Kivunjo - 1999 Edition (NT)

<div class="version vid1812 iso6393vun" data-vid="1812" data-iso6393="vun">
    <div class="book bkMAT">
        <div class="chapter ch6" data-usfm="MAT.6">
            <div class="label">6</div><div class="s"><span class="heading">Mbonyi tsa Itarama Wakyiwa</span></div><div class="p"><span class="content">  </span><span class="verse v1" data-usfm="MAT.6.1"><span class="label">1</span><span class="content">&#8220;Mulalo&#7775;e wucha wonyu mbele ya wandu, kundu wamuambuye. Kyipfa muko&#7775;unda mu&#7769;o, mowona wori ko Awu-yonyu akyeri ruwewu-pfo. </span></span><span class="verse v2" data-usfm="MAT.6.2"><span class="label">2</span><span class="content">Kyasia kyiyeri-kyo uienengyia kyiano kyesa&#7775;ia molakushele, chandu wakulembeche&#7775;i wekyewuta ipfo masinagoginyi na njienyi, kundu wa&#7775;umisho nyi wandu. </span></span><span class="verse v3" data-usfm="MAT.6.3"><span class="label">3</span><span class="content">Ny'kyaloi, ngammbia, wammbona wori wowo. Kyaindi kyiyeri iyoe uienengyia kyiano kyesa&#7775;ia, maa kuwoko kopfo ko kumoso kulamanye kyindo kuwoko kopfo ko kulyoe kui&#7775;unda. </span></span><span class="verse v4" data-usfm="MAT.6.4"><span class="label">4</span><span class="content">Kyiano kyapfo kyesa&#7775;ia kyiwe kui kyi&#7775;ika; na Awu-yopfo ulya ekyewona maa shilya shiku&#7775;iikyie nechikuenenga i&#7775;ikoso.&#8221;</span></span></div><div class="s"><span class="heading">Mbonyi tsa Shiterewo</span></div><div class="r"><span class="heading">(</span><span class="heading">Luk 11:2-4</span><span class="heading">)</span></div><div class="p"><span class="verse v4" data-usfm="MAT.6.4"><span class="content">  </span></span><span class="verse v5" data-usfm="MAT.6.5"><span class="label">5</span><span class="content">&#8220;Ngose&#7775;a kyiyeri muiterewa, mulawe cha wakulembeche&#7775;i; kyipfa wo wakundi iterewa wago&#7775;okyi masinagoginyi na mbai ya njia, kundu wawono nyi wandu. Ny'kyaloi, ngyimmbia, wamuambilyia wori wowo. </span></span><span class="verse v6" data-usfm="MAT.6.6"><span class="label">6</span><span class="content">Kyaindi iyoe kyiyeri-kyo uiterewa, i&#7769;a na kyi&#7775;inyi kyapfo uwiirie moongo, na komshinga moongo opfo, uterewe mbele ya Awu-yopfo akyeri handu haku&#7775;iikyie; na Awu-yopfo ekyewona maa shilya shiku&#7775;iikyie nechikuenenga i&#7775;ikoso. </span></span><span class="verse v7" data-usfm="MAT.6.7"><span class="label">7</span><span class="content">Na nyoe kyiyeri-kyo mukyeri kyiterewonyi, mulagambe shindo shifoi shilawo&#7769;e kyiira, cha wandu walaichi Ruwa, kyipfa wo wekyekusa&#7775;a kye wechia&#7769;anyio kyipfa kya ma&#7769;e&#7769;o gawo iwa gafoi. </span></span><span class="verse v8" data-usfm="MAT.6.8"><span class="label">8</span><span class="content">Kyasia mulawe cha iwo; kyipfa Awu-yonyu naichi shilya mukundi maa nyoe mulamterewa. </span></span><span class="verse v9" data-usfm="MAT.6.9"><span class="label">9</span><span class="content">Kyasia nyoe terewenyi ku&#7769;i,</span></span></div><div class="q1"><span class="verse v9" data-usfm="MAT.6.9"><span class="content">&#8216;Awu-yo&#7769;u ukyeri ruwewu,</span></span></div><div class="q2"><span class="verse v9" data-usfm="MAT.6.9"><span class="content">Rina lyapfo lyitano lyiele,</span></span></div><div class="q1"><span class="verse v9" data-usfm="MAT.6.9"><span class="content">  </span></span><span class="verse v10" data-usfm="MAT.6.10"><span class="label">10</span><span class="content">Wumangyi wopfo wuche,</span></span></div><div class="q2"><span class="verse v10" data-usfm="MAT.6.10"><span class="content">kyindo ukundi kyi&#7775;undikye,</span></span></div><div class="q1"><span class="verse v10" data-usfm="MAT.6.10"><span class="content">iha wuyanenyi cha kulya ruwewu.</span></span></div><div class="q1"><span class="verse v10" data-usfm="MAT.6.10"><span class="content">  </span></span><span class="verse v11" data-usfm="MAT.6.11"><span class="label">11</span><span class="content">Uluenengye kando ka&#7769;u inu.</span></span></div><div class="q1"><span class="verse v11" data-usfm="MAT.6.11"><span class="content">  </span></span><span class="verse v12" data-usfm="MAT.6.12"><span class="label">12</span><span class="content">Uluhoo&#7775;ie ma&#7769;eko ga&#7769;u,</span></span></div><div class="q2"><span class="verse v12" data-usfm="MAT.6.12"><span class="content">chandu na soe lokyehoo&#7775;ia walya wekyelu&#7769;ekyio.</span></span></div><div class="q1"><span class="verse v12" data-usfm="MAT.6.12"><span class="content">  </span></span><span class="verse v13" data-usfm="MAT.6.13"><span class="label">13</span><span class="content">Na ulalu&#7769;uo kyiyeshionyi,</span></span></div><div class="q2"><span class="verse v13" data-usfm="MAT.6.13"><span class="content">kyaindi ulukyi&#7775;e ngye&#7775;o tsa ulya mmbicho.</span></span></div><div class="q1"><span class="verse v13" data-usfm="MAT.6.13"><span class="content">[Cha kyipfa Wumangyi nyi wopfo, na pfinya, na mng'ano, m&#7775;asa mlungana. Amen.&#8217; &#8221;]</span></span></div><div class="m"><span class="verse v13" data-usfm="MAT.6.13"><span class="content">  </span></span><span class="verse v14" data-usfm="MAT.6.14"><span class="label">14</span><span class="content">&#8220;Cha kyipfa mukohoo&#7775;ia wandu ma&#7769;eko gawo, na Awu-yonyu o ruwewu nechimuhoo&#7775;ia nyoe. </span></span><span class="verse v15" data-usfm="MAT.6.15"><span class="label">15</span><span class="content">Kyaindi mulandehoo&#7775;ie wandu ma&#7769;eko gawo, maa Awu-yonyu echimuhoo&#7775;ia nyoe ma&#7769;eko ganyu-pfo.&#8221;</span></span></div><div class="s"><span class="heading">Mbonyi tsa Ikuretekyia</span></div><div class="p"><span class="verse v15" data-usfm="MAT.6.15"><span class="content">  </span></span><span class="verse v16" data-usfm="MAT.6.16"><span class="label">16</span><span class="content">&#8220;Ngose&#7775;a kyiyeri mo&#7769;umbuo ikuretekyia kundu mu&#7775;umishe Ruwa, mulawe cha wakulembeche&#7775;i wawo&#7769;e shaam shiwo&#7769;e nzineeri. Kyipfa wekyenyama&#7775;a shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo. </span></span><span class="verse v17" data-usfm="MAT.6.17"><span class="label">17</span><span class="content">Kyaindi iyoe kyiyeri okuretekyia, kushie mafu&#7769;a m&#7769;oenyi, usambe kyaam; </span></span><span class="verse v18" data-usfm="MAT.6.18"><span class="label">18</span><span class="content">kundu ulawono nyi wandu kye nokuretekyia, sile nyi Awu-yopfo akyeri handu haku&#7775;iikyie, na Awu-yopfo ekyewona maa shilya shiku&#7775;iikyie nechikuenenga i&#7775;ikoso.&#8221;</span></span></div><div class="s"><span class="heading">Mbonyi tsa Wunjama Ruwewu</span></div><div class="r"><span class="heading">(</span><span class="heading">Luk 12:33-34</span><span class="heading">)</span></div><div class="p"><span class="verse v18" data-usfm="MAT.6.18"><span class="content">  </span></span><span class="verse v19" data-usfm="MAT.6.19"><span class="label">19</span><span class="content">&#8220;Mulakoome shindo sha woguru kyipfa kyanyu iha wuyanenyi, handu mashinu na ko&#7775;a shekyenyama&#7775;a, na mbafu tsekyefunja na iiwa. </span></span><span class="verse v20" data-usfm="MAT.6.20"><span class="label">20</span><span class="content">Kyaindi koomenyi shindo sha woguru kyipfa kyanyu ruwewu, kulekyenyama&#7775;ika kyindo kyipfa kya mashinu maa ko&#7775;a, maa mbafu tsilekyefunja na iiwa. </span></span><span class="verse v21" data-usfm="MAT.6.21"><span class="label">21</span><span class="content">Kyipfa handu kyindo kyapfo kya woguru kyikyeri na ho-ndu na mrima opfo ochikaa.&#8221;</span></span></div><div class="s"><span class="heading">Taa ya Mmbiu</span></div><div class="r"><span class="heading">(</span><span class="heading">Luk 11:34-36</span><span class="heading">)</span></div><div class="p"><span class="verse v21" data-usfm="MAT.6.21"><span class="content">  </span></span><span class="verse v22" data-usfm="MAT.6.22"><span class="label">22</span><span class="content">&#8220;Taa ya mmbiu nyi riso. Kyasia riso lyapfo lyechi&#7775;unda necha mmbiu opfo oose ochiwa&#7769;a ngyeela. </span></span><span class="verse v23" data-usfm="MAT.6.23"><span class="label">23</span><span class="content">Kyaindi riso lyapfo lyikanyama&#7775;ika, mmbiu opfo oose ochiwa&#7769;a meema. Kyasia ngyeela iya ikyeri kopfo ikawa meema; nyi meema ung'anyi mnu!&#8221;</span></span></div><div class="s"><span class="heading">Ruwa na Masaa</span></div><div class="r"><span class="heading">(</span><span class="heading">Luk 12:22-31</span><span class="heading">; </span><span class="heading">16:13</span><span class="heading">)</span></div><div class="p"><span class="verse v23" data-usfm="MAT.6.23"><span class="content">  </span></span><span class="verse v24" data-usfm="MAT.6.24"><span class="label">24</span><span class="content">&#8220;Kuwo&#7769;e mndu echii&#7769;ima i&#7775;undia wandumii wawi-pfo; cha kyipfa nechisuo ichu, na ikunda ichu; ang'u nechikuwa&#7769;a na ichu na imina ichu. Moi&#7769;ima i&#7775;undia Ruwa na masaa-pfo. </span></span><span class="verse v25" data-usfm="MAT.6.25"><span class="label">25</span><span class="content">Kyipfa kya ikyo ngammbia, mulawinie moo yanyu, mulye kyi ang'u munyo kyi; maa mmbiu yanyu mu&#7775;aae kyi. Moo chi ngose&#7775;a ya kyelya, na mmbiu chi ngose&#7775;a ya kyindo kye&#7775;aa? </span></span><span class="verse v26" data-usfm="MAT.6.26"><span class="label">26</span><span class="content">Ambuyenyi shileye sha ngyinenyi kye shekye&#7769;onga-pfo, maa shekyesambuo-pfo, maa shekyesania kyikumbinyi-pfo; na awu-yonyu o ruwewu nekyeshiembe&#7775;a shoose. Nyoe muwo&#7769;e woguru wung'anyi kuta shileye-sho-pfoe? </span></span><span class="verse v27" data-usfm="MAT.6.27"><span class="label">27</span><span class="content">Nyi wui konyu maa kakuwinisha ei&#7769;ima iengye&#7775;a maa ale mfiri yakye ya iha wuyanenyi? </span></span><span class="verse v28" data-usfm="MAT.6.28"><span class="label">28</span><span class="content">Kyatarama kyi iwinia shindo she&#7775;aa? Kusa&#7775;enyi kya shiwa&#7775;o sha ma&#7769;emenyi, chandu shekye&#7769;o. Shekye&#7775;unda-pfo, maa shekyeoka-pfo. </span></span><span class="verse v29" data-usfm="MAT.6.29"><span class="label">29</span><span class="content">Na inyi ngammbia kye maa Solomon mng'anonyi okye oose ale&#7775;iko necha cha shiwa&#7775;o-shi pfo. </span></span><span class="verse v30" data-usfm="MAT.6.30"><span class="label">30</span><span class="content">Kyasia, kokooya Ruwa nekye&#7775;ika ku&#7769;o melyi tsa ma&#7775;a gai ho inu na ngama gakawiyitso mo&#7769;onyi, ngyesa echim&#7775;ika nyoe lya ngose&#7775;a, nyoe wa ii&#7769;ikyia lyifofo-pfoe? </span></span><span class="verse v31" data-usfm="MAT.6.31"><span class="label">31</span><span class="content">Kyasia mulakuwinishe, mochigamba, lulye kyi, ang'u lunyo kyi, ang'u lp&#7775;aae kyi? </span></span><span class="verse v32" data-usfm="MAT.6.32"><span class="label">32</span><span class="content">Cha kyipfa isho shoose wandu wala&#7769;ikyie Ruwa wekyeshipfula. Na awu-yonyu o ruwewu naichi kye mukundi isho shoose. </span></span><span class="verse v33" data-usfm="MAT.6.33"><span class="label">33</span><span class="content">Kyaindi pfulenyi kuwooka Wumangyi wokye, na wusumganyi wokye; na isho shoose mochiengye&#7775;io. </span></span><span class="verse v34" data-usfm="MAT.6.34"><span class="label">34</span><span class="content">Kyasia mulakuwinishe na sha ngama; kyipfa ngama yekuwinia imonyi. Kyishikyie ikuwinisha orio mfiri na ngyuukyiwa tsa mfiri-cho.&#8221;</span></span></div>
        </div>
    </div>
</div>

New Testament in Kivunjo © Bible Society of Tanzania, 1999.

“Mulaloṟe wucha wonyu mbele ya wandu, kundu wamuambuye. Kyipfa mukoṟunda muṙo, mowona wori ko Awu-yonyu akyeri ruwewu-pfo. Kyasia kyiyeri-kyo uienengyia kyiano kyesaṟia molakushele, chandu wakulembecheṟi wekyewuta ipfo masinagoginyi na njienyi, kundu waṟumisho nyi wandu. Ny'kyaloi, ngammbia, wammbona wori wowo. Kyaindi kyiyeri iyoe uienengyia kyiano kyesaṟia, maa kuwoko kopfo ko kumoso kulamanye kyindo kuwoko kopfo ko kulyoe kuiṟunda. Kyiano kyapfo kyesaṟia kyiwe kui kyiṟika; na Awu-yopfo ulya ekyewona maa shilya shikuṟiikyie nechikuenenga iṟikoso.”


“Ngoseṟa kyiyeri muiterewa, mulawe cha wakulembecheṟi; kyipfa wo wakundi iterewa wagoṟokyi masinagoginyi na mbai ya njia, kundu wawono nyi wandu. Ny'kyaloi, ngyimmbia, wamuambilyia wori wowo. Kyaindi iyoe kyiyeri-kyo uiterewa, iṙa na kyiṟinyi kyapfo uwiirie moongo, na komshinga moongo opfo, uterewe mbele ya Awu-yopfo akyeri handu hakuṟiikyie; na Awu-yopfo ekyewona maa shilya shikuṟiikyie nechikuenenga iṟikoso. Na nyoe kyiyeri-kyo mukyeri kyiterewonyi, mulagambe shindo shifoi shilawoṙe kyiira, cha wandu walaichi Ruwa, kyipfa wo wekyekusaṟa kye wechiaṙanyio kyipfa kya maṙeṙo gawo iwa gafoi. Kyasia mulawe cha iwo; kyipfa Awu-yonyu naichi shilya mukundi maa nyoe mulamterewa. Kyasia nyoe terewenyi kuṙi,
‘Awu-yoṙu ukyeri ruwewu,
Rina lyapfo lyitano lyiele,
Wumangyi wopfo wuche,
kyindo ukundi kyiṟundikye,
iha wuyanenyi cha kulya ruwewu.
Uluenengye kando kaṙu inu.
Uluhooṟie maṙeko gaṙu,
chandu na soe lokyehooṟia walya wekyeluṙekyio.
Na ulaluṙuo kyiyeshionyi,
kyaindi ulukyiṟe ngyeṟo tsa ulya mmbicho.
[Cha kyipfa Wumangyi nyi wopfo, na pfinya, na mng'ano, mṟasa mlungana. Amen.’ ”]
“Cha kyipfa mukohooṟia wandu maṙeko gawo, na Awu-yonyu o ruwewu nechimuhooṟia nyoe. Kyaindi mulandehooṟie wandu maṙeko gawo, maa Awu-yonyu echimuhooṟia nyoe maṙeko ganyu-pfo.”

“Ngoseṟa kyiyeri moṙumbuo ikuretekyia kundu muṟumishe Ruwa, mulawe cha wakulembecheṟi wawoṙe shaam shiwoṙe nzineeri. Kyipfa wekyenyamaṟa shaam shawo, kundu wawono nyi wandu kye wailya maa inyo-pfo. Ny'kyaloi ngammbia, wamuambilyia wori wowo. Kyaindi iyoe kyiyeri okuretekyia, kushie mafuṙa mṙoenyi, usambe kyaam; kundu ulawono nyi wandu kye nokuretekyia, sile nyi Awu-yopfo akyeri handu hakuṟiikyie, na Awu-yopfo ekyewona maa shilya shikuṟiikyie nechikuenenga iṟikoso.”


“Mulakoome shindo sha woguru kyipfa kyanyu iha wuyanenyi, handu mashinu na koṟa shekyenyamaṟa, na mbafu tsekyefunja na iiwa. Kyaindi koomenyi shindo sha woguru kyipfa kyanyu ruwewu, kulekyenyamaṟika kyindo kyipfa kya mashinu maa koṟa, maa mbafu tsilekyefunja na iiwa. Kyipfa handu kyindo kyapfo kya woguru kyikyeri na ho-ndu na mrima opfo ochikaa.”


“Taa ya mmbiu nyi riso. Kyasia riso lyapfo lyechiṟunda necha mmbiu opfo oose ochiwaṙa ngyeela. Kyaindi riso lyapfo lyikanyamaṟika, mmbiu opfo oose ochiwaṙa meema. Kyasia ngyeela iya ikyeri kopfo ikawa meema; nyi meema ung'anyi mnu!”


“Kuwoṙe mndu echiiṙima iṟundia wandumii wawi-pfo; cha kyipfa nechisuo ichu, na ikunda ichu; ang'u nechikuwaṙa na ichu na imina ichu. Moiṙima iṟundia Ruwa na masaa-pfo. Kyipfa kya ikyo ngammbia, mulawinie moo yanyu, mulye kyi ang'u munyo kyi; maa mmbiu yanyu muṟaae kyi. Moo chi ngoseṟa ya kyelya, na mmbiu chi ngoseṟa ya kyindo kyeṟaa? Ambuyenyi shileye sha ngyinenyi kye shekyeṙonga-pfo, maa shekyesambuo-pfo, maa shekyesania kyikumbinyi-pfo; na awu-yonyu o ruwewu nekyeshiembeṟa shoose. Nyoe muwoṙe woguru wung'anyi kuta shileye-sho-pfoe? Nyi wui konyu maa kakuwinisha eiṙima iengyeṟa maa ale mfiri yakye ya iha wuyanenyi? Kyatarama kyi iwinia shindo sheṟaa? Kusaṟenyi kya shiwaṟo sha maṙemenyi, chandu shekyeṙo. Shekyeṟunda-pfo, maa shekyeoka-pfo. Na inyi ngammbia kye maa Solomon mng'anonyi okye oose aleṟiko necha cha shiwaṟo-shi pfo. Kyasia, kokooya Ruwa nekyeṟika kuṙo melyi tsa maṟa gai ho inu na ngama gakawiyitso moṙonyi, ngyesa echimṟika nyoe lya ngoseṟa, nyoe wa iiṙikyia lyifofo-pfoe? Kyasia mulakuwinishe, mochigamba, lulye kyi, ang'u lunyo kyi, ang'u lpṟaae kyi? Cha kyipfa isho shoose wandu walaṙikyie Ruwa wekyeshipfula. Na awu-yonyu o ruwewu naichi kye mukundi isho shoose. Kyaindi pfulenyi kuwooka Wumangyi wokye, na wusumganyi wokye; na isho shoose mochiengyeṟio. Kyasia mulakuwinishe na sha ngama; kyipfa ngama yekuwinia imonyi. Kyishikyie ikuwinisha orio mfiri na ngyuukyiwa tsa mfiri-cho.”

Kuuntele Matayo 6