑Athair a tha ann an nèamh.

“Na smaoinichibh gun tàinig mise a chur às dhan Lagh no dha na Fàidhean; cha tàinig mi airson cur às dhaibh ach airson an coileanadh. Oir gu fìrinneach tha mi ag ràdh ribh, gus an tèid nèamh agus talamh seachad, cha tèid an litir as lugha, no aon stràc dhen Lagha seachad, gus an tèid a h‑uile rud a choileanadh. Mar sin ge b' e neach a bhriseas aon dhe na h‑àitheantan as lugha seo agus a theagaisgeas do dhaoine eile an aon rud a dhèanamh, thèid an duine as lugha ann an rìoghachd nèimh a ghabhail air. Ach ge b' e neach a nì iad agus a theagaisgeas iad, thèid duine mòr a ghabhail air ann an rìoghachd nèimh. Oir tha mi ag ràdh ribh, mura bi barrachd fìreantachd agaibhse na tha aig na sgrìobhaichean is na Pharasaich, nach tèid sibh idir a‑steach do rìoghachd nèimh.

“Chuala sibh gun deach a ràdh riuthasan o shean, ‘Na dèan murt’; agus ge b' e neach a nì murt, bidh e buailteach air breitheanas. Ach tha mise ag ràdh ribh gum bi a h‑uile neach a tha feargach ri bhràthair buailteach air breitheanas; ge b' e neach a chanas ri bhràthair, ‘A ghloidhc!’ gum bi e ann an cunnart na Comhairle; ach ge b' e neach a chanas ‘Amadain!’ gum bi e ann an cunnart teine Ifrinn.
“Mar sin ma tha thu a' tairgsinn do thiodhlac air an altair agus gun cuimhnich thu an sin gu bheil rudeigin aig do bhràthair nad aghaidh, fàg do thiodhlac an sin mu choinneamh na h‑altarach. Agus thalla an toiseach 's dèan rèite rid bhràthair, is an uair sin thig agus tairg do thiodhlac.
“Bi rèidh gu luath ris an neach a tha a' cur casaid nad aghaidh fhad 's a tha thu còmhla ris air an t‑slighe, air eagal 's gun toir an neach‑casaid thairis dhan bhritheamh thu, agus gun toir am britheamh dhan oifigear thu, agus gun tèid do thilgeil ann am prìosan. Gu fìrinneach tha mi ag ràdh riut nach tèid thu a‑mach às a sin gus am pàigh thu an sgillinn mu dheireadh.

“Chuala sibh gun deach a ràdh, ‘Na dèan adhaltranas.’ Ach tha mise ag ràdh ribh gu bheil a h‑uile neach a choimheadas air boireannach le droch mhiann mu thràth air adhaltranas a dhèanamh leatha na chridhe. Ma bhios do shùil dheas na h‑adhbhar peacaidh dhut, spìon a‑mach i agus tilg uat i. Oir is fheàrr dhut gun caill thu aon dhed bhuill na gum biodh do chorp gu lèir air a thilgeil a dh'Ifrinn. Agus ma bhios do làmh dheas na h‑adhbhar peacaidh dhut, geàrr dhìot i agus tilg uat i. Oir is fheàrr dhut gun caill thu aon dhed bhuill na gum biodh do chorp gu lèir air a thilgeil a dh'Ifrinn.

“Chaidh a ràdh cuideachd, ‘Ge b' e a chuireas a bhean‑phòsta air falbh, thoireadh e teisteanas‑dealachaidh dhi.’ Ach tha mise ag ràdh ribh gu bheil a h‑uile neach a chuireas a bhean air falbh, ach a‑mhàin airson strìopachais, a' toirt oirre adhaltranas a dhèanamh; agus ge b' e a phòsas bean a chaidh a cur air falbh, tha e a' dèanamh adhaltranais.

“A‑rithist chuala sibh gun deach a ràdh riuthasan o shean, ‘Na toir mionnan bhreugach, ach coileanaidh tu do mhionnain dhan Tighearna.’ Ach tha mise ag ràdh ribh, na toiribh mionnan idir, eadhon air nèamh, oir is e rìgh‑chathair Dhè a th' ann, no air an talamh, oir is e stòl a chois a th' ann, no air Ierusalem, oir is e baile an Rìgh Mhòir a th' ann. Agus na toir mionnan air do cheann, oir chan urrainn dhut aon fhuiltean a dhèanamh geal no dubh. Ach gum b' e ur cainnt ‘'S e’, ‘'S e’, ‘Chan e’, ‘Chan e’; rud sam bith a bharrachd air a seo, 's ann on olc a tha e.

“Chuala sibh gun deach a ràdh, ‘Sùil airson sùla, agus fiacail airson fiacla.’ Ach tha mise ag ràdh ribh, na seasaibh an aghaidh neach a tha olc. Ach ma bhuaileas neach sam bith thu air do ghruaidh dheas, tionndaidh an tèile thuige cuideachd. Agus ma tha neach sam bith ag iarraidh do thoirt gu lagh agus falbh le do lèine‑fhada, leig leis do bhad aodaich fhaighinn cuideachd. Agus ma bheir neach sam bith ort a dhol aon mhìle, thalla còmhla ris dà mhìle. Thoir dhan neach a dh'iarras ort agus na tionndaidh air falbh on neach a tha ag iarraidh iasad ort.

“Chuala sibh gun deach a ràdh, ‘Gràdhaichidh tu do choimhearsnach’ agus fuathaichidh tu do nàmhaid. Ach tha mise ag ràdh ribh, Gràdhaichibh ur nàimhdean agus dèanaibh ùrnaigh air an son‑san a tha a' dèanamh geur‑leanmhainn oirbh, airson 's gum bi sibh nur cloinn dhur n‑Athair a th' air nèamh. Oir tha esan a' toirt air a' ghrèin aigesan èirigh air na daoine olca agus air na daoine matha, agus a' cur uisge air na fìreanan agus air na neo‑fhìreanan. Oir ma ghràdhaicheas sibh iadsan a tha gur gràdhachadh, dè an duais a th' agaibh? Nach eil fiù 's na cìs‑mhaoir a' dèanamh an aon rud? Agus ma chuireas sibh fàilte air ur bràithrean a‑mhàin, dè a tha sibh a' dèanamh thar chàich? Nach eil fiù 's na Cinnich a' dèanamh an aon rud? Mar sin bithibh‑se coileanta, mar a tha ur n‑Athair nèamhaidh coileanta.

Kuuntele Mata 5