<div class="version vid3058 iso6393mos" data-vid="3058" data-iso6393="mos">
 <div class="book bkJHN">
 <div class="chapter ch16" data-usfm="JHN.16">
 <div class="label">16</div><div class="p"> 1Mam goma ne y&#227;mb a woto t&#617; b&#361;mb da wa k&#617;t t&#617; y&#227;mb l&#651;&#617; ye. 2B na n diga y&#227;mb n yiis karen-dot&#227; p&#651;se, la wakat p&#651;s n watame t&#617; ned ning f&#227;a s&#7869;n na n k&#651;-a y&#227;mb na t&#7869; t&#617; y&#7869;nda maanda W&#7869;nnaam t&#651;&#651;mde. 3B na n maana a woto, bala, b ka b&#227;ng m ba, wall maam ye. 4Mam goma ne y&#227;mb a woto, t&#617; wakat s&#227; n wa ta, b&#617; y&#227;mb t&#7869;eg t&#617; mam dag n yeela y&#227;mba. Mam ka yeel y&#227;mb ad-a hal s&#617;ngr&#7869; ye, bala, mam dag n bee ne y&#227;mba.</div><div class="s">S&#617;&#617;g-s&#245;ng t&#651;&#651;ma</div><div class="p"> 5Moas&#227;, mam lebda s&#7869;n t&#651;m-a maam&#227; neng&#7869;, la y&#227;mb ned baa a yembr ka sokd maam t&#617; mam dabda y&#603;&#603;n&#7869; ye. 6La mam s&#7869;n gom ne y&#227;mb b&#245;n-k&#227;ng yell&#227; y&#297;nga, s&#361;-s&#227;ang n pid y&#227;mba. 7Baoosgo, mam yeta y&#227;mb s&#617;da, t&#617; mam s&#227; n looge, tara y&#245;od ne y&#227;mba. Bala, mam s&#227; n ka looge, s&#245;angd&#227; ka na n wa y&#227;mb neng&#7869; ye. La mam s&#227; n k&#7869;nge, mam na n t&#651;m-b lame n k&#245;-y&#227;. 8La b s&#227; n wa, b na n k&#617;tame t&#617; d&#361;niy&#227; neb sak n deeg s&#7869;n k&#7869;ed ne yel-w&#7869;n&#227; yelle, la t&#617;rlem&#227; yelle, la b&#651;&#651;d&#227; yelle. 9B na n sak n deega s&#7869;n k&#7869;ed yel-w&#7869;n&#227; yell&#227;, bala, b ka t&#7869;ed maam ye. 10B na n deega t&#617;rlm&#227; yell&#227;, bala, mam dabda m ba neng&#7869;, la t&#617; y&#227;mb ka na n leb n y&#227;nd maam y&#603;s ye. 11B na n deega b&#651;&#651;d&#227; yell&#227;, bala, d&#361;ni-k&#227;ng&#227; naab&#227;#16.11 D&#361;ni&#8209;k&#227;ng&#227; naab&#227;: Yaa S&#651;t&#227;an&#227; yell la b s&#7869;n gomd kaan&#7869; w&#227;. b&#651;&#651;d kaoome.</div><div class="p"> 12B&#361;mb w&#651;sg la mam ket n tar n na n togs y&#227;mba, la y&#227;mb ka t&#245;e n w&#651;m-b moas&#227; ye. 13La s&#617;d S&#617;&#617;g&#227; s&#227; n wa, b na n t&#603;&#603; y&#227;mb s&#617;d&#227; f&#227;a p&#651;g&#7869;. Bala, b ka na n gom b s&#7869;n dat ye, b na n togsa y&#227;mb b&#361;mb nins b s&#7869;n w&#651;me, la b na n togsa y&#227;mb b&#361;mb s&#7869;n be taoor n wat&#7869;. 14B&#227;mb na n waooga maam, bala, b na n d&#617;ka b&#361;mb nins s&#7869;n yaa mam d&#7869;nd n togs y&#227;mba. 15M ba s&#7869;n tar f&#227;a yaa maam n so. D&#7869; n k&#617;t t&#617; mam yeel t&#617; s&#617;d S&#617;&#617;g&#227; na n d&#617;ka b&#361;mb nins s&#7869;n yaa mam d&#7869;nd&#227; n togs y&#227;mb&#227;.</div><div class="s">S&#361;-s&#227;ang na n lebga s&#361;-noogo</div><div class="p"> 16S&#227; n y&#617; bilfu, y&#227;mb ka na n leb n y&#227;nd maam ye, la s&#227; n leb n y&#617; bilf n paase, y&#227;mb na n leb n y&#227;nda maam, [bala, mam dabda m ba neng&#7869;.]</div><div class="p"> 17D&#7869;, b&#227;mb karen-biis&#227; yeela taab yaa: &#171;B&#227;mb s&#7869;n yeel t&#617; s&#227; n y&#617; bilfu t&#245;nd ka na n leb n y&#227;nd b&#227;mba, la s&#227; n leb n y&#617; bilf n paase t&#245;nd na n leb n y&#227;nda b&#227;mb&#227;, n leb n yeel t&#617; b rabda b ba neng&#7869; w&#227;, a v&#245;or&#227; yaa b&#245;e?&#187; 18D&#7869;, karen-biis&#227; yeelame yaa: &#171;B&#245;e gomd la b s&#7869;n gomd&#227;? &#8249;S&#227; n y&#617; bilfu?&#8250; T&#245;nd ka mi b s&#7869;n gomd b&#361;mb ning yell ye.&#187;</div><div class="p"> 19A Zeezi s&#7869;n dag n mi t&#617; b karen-biis&#227; na n soka b&#227;mb&#227;, b yeel-b lame yaa: &#171;Y&#227;mb sogsda taab ne mam s&#7869;n yeel t&#617; bilf s&#227; n paase, y&#227;mb ka na n leb n y&#227;nd maam&#227;, la s&#227; n leb n y&#617; bilf n paase, y&#227;mb na n leb n y&#227;nda maam&#227;. 20S&#617;d-s&#617;d&#227;, mam yeta y&#227;mb t&#617; y&#227;mb na n y&#227;bame n wiisi, la d&#361;niy&#227; neb s&#361;y na n y&#617;&#617; noogo. Y&#227;mb na n y&#227;nda s&#361;-s&#227;anga, la y&#227;mb s&#361;-s&#227;ang&#227; na n tekame n lebg s&#361;-noogo. 21Pag rogem s&#227; n ta, s&#361;-s&#227;ams n tar-a, bala, a wakat&#227; taame. La a s&#227; n dog biig&#227; n sa, a ka leb n t&#7869;r a toog&#227; yell ye, a s&#361;ur s&#7869;n noom ne ned s&#7869;n dog&#227; y&#297;ng&#227;. 22Moas&#227;, y&#227;mb tara s&#361;-s&#227;amse, la mam na n leb n y&#227;nda y&#227;mba, y&#227;mb s&#361;y&#227; na n y&#617;&#617; noodo, la ned baa a yembr k&#245;n yiis y&#227;mb s&#361;-noog&#227; ye. 23Da-k&#227;ng daare, y&#227;mb k&#245;n leb n sok maam b&#361;mb baa a yembr yell ye. S&#617;d-s&#617;d&#227;, mam yeta y&#227;mb t&#617; b&#361;mb ning y&#227;mb s&#7869;n na n kos m ba, b na n k&#245;o y&#227;mb mam y&#651;&#651;r&#227; y&#297;nga. 24Hal t&#617; ta moas&#227;, y&#227;mb nan ka kos b&#361;mb ne mam y&#651;&#651;r ye. Kos-y t&#617; y na n deegame, t&#617; y s&#361;-noog&#227; t&#245;e n pid z&#227;nga.&#187;</div><div class="s">A Zeezi t&#245;oga d&#361;niy&#227;</div><div class="p"> 25Mam goma ne y&#227;mb a woto ne yel-b&#361;na. Wakat n wat t&#617; mam ka na n leb n gom ne y&#227;mb ne yel-b&#361;n ye, la mam na n togsa y&#227;mb m ba w&#227; yell v&#7869;enega. 26Badaare, y&#227;mb na n kosa ne mam y&#651;&#651;re, la mam ka yet t&#617; m na n b&#245;osa m ba y&#227;mb y&#297;ng ye. 27Bala, m ba w&#227; meng nonga y&#227;mba, bala, y&#227;mb nonga maam, la y t&#7869;eme t&#617; mam yii W&#7869;nnaam neng&#7869;. 28Mam yii W&#7869;nnaam neng&#7869; n wa d&#361;niy&#227; p&#651;g&#7869;. Moas&#227;, mam yita d&#361;niy&#227; p&#651;g&#7869;, la mam dabda m ba neng&#7869;.</div><div class="p"> 29B&#227;mb karen-biis&#227; yeela b&#227;mb yaa: Ges-y-y&#227;, y&#227;mb gomda ne t&#245;nd v&#7869;eneg moas&#227;, n ka leb n gomd baa f&#617; yell ne yel-b&#361;n ye. 30Moas&#227;, t&#245;nd miime t&#617; y&#227;mb mii b&#361;mb f&#227;a, la t&#617; y&#227;mb ka baood t&#617; ned sok y&#227;mb ye. Yaa r&#7869;nda y&#297;ng la t&#245;nd s&#7869;n t&#7869;ed t&#617; y&#227;mb yii W&#7869;nnaam neng&#7869; w&#227;. 31A Zeezi leoka b&#227;mb n yeele: Y&#227;mb t&#7869;edame moas&#227;? 32Ad wakat n wate, la a zoe n taame, t&#617; b na n s&#227;eeg y&#227;mb f&#227;a yembr-yembre, la y&#227;mb na n basa maam m yembre. La mam ka m yembr ye. Bala, m ba bee ne maam. 33Mam goma ne y&#227;mb a woto t&#617; y&#227;mb t&#245;e n paam v&#617;&#8209;b&#227;an mam p&#651;g&#7869;. Y&#227;mb na n paama namsg d&#361;niy&#227; p&#651;g&#7869;. La b&#617; y keng y s&#361;y&#227;, bala, mam t&#245;oga d&#361;niy&#227;.</div>
 </div>
 </div>
</div>

Moore Bible © Bible Society of Burkina Faso, 2014.

Mam goma ne yãmb a woto tɩ bũmb da wa kɩt tɩ yãmb lʋɩ ye. B na n diga yãmb n yiis karen-dotã pʋse, la wakat pʋs n watame tɩ ned ning fãa sẽn na n kʋ-a yãmb na tẽ tɩ yẽnda maanda Wẽnnaam tʋʋmde. B na n maana a woto, bala, b ka bãng m ba, wall maam ye. Mam goma ne yãmb a woto, tɩ wakat sã n wa ta, bɩ yãmb tẽeg tɩ mam dag n yeela yãmba. Mam ka yeel yãmb ad-a hal sɩngrẽ ye, bala, mam dag n bee ne yãmba.

Moasã, mam lebda sẽn tʋm-a maamã nengẽ, la yãmb ned baa a yembr ka sokd maam tɩ mam dabda yɛɛnẽ ye. La mam sẽn gom ne yãmb bõn-kãng yellã yĩnga, sũ-sãang n pid yãmba. Baoosgo, mam yeta yãmb sɩda, tɩ mam sã n looge, tara yõod ne yãmba. Bala, mam sã n ka looge, sõangdã ka na n wa yãmb nengẽ ye. La mam sã n kẽnge, mam na n tʋm-b lame n kõ-yã. La b sã n wa, b na n kɩtame tɩ dũniyã neb sak n deeg sẽn kẽed ne yel-wẽnã yelle, la tɩrlemã yelle, la bʋʋdã yelle. B na n sak n deega sẽn kẽed yel-wẽnã yellã, bala, b ka tẽed maam ye. B na n deega tɩrlmã yellã, bala, mam dabda m ba nengẽ, la tɩ yãmb ka na n leb n yãnd maam yɛs ye. B na n deega bʋʋdã yellã, bala, dũni-kãngã naabã bʋʋd kaoome.
Bũmb wʋsg la mam ket n tar n na n togs yãmba, la yãmb ka tõe n wʋm-b moasã ye. La sɩd Sɩɩgã sã n wa, b na n tɛɛ yãmb sɩdã fãa pʋgẽ. Bala, b ka na n gom b sẽn dat ye, b na n togsa yãmb bũmb nins b sẽn wʋme, la b na n togsa yãmb bũmb sẽn be taoor n watẽ. Bãmb na n waooga maam, bala, b na n dɩka bũmb nins sẽn yaa mam dẽnd n togs yãmba. M ba sẽn tar fãa yaa maam n so. Dẽ n kɩt tɩ mam yeel tɩ sɩd Sɩɩgã na n dɩka bũmb nins sẽn yaa mam dẽndã n togs yãmbã.

Sã n yɩ bilfu, yãmb ka na n leb n yãnd maam ye, la sã n leb n yɩ bilf n paase, yãmb na n leb n yãnda maam, [bala, mam dabda m ba nengẽ.]
Dẽ, bãmb karen-biisã yeela taab yaa: «Bãmb sẽn yeel tɩ sã n yɩ bilfu tõnd ka na n leb n yãnd bãmba, la sã n leb n yɩ bilf n paase tõnd na n leb n yãnda bãmbã, n leb n yeel tɩ b rabda b ba nengẽ wã, a võorã yaa bõe?» Dẽ, karen-biisã yeelame yaa: «Bõe gomd la b sẽn gomdã? ‹Sã n yɩ bilfu?› Tõnd ka mi b sẽn gomd bũmb ning yell ye.»
A Zeezi sẽn dag n mi tɩ b karen-biisã na n soka bãmbã, b yeel-b lame yaa: «Yãmb sogsda taab ne mam sẽn yeel tɩ bilf sã n paase, yãmb ka na n leb n yãnd maamã, la sã n leb n yɩ bilf n paase, yãmb na n leb n yãnda maamã. Sɩd-sɩdã, mam yeta yãmb tɩ yãmb na n yãbame n wiisi, la dũniyã neb sũy na n yɩɩ noogo. Yãmb na n yãnda sũ-sãanga, la yãmb sũ-sãangã na n tekame n lebg sũ-noogo. Pag rogem sã n ta, sũ-sãams n tar-a, bala, a wakatã taame. La a sã n dog biigã n sa, a ka leb n tẽr a toogã yell ye, a sũur sẽn noom ne ned sẽn dogã yĩngã. Moasã, yãmb tara sũ-sãamse, la mam na n leb n yãnda yãmba, yãmb sũyã na n yɩɩ noodo, la ned baa a yembr kõn yiis yãmb sũ-noogã ye. Da-kãng daare, yãmb kõn leb n sok maam bũmb baa a yembr yell ye. Sɩd-sɩdã, mam yeta yãmb tɩ bũmb ning yãmb sẽn na n kos m ba, b na n kõo yãmb mam yʋʋrã yĩnga. Hal tɩ ta moasã, yãmb nan ka kos bũmb ne mam yʋʋr ye. Kos-y tɩ y na n deegame, tɩ y sũ-noogã tõe n pid zãnga.»

Mam goma ne yãmb a woto ne yel-bũna. Wakat n wat tɩ mam ka na n leb n gom ne yãmb ne yel-bũn ye, la mam na n togsa yãmb m ba wã yell vẽenega. Badaare, yãmb na n kosa ne mam yʋʋre, la mam ka yet tɩ m na n bõosa m ba yãmb yĩng ye. Bala, m ba wã meng nonga yãmba, bala, yãmb nonga maam, la y tẽeme tɩ mam yii Wẽnnaam nengẽ. Mam yii Wẽnnaam nengẽ n wa dũniyã pʋgẽ. Moasã, mam yita dũniyã pʋgẽ, la mam dabda m ba nengẽ.
Bãmb karen-biisã yeela bãmb yaa: Ges-y-yã, yãmb gomda ne tõnd vẽeneg moasã, n ka leb n gomd baa fɩ yell ne yel-bũn ye. Moasã, tõnd miime tɩ yãmb mii bũmb fãa, la tɩ yãmb ka baood tɩ ned sok yãmb ye. Yaa rẽnda yĩng la tõnd sẽn tẽed tɩ yãmb yii Wẽnnaam nengẽ wã. A Zeezi leoka bãmb n yeele: Yãmb tẽedame moasã? Ad wakat n wate, la a zoe n taame, tɩ b na n sãeeg yãmb fãa yembr-yembre, la yãmb na n basa maam m yembre. La mam ka m yembr ye. Bala, m ba bee ne maam. Mam goma ne yãmb a woto tɩ yãmb tõe n paam vɩ‑bãan mam pʋgẽ. Yãmb na n paama namsg dũniyã pʋgẽ. La bɩ y keng y sũyã, bala, mam tõoga dũniyã.

Kuuntele A Zã koe‑noogo 16