If you would like a copy of this version please contact info@davaraudiobibles.org.

Lambya First Bible © The Word for the World International. Lambya First Audio Bible ℗ 2025, Davar Partners International.

Lambya First Bible

Lambya - 2015 MWI (NT) Drama

<div class="version vid1607 iso6393lai" data-vid="1607" data-iso6393="lai">
 <div class="book bkMAT">
 <div class="chapter ch16" data-usfm="MAT.16">
 <div class="label">16</div><div class="s">Bakumulaba u Yesu ukuti abombe ichika</div><div class="r">(Mlko. 8.11-13; Luk. 12.54-56)</div><div class="p"> 1 # 
 Mat. 12.38; Luk. 11.16 Aba Falisayi naba Sadukayi bamo bakiza kwa Yesu pakumutegha mukanenele, po bakamulaba ukuti ababombele ichiswigho ichakulanjizya ukuti akaba na maka agha Chala. 2Loli u Yesu akamula akati, &#8220;Bo izuba likwinjila, mukunena ukuti, &#8216;Indabi kukwiza pakucha akiza pakuti kumwanya kuchesamite!&#8217; 3Sona pandabindabi mukuti, &#8216;Ivula yikwiza pakutima pakuti kumwanya kuchesamu sona kufitu.&#8217; Mungasakizya isiku pakwennya kumwanya, loli mutangang'anamula ivimanyilo vivyo vikuboneka mutubalilo utu! 4#Mat. 12.39; Luk. 11.29Abantu abankulilo iyi babibi na basita lusubilo bakulonda ichiswigho? Awe, loli ichiswigho chene chicho bakwiza pakuchennya cho chiswigho icha Yona!&#8221;</div><div class="p">Po akabaleka nukubuka.</div><div class="s">Ichilungo icha ba Falisayi naba Sadukayi</div><div class="r">(Mlko. 8.14-21)</div><div class="p"> 5Bo abamanyili baloboka kwisila ilinji ilya nyanja, bakaluvya pakusenda ivibama. 6#Luk. 12.1U Yesu akababuzya akati, &#8220;Mubanje maso nukucheba ni chilungo icha ba Falisayi nicha ba Sadukayi.&#8221; 7Abamanyili bakanda pakunenezannya benebene ukuti, &#8220;U Yesu akunena zinizi pakuti ennya ukuti tute ni vibama.&#8221; 8U Yesu akazimanya zizyo bakanenagha, po akabalalusya akati, &#8220;Nkimba choni chicho mukunenezannya mwebene ukuti mute navyo ivibama? Mwe bantu aba lwitiko ulunandi! 9#Mat. 14.17-21Nkimba muchili mutakwivwisya? Nkimba mutakukumbuka akabalilo kako nkamenyannya ivibama fayivi pakubalyesya abantu 4,000? Nkimba mukizuzya ividudunga vilinga? 10#Mat. 15.34-38Pamo ividudunga ivyizule ni vyakulya ivyakusyala ivyakulyesya abantu 4,000? Nkimba mukizuzya ividudunga vilinga? 11Choni chicho mutakwivwisya ukuti intanenagha kukwinyu nizya vibama? Muchebaye ni chilungo icha ba Falisayi naba Sadukayi!&#8221; 12Po abamanyili bache bakivwisya ukuti atakabasokagha pakuba maso ni chilungo icha chibama, loli ni vimanyilo ivya ba Falisayi naba Sadukayi.</div><div class="s">U Pitala akunena nizya Yesu</div><div class="r">(Mlko. 8.27-30; Luk. 9.18-21)</div><div class="p"> 13U Yesu akabuka muchigaba icha papipi nakaya aka Kesaliya Filipu, kuko akabalalusya abamanyili bache akati, &#8220;Nkimba abantu bakuti u Mwana uwa Muntu wewenu?&#8221; 14#Mat. 14.1-2; Mlko. 6.14-15; Luk. 9.7-8Bakamula bakati, &#8220;Bamo bakuti awe we Yohani Uwalozyo. Abanji bakuti awe we Eliya, abanji sona bakuti awe we Yelemiya, pamo yumo uwa balaghuzi.&#8221; 15Akabalalusya akati, &#8220;Nkimba amwe mukuti ane ne wenu?&#8221; 16#Yoh. 6.68-69U Simoni Pitala akamula akati, &#8220;Awe we Kilisitu, u Mwana uwa Chala umumi.&#8221; 17U Yesu akamula akati, &#8220;Wee musayiwa, Simoni umwana uwa Yohani. Pakuti ubwanaloli ubu bute ubwa bantu, loli bukapeghiwa kukwako nu Tata wane uwakumwanya. 18Pitala nkukubuzya ukuti awe we lyalabwe, pilyalabwe ili nkwiza pakuzengapo ichipanga chane nu bufwe bope bute bukachipote. 19#Mat. 18.18; Yoh. 20.23Nkwiza pakukupa ivyighulilo ivya Bumwene ubwa Kumwanya; chosi chicho wapinya pasi pano chikwiza pakupinyiwa na kumwanya bulo, sona chicho wachisatula pasi pano chikwiza pakusatuliwa na kumwanya bulo.&#8221;</div><div class="p"> 20Po u Yesu akabasoka abamanyili bache ukuti batakamubuzyepo nayumo umuntu ukuti we Kilisitu.</div><div class="s">U Yesu akunenela zila nizya kuyimba nukufwa kwache</div><div class="r">(Mlko. 8.31&#8212;9.1; Luk. 9.22-27)</div><div class="p"> 21Ukwandila pakabalilo kalakala u Yesu akanda pakubabuzya abamanyili bache umwakwivwika ukuti, &#8220;Imbaghiye pakubuka mu Yelusalemu nukuyimba nkani na balongozi aba Chiyuda, na baputi abasongo, sona na bamanyisi aba Ndaghilo. Nkwiza pakughoghiwa, loli nanti ghachilapo amasiku matatu nkwiza pakuzyuka kubufwe.&#8221;</div><div class="p"> 22U Pitala akamusendela palubazu nukwanda pakumuchemela ukuti, &#8220;Awe Mwene! Ichi chitakakuwilaye!&#8221;</div><div class="p"> 23U Yesu akaghalabukila kwa Pitala nukumuchemela ukuti, &#8220;Epapo, we Satana! Awe uyanite bulo ni chizinka muzila yane. Inyinong'ono zyako zitakufuma kwa Chala, loli nyinong'ono bulo izya bantu.&#8221;</div><div class="p"> 24 # 
 Mat. 10.38; Luk. 14.27 Po u Yesu akababuzya abamanyili bache akati, &#8220;Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye. 25#Mat. 10.39; Luk. 17.33; Yoh. 12.25Pakuti umuntu wesi yuyo akulonda pakubupoka ubumi bwache akwiza pakubutagha. Loli umuntu wesi yuyo akulonda pakubutagha ubumi bwache pachifukwa icha nene, akwiza pakubupoka. 26Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache. 27#Mat. 25.31; Mas. 62.12; Lom. 2.6Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache. 28Naloli nkubabuzya ukuti balipo abantu bamo pano, babo bate bakafwe mupaka bamwennya u Mwana uwa Muntu akwiza pakuba we Mwene.&#8221;</div>
 </div>
 </div>
</div>

The copyright is jointly and equally held by:
©️ The Bible Society of Malawi, 2014
©️ The Word for the World International, 2014

Aba Falisayi naba Sadukayi bamo bakiza kwa Yesu pakumutegha mukanenele, po bakamulaba ukuti ababombele ichiswigho ichakulanjizya ukuti akaba na maka agha Chala. Loli u Yesu akamula akati, “Bo izuba likwinjila, mukunena ukuti, ‘Indabi kukwiza pakucha akiza pakuti kumwanya kuchesamite!’ Sona pandabindabi mukuti, ‘Ivula yikwiza pakutima pakuti kumwanya kuchesamu sona kufitu.’ Mungasakizya isiku pakwennya kumwanya, loli mutangang'anamula ivimanyilo vivyo vikuboneka mutubalilo utu! Abantu abankulilo iyi babibi na basita lusubilo bakulonda ichiswigho? Awe, loli ichiswigho chene chicho bakwiza pakuchennya cho chiswigho icha Yona!”
Po akabaleka nukubuka.


Bo abamanyili baloboka kwisila ilinji ilya nyanja, bakaluvya pakusenda ivibama. U Yesu akababuzya akati, “Mubanje maso nukucheba ni chilungo icha ba Falisayi nicha ba Sadukayi.” Abamanyili bakanda pakunenezannya benebene ukuti, “U Yesu akunena zinizi pakuti ennya ukuti tute ni vibama.” U Yesu akazimanya zizyo bakanenagha, po akabalalusya akati, “Nkimba choni chicho mukunenezannya mwebene ukuti mute navyo ivibama? Mwe bantu aba lwitiko ulunandi! Nkimba muchili mutakwivwisya? Nkimba mutakukumbuka akabalilo kako nkamenyannya ivibama fayivi pakubalyesya abantu 4,000? Nkimba mukizuzya ividudunga vilinga? Pamo ividudunga ivyizule ni vyakulya ivyakusyala ivyakulyesya abantu 4,000? Nkimba mukizuzya ividudunga vilinga? Choni chicho mutakwivwisya ukuti intanenagha kukwinyu nizya vibama? Muchebaye ni chilungo icha ba Falisayi naba Sadukayi!” Po abamanyili bache bakivwisya ukuti atakabasokagha pakuba maso ni chilungo icha chibama, loli ni vimanyilo ivya ba Falisayi naba Sadukayi.


U Yesu akabuka muchigaba icha papipi nakaya aka Kesaliya Filipu, kuko akabalalusya abamanyili bache akati, “Nkimba abantu bakuti u Mwana uwa Muntu wewenu?” Bakamula bakati, “Bamo bakuti awe we Yohani Uwalozyo. Abanji bakuti awe we Eliya, abanji sona bakuti awe we Yelemiya, pamo yumo uwa balaghuzi.” Akabalalusya akati, “Nkimba amwe mukuti ane ne wenu?” U Simoni Pitala akamula akati, “Awe we Kilisitu, u Mwana uwa Chala umumi.” U Yesu akamula akati, “Wee musayiwa, Simoni umwana uwa Yohani. Pakuti ubwanaloli ubu bute ubwa bantu, loli bukapeghiwa kukwako nu Tata wane uwakumwanya. Pitala nkukubuzya ukuti awe we lyalabwe, pilyalabwe ili nkwiza pakuzengapo ichipanga chane nu bufwe bope bute bukachipote. Nkwiza pakukupa ivyighulilo ivya Bumwene ubwa Kumwanya; chosi chicho wapinya pasi pano chikwiza pakupinyiwa na kumwanya bulo, sona chicho wachisatula pasi pano chikwiza pakusatuliwa na kumwanya bulo.”
Po u Yesu akabasoka abamanyili bache ukuti batakamubuzyepo nayumo umuntu ukuti we Kilisitu.


Ukwandila pakabalilo kalakala u Yesu akanda pakubabuzya abamanyili bache umwakwivwika ukuti, “Imbaghiye pakubuka mu Yelusalemu nukuyimba nkani na balongozi aba Chiyuda, na baputi abasongo, sona na bamanyisi aba Ndaghilo. Nkwiza pakughoghiwa, loli nanti ghachilapo amasiku matatu nkwiza pakuzyuka kubufwe.”
U Pitala akamusendela palubazu nukwanda pakumuchemela ukuti, “Awe Mwene! Ichi chitakakuwilaye!”
U Yesu akaghalabukila kwa Pitala nukumuchemela ukuti, “Epapo, we Satana! Awe uyanite bulo ni chizinka muzila yane. Inyinong'ono zyako zitakufuma kwa Chala, loli nyinong'ono bulo izya bantu.”
Po u Yesu akababuzya abamanyili bache akati, “Nanti umuntu yumo akulonda pakunkonka, ikane mwene, sona iyannye pakuyimba mupaka nukufwa bulo, po ankonkaye. Pakuti umuntu wesi yuyo akulonda pakubupoka ubumi bwache akwiza pakubutagha. Loli umuntu wesi yuyo akulonda pakubutagha ubumi bwache pachifukwa icha nene, akwiza pakubupoka. Nkimba umuntu akukabapo chimo nanti akaba ichisu chosi ichapasi, loli abutaghe ubumi bwache? Awe! Chitalipo nachimo chicho angalipa ukuti asende sona ubumi bwache. Pakuti u Mwana uwa Muntu ali papipi pakwiza mubuchindamu ubwa Wise poka na bantumi bache, po akwiza pakumupa umuvwalo umuntu wesi ukuyana ni mbombo zyache. Naloli nkubabuzya ukuti balipo abantu bamo pano, babo bate bakafwe mupaka bamwennya u Mwana uwa Muntu akwiza pakuba we Mwene.”

Kuuntele Matayi 16