Kosarek 2023 WBT Non-drama NT

Kosarek 2023 WBT Dramatized NT

<div class="version vid3740 iso6393kkl" data-vid="3740" data-iso6393="kkl">
 <div class="book bkACT">
 <div class="chapter ch5" data-usfm="ACT.5">
 <div class="label">5</div><div class="s1">Ananias elkel Safiraapti malia uarekne sembe Allahri opsiogha</div><div class="p"> 1Nimi kabuni nhon si Ananias, elkel Safiraap wamdek. Wamdekti so'o sindinge nhon nimiag tatsirekne sembe kamna tatsiekpa toptek. 2Kamna toptekne sembe Ananiasti elkel Safiraag ambarelamogti, &#8220;Kamna kaptoba ane luluro pairo anun,&#8221; aro ambarog. &#8220;Luluro pairo anun,&#8221; aro ambarogpa, elkel sae saekag agha Ananiasti nenne luluro pail tolamogti, nenne pogto, &#8220;Yesusti wepto pogsiog nangdi saeag nenel anun,&#8221; aro pail piog. 3Pail piogpa, Petrus ponekori elag, &#8220;Ananias, phia sikini nubungeri seneragnange andi wanaag teknero ulangkelba, Allah Eldamne Yame Walinge whingag orolena sa'a sembe ualam? Orolena lelamlamdi, so'o sembe tatkeangne pogto sa'a sembe tognoro pairo alam? 4Anam kamna kapto tomna komagna, so'o anena anenge. Kamna kaplamdi, toplamag babe anenge. Tam ane anba andi saeag wamla. Aghana sa'a sembe an wanaag orolenange seneraglam? Nimiag orolenange ua ualam kom. Anena Allahag ua ualam,&#8221; seog.</div><div class="p"> 5Wene alamogpa, Ananias ka'elamogne abeneko pere, so'oag malingkina Ananias tebaog. Tebaogne sembe nimi niri ka'ebaekti, log maikno senelamek. 6Tebaogpa kabuni mabo nhon-nhon yingkina nimi teptoba aneko kelebaekti, poa lambaekti, so'oag sikil piek. 7Sikil pina yalamek abeneko Ananias elkel ela'ange tebaogne ekon uro yaogti, wa'al aog. 8Wa'al aogpa, Petrusti elag hailamogti, &#8220;So'o aneko sembe kamna kapto toptoma ana'angeri kamna poa yal nena abene te? Andi babe ambatne,&#8221; seog. Seogpa kel enekori, &#8220;Otsik uro so'o kamna tatsiongne ni payal abene,&#8221; seog.</div><div class="p"> 9Wene seogpa Petrusti, &#8220;A'un phende sa'a sembe, &#8216;Nu Saelba Uhiropne poneko Yame Walingeag orolenange ambatnemeri mipnunam,&#8217; aro yubu nikne leptom? Nimi ana'ange sikil piang nang taneko ina siramag yaangdi, an keyapto, &#8216;Poa lambaukap,&#8217; aro wamangba kembahi,&#8221; seog.</div><div class="p"> 10Wene alamog abeneko Petrus whingag malingkina tebaog. Nimi kabuni taneko aeag wa'iekti, kel eneko teptoba kembaekti, keyapto poa lambaek. Poa lambaekti, ela'ange sikeka peramag aneko elkel babe sikek. 11Undo unuaogne sembe nimi Yesusag sikne aro winil dalamek nimi ni log maikno senelamek. Tebarekne sembe ka'ebaek nimi yogne babe ni log maikno senelamek.</div><div class="s1">Allah mikibari uanepne kekneba maikno ulameka</div><div class="p"> 12Yesusti wepto pogsiog nang tanekori Allah mikibari uanepne kekneba maikno ulamekti, &#8220;Yaghe, Allahri sin pere agha ual,&#8221; senenne maikno nimi maikno whingag ulamek. Undo unulamekpa, nimi Yesusag sikne aro seneraglamek nimi taneko sin ma'ap tangto wamekti, Allahri Mem Ae aramag sip imag agha solorobag si &#8220;Salomo&#8221; aneko winil dalamek. 13Winil dalamekpa, yog nimi maiknori Yesusag sikne aro seneraglamek nimi sembe, &#8220;Wali,&#8221; aro maiplamsiek. &#8220;Wali,&#8221; aro maiplamsiek aghana, log senelamekne sembe yog nimi taneko nhon babe Allahri Ae aramag ma'al tan anag yalamek kom. 14Log senelamekti, yalamek kom aghana, kabuniap kelaboap Yesus sembe el talamekti, nu Saelba Uhiropne Yesusag sikne aro seneraglamek. Sikne aro seneraglamekti, samenag Yesusag seneraglamek nimiap ma'al dalamekpa, maikno talamek.</div><div class="p"> 15Yesusti wepto pogsiog nangdi nimi maikno wali nenelamsiekne taneko sembe nimi tanekori nimi naiklamek nimi Petrus ina palamoghag nimi naiktopne ae usa yangal pina paia ulamsiek. &#8220;Petrus yabalogleri eldi yameri olog po'obahileba, wali taukang,&#8221; aro manal pina ulamsiek. 16Manal pina ulamsiekpa, as Yerusalem kanero wamek nimiri naiklamek nimiap, phia yongeri loba nenelamsiog nimiap enero payalamsiekpa, ni wali nenelamsiek.</div><div class="s1">Nubunangdi Yesusti wepto pogsiog nang sae kaupto saelbahieka</div><div class="p"> 17Kemelamsiekpa Yesusti wepto pogsiog nangdi &#8220;Yaghe&#8221; senenne maikno ulameka sembe memne Allah sembe palirop nang sikini nubungeap, elag neleptop nang Saduki nangap, &#8220;Nubunang talamang,&#8221; aro wana mali senelamek. 18Wana mali senelamekti, Yesusti wepto pogsiog nimi taneko salero kop aeag tobongkahiek. 19Kop aeag tobongkahiek aghana, inipnag nu Saelba Uhiropneri el arukna imagne malaikat nhon poghogpa, kulukul aogti, kop ae ina siram taneko kupto lambahiog. 20Lanalamsiogti yubu ambarelamsiogti, &#8220;Pimundi, Allahri Mem Ae aramag sekel pimundi, kamag nenehirop yubu ni aneko ambarelamsululom,&#8221; aro ambatsiog.#Pogsiog Nang 4:1-3</div><div class="p"> 21Wene aro ambatsiog yubu eneko ka'ebaekti, lukunap Allahri Mem Ae aramag wa'iekti, Yesus sembe yubu amoro ambarelamsiek. Ambarelamsiekti wamekpa, memne Allah sembe palirop nang sikini nubungeap, elag neleptop nangapti Yahudi nimi sembe yubu tam kareptop nang Mahkamah Agama nimi nubunang poloro wimbahiek. Poloro wimbahiek nang tanekona ni Israel nang sikini yabo poloro wimbahiek. Wimbahiekti, &#8220;Yesusti wepto pogsiog nang abeneko kop aeag tol phululom,&#8221; aro arukahiek.</div><div class="p"> 22Wene aro arukahiekpa, Allahri Mem Ae yae ua urop nang, &#8220;Tol phukap,&#8221; aro piek aghana, nimi tanekori kop aeag aneko kemelamsiekag agha sin orog wamek. Orog wamekpa, kembahiekti nen samoro Yahudi nimi sembe yubu tam kareptop nangag ambarel pihiek. 23Ambarelamsiekti, &#8220;Nu piapti, kop aeag pina kemelamabag agha ina serekna wali maupto serektop. Nimi babe kop ae yae ua unnang ina siramag yae wamang. Wamangba ina serekna kubi agha wa'alamabag agha nimi nhon babe ae lomag una wamang kom,&#8221; seek.</div><div class="p"> 24Wene aro ambatsieka ka'ebaekti, Allahri Mem Ae yae ua urop nang sikindoap, memnang Allah sembe palirop nang sikini yaboap wana sao kaupsiogpa, &#8220;Huro yabilul,&#8221; aro wana inmon taek. 25Wana inmon taekti wamekpa, nimi yubu poa yaogti ambarelamsiogti, &#8220;Nani yabo, nimi a'undi kop aeag tobongkipsiom nimi abeneko wene Allahri Mem Ae aramag nimi yubu ambarelamsiang,&#8221; aro ambatsiog.</div><div class="s1">Yesusti wepto pogsiog nimi Yahudi nimi sembe yubu tam kareptop nangag poa pihieka</div><div class="p"> 26Wene aro yubu poa piogne neneko ka'ebaekti, Allahri Mem Ae yae ua urop nang sikindoap, el sembe yae ua urop nang yin salerop nangap piekti, Yesusti wepto pogsiog nang abeneko Allahri Mem Aeag aneko oro kom-kom wali uro tol pihiek. Oro kom-kom wali uro tol pihiek nena, &#8220;Yesusti wepto pogsiog nang opsibe tanena, nimi wamang nimi taneri kirikti nu opsiikag,&#8221; aro log sembaekti, wali uro tol pihiek. 27Tol pihiekti, Yahudi nimi sembe yubu tam kareptop nang Mahkamah Agama wimbahiekag poa wa'isiek. Wa'isiekpa memne Allah sembe palirop nang sikini nubunge ponekori tam sinag palilamsiogti wenelamsiogti, 28&#8220;Nuri samenag yubu mikip uro a'unag, &#8216;&#8220;Si Yesus ponekoag mikipne wamla,&#8221; aro nimi yubu amoro ambatsiseng kom,&#8217; sebo.#Pogsiog Nang 4:18 Aghana wenena sa'a agha ulamlom? Wenena, &#8216;A'undi ambatsiseng kom,&#8217; sebo aghana, Yesus poneko sembe ambarelamsilomdi, yubu eneko nubu nenero as Yerusalem sabo tao. Wene a'undi, &#8216;Uaukap,&#8217; senelamlom nena, Yesus eneng lanaro tebaonge sembe a'undi nu Yahudi nimi nubunangag, &#8216;Tam nembaukap,&#8217; aro lero ulamlom,&#8221; seog.#Matius 27:25</div><div class="p"> 29Wene seogpa, Petrusap elkabo Yesusti wepto pogsiog nangapti, &#8220;Mog so'oag nimiri yubu leropne nuri nelebanep koma wamnep aghana, Allahri leropne agha sik sembanepti, nelebanepneog wamla. 30Yesus a'undi kalag siplobomdi, ya'ag olobomba tebao. Tebao aghana, Allah nunisang yabo paia uhiropne ponekori tebaonge poneko nimi teptopne urobag agha kamag nembao. 31El poneko Allahri, &#8216;Israel nimiri malia seneragto ulamangne lipsiikpa, tam wailag nembanun,&#8217; aro Yesus paliag nembao. &#8216;Nandamne sae sirik sip nimi nubunge sunsunum urobag wamlulam,&#8217; aro Allahri paliag nembaoba, Yesus Allah sae sirik sip wamla. Allahri, &#8216;Israel nimi saelba uhiropne talulam,&#8217; aro Yesus toro sekiro. Toro sekiroba, &#8216;Israel nimiri malia uroba sembe Allahri opsileag,&#8217; aro Yesus nimi taulba uhiropne tao. 32Allahri uaonge sembe nu el tabori, sikne lag nenero ambarelamsiap. Allah Eldamne Yame Walinge neneko el yubu ka'ero ul pirop nimiag tarelamsilne nenekori babe nimi ambarelamsil,&#8221; seek.</div><div class="p"> 33Wene aro Petrus elkaboapti ambarelamsieka ka'ebaekti, sin wanaag yonge waelbaogpa, &#8220;Sin nimi taneko ya'ag opsukap,&#8221; aro ulamek. 34Wanaag agha, &#8220;Opsukap,&#8221; senelamek aghana, Farisinge nhon si Gamaliel wamog. Gamaliel poneko Musari aruksirop yubu amohiropne wamogpa, nimi ni tanekori el maiplamek. El poneko Yahudi nimi sembe yubu tam kareptop nang Mahkamah Agama anabiag wamogha sekogti, &#8220;Yesusti wepto pogsiog nang poa lambahilulom,&#8221; seog.</div><div class="p"> 35Wene seogti Gamalieldi, &#8220;Ya'ag opsukap kom,&#8221; aro Yahudi nimi sembe yubu tam kareptop nimi wameka tanekoag ambarelamsiogti, &#8220;Israel nimi nangkabo, &#8216;Nimi tane ya'ag opsukap,&#8217; senelamloma wali uro seneraghi agha ualulom. 36Nimi phende samenag wamdekne sembe seneraglamsimundi, el talulom. Nimi nhon Teudas poneko, &#8216;Na nubunge paliag wamna,&#8217; aro sekogne seneragsut. &#8216;Na paliagne wamna,&#8217; alamogpa nimi elag neleptop nang teng naual tarabare (400) nang tanekori el yubu ka'elamek. El poneko nimiri obekpa, Teudas yubu ka'elamek nimi taneko talup tangka tala-tala piekti, unulamekne neneko lipsiek. 37Teudas poneko obekpa, tebaogpa wamek. Wamekpa nimi si tolamsiek liag Yudas Galileange poneko babe walel ingkiog. Yudas wamog liag babe nimi maikno elag sip tangtop nimi elag neleplamekti, &#8216;Roma nimi mombolag wamukap komdi, sae lipsukang,&#8217; aro yin salelamek. Yin salelamek aghana, nimiri Yudas ya'ag obekpa, elag neleptop nimi taneko oro nelepto tala-tala nembahiek. 38-39Ane sembe nari a'unag lelamnange, nimi taneag sa'a-sa'a ualulom kom. Teudasap Yudasap tebarekne sembe ambatsin. Sin abeneko saog uro, Yesus yubu ka'ero neleptop nimi taneko babe mog so'oag nimiri seneragtopneag agha, &#8216;Uaukap,&#8217; senelamangdi ulamang tanena, sa'a-sa'a ulamangne kom tanep. Aghana sindi ulamangne nene agha Allahri seneropneag agha ulamang tanena, a'undi nimi tane kom nembahilulom kom. Ane sembe sae lobitsululom. A'undi ulamlomne nene agha, &#8216;Allah luknubaukap,&#8217; aro ulapmunag, wali uro kembi agha seneraglapmundi ulamlulom,&#8221; aro ambatsiog.</div><div class="p">&#8220;Gamalieldi wene seogne sik,&#8221; aro eldi yubu ka'ebaek.</div><div class="p"> 40Wene aro ambatsiogpa, &#8220;Yesusti wepto pogsiog nimi taneko wa'al aukang,&#8221; seekpa wa'al aek. Wa'al aekpa, sae kaupto taeplam-taeplam lopsiekti, sinag aruklamsiekti, &#8220;A'undi, &#8216;Si Yesus ponekoag mikipne wamla,&#8217; aro lero ambatsiseng kom,&#8221; seekti sae lipsiek. </div><div class="p"> 41Wene aro sae lipsiekpa, Yesusti wepto pogsiog nimi taneko yubu tam kareptobag anekoa lambaek. Lanalamekti seneraglamekti, &#8220;Nu Yesus siag kekhaekto wamapne sembe yog nimiri nu ali nenero ohiropne seklelamap. Allahri nu sembe senelamsildi, &#8216;Yesus siag kekhaekto uropne sembe seklebanepne sunsunum,&#8217; sembahil ane sembe, nu opsiang,&#8221; aro seneraglamekti, wana awi uro lambaek. 42Lambaekti sop-sop Allahri Mem Ae aramag yubu ambarelamsiekti, nimiri ae toman babe nhonag wa'ang, nhonag wa'ang ambarelamsiek nena, &#8220;Yesus poneko Allahri wepto poghol aogne Kristus wamla,&#8221; aro yubu walinge amoro ambarelamsiek.</div>
 </div>
 </div>
</div>

Nimi kabuni nhon si Ananias, elkel Safiraap wamdek. Wamdekti so'o sindinge nhon nimiag tatsirekne sembe kamna tatsiekpa toptek. Kamna toptekne sembe Ananiasti elkel Safiraag ambarelamogti, “Kamna kaptoba ane luluro pairo anun,” aro ambarog. “Luluro pairo anun,” aro ambarogpa, elkel sae saekag agha Ananiasti nenne luluro pail tolamogti, nenne pogto, “Yesusti wepto pogsiog nangdi saeag nenel anun,” aro pail piog. Pail piogpa, Petrus ponekori elag, “Ananias, phia sikini nubungeri seneragnange andi wanaag teknero ulangkelba, Allah Eldamne Yame Walinge whingag orolena sa'a sembe ualam? Orolena lelamlamdi, so'o sembe tatkeangne pogto sa'a sembe tognoro pairo alam? Anam kamna kapto tomna komagna, so'o anena anenge. Kamna kaplamdi, toplamag babe anenge. Tam ane anba andi saeag wamla. Aghana sa'a sembe an wanaag orolenange seneraglam? Nimiag orolenange ua ualam kom. Anena Allahag ua ualam,” seog.
Wene alamogpa, Ananias ka'elamogne abeneko pere, so'oag malingkina Ananias tebaog. Tebaogne sembe nimi niri ka'ebaekti, log maikno senelamek. Tebaogpa kabuni mabo nhon-nhon yingkina nimi teptoba aneko kelebaekti, poa lambaekti, so'oag sikil piek. Sikil pina yalamek abeneko Ananias elkel ela'ange tebaogne ekon uro yaogti, wa'al aog. Wa'al aogpa, Petrusti elag hailamogti, “So'o aneko sembe kamna kapto toptoma ana'angeri kamna poa yal nena abene te? Andi babe ambatne,” seog. Seogpa kel enekori, “Otsik uro so'o kamna tatsiongne ni payal abene,” seog.
Wene seogpa Petrusti, “A'un phende sa'a sembe, ‘Nu Saelba Uhiropne poneko Yame Walingeag orolenange ambatnemeri mipnunam,’ aro yubu nikne leptom? Nimi ana'ange sikil piang nang taneko ina siramag yaangdi, an keyapto, ‘Poa lambaukap,’ aro wamangba kembahi,” seog.
Wene alamog abeneko Petrus whingag malingkina tebaog. Nimi kabuni taneko aeag wa'iekti, kel eneko teptoba kembaekti, keyapto poa lambaek. Poa lambaekti, ela'ange sikeka peramag aneko elkel babe sikek. Undo unuaogne sembe nimi Yesusag sikne aro winil dalamek nimi ni log maikno senelamek. Tebarekne sembe ka'ebaek nimi yogne babe ni log maikno senelamek.

Yesusti wepto pogsiog nang tanekori Allah mikibari uanepne kekneba maikno ulamekti, “Yaghe, Allahri sin pere agha ual,” senenne maikno nimi maikno whingag ulamek. Undo unulamekpa, nimi Yesusag sikne aro seneraglamek nimi taneko sin ma'ap tangto wamekti, Allahri Mem Ae aramag sip imag agha solorobag si “Salomo” aneko winil dalamek. Winil dalamekpa, yog nimi maiknori Yesusag sikne aro seneraglamek nimi sembe, “Wali,” aro maiplamsiek. “Wali,” aro maiplamsiek aghana, log senelamekne sembe yog nimi taneko nhon babe Allahri Ae aramag ma'al tan anag yalamek kom. Log senelamekti, yalamek kom aghana, kabuniap kelaboap Yesus sembe el talamekti, nu Saelba Uhiropne Yesusag sikne aro seneraglamek. Sikne aro seneraglamekti, samenag Yesusag seneraglamek nimiap ma'al dalamekpa, maikno talamek.
Yesusti wepto pogsiog nangdi nimi maikno wali nenelamsiekne taneko sembe nimi tanekori nimi naiklamek nimi Petrus ina palamoghag nimi naiktopne ae usa yangal pina paia ulamsiek. “Petrus yabalogleri eldi yameri olog po'obahileba, wali taukang,” aro manal pina ulamsiek. Manal pina ulamsiekpa, as Yerusalem kanero wamek nimiri naiklamek nimiap, phia yongeri loba nenelamsiog nimiap enero payalamsiekpa, ni wali nenelamsiek.

Kemelamsiekpa Yesusti wepto pogsiog nangdi “Yaghe” senenne maikno ulameka sembe memne Allah sembe palirop nang sikini nubungeap, elag neleptop nang Saduki nangap, “Nubunang talamang,” aro wana mali senelamek. Wana mali senelamekti, Yesusti wepto pogsiog nimi taneko salero kop aeag tobongkahiek. Kop aeag tobongkahiek aghana, inipnag nu Saelba Uhiropneri el arukna imagne malaikat nhon poghogpa, kulukul aogti, kop ae ina siram taneko kupto lambahiog. Lanalamsiogti yubu ambarelamsiogti, “Pimundi, Allahri Mem Ae aramag sekel pimundi, kamag nenehirop yubu ni aneko ambarelamsululom,” aro ambatsiog.
Wene aro ambatsiog yubu eneko ka'ebaekti, lukunap Allahri Mem Ae aramag wa'iekti, Yesus sembe yubu amoro ambarelamsiek. Ambarelamsiekti wamekpa, memne Allah sembe palirop nang sikini nubungeap, elag neleptop nangapti Yahudi nimi sembe yubu tam kareptop nang Mahkamah Agama nimi nubunang poloro wimbahiek. Poloro wimbahiek nang tanekona ni Israel nang sikini yabo poloro wimbahiek. Wimbahiekti, “Yesusti wepto pogsiog nang abeneko kop aeag tol phululom,” aro arukahiek.
Wene aro arukahiekpa, Allahri Mem Ae yae ua urop nang, “Tol phukap,” aro piek aghana, nimi tanekori kop aeag aneko kemelamsiekag agha sin orog wamek. Orog wamekpa, kembahiekti nen samoro Yahudi nimi sembe yubu tam kareptop nangag ambarel pihiek. Ambarelamsiekti, “Nu piapti, kop aeag pina kemelamabag agha ina serekna wali maupto serektop. Nimi babe kop ae yae ua unnang ina siramag yae wamang. Wamangba ina serekna kubi agha wa'alamabag agha nimi nhon babe ae lomag una wamang kom,” seek.
Wene aro ambatsieka ka'ebaekti, Allahri Mem Ae yae ua urop nang sikindoap, memnang Allah sembe palirop nang sikini yaboap wana sao kaupsiogpa, “Huro yabilul,” aro wana inmon taek. Wana inmon taekti wamekpa, nimi yubu poa yaogti ambarelamsiogti, “Nani yabo, nimi a'undi kop aeag tobongkipsiom nimi abeneko wene Allahri Mem Ae aramag nimi yubu ambarelamsiang,” aro ambatsiog.

Wene aro yubu poa piogne neneko ka'ebaekti, Allahri Mem Ae yae ua urop nang sikindoap, el sembe yae ua urop nang yin salerop nangap piekti, Yesusti wepto pogsiog nang abeneko Allahri Mem Aeag aneko oro kom-kom wali uro tol pihiek. Oro kom-kom wali uro tol pihiek nena, “Yesusti wepto pogsiog nang opsibe tanena, nimi wamang nimi taneri kirikti nu opsiikag,” aro log sembaekti, wali uro tol pihiek. Tol pihiekti, Yahudi nimi sembe yubu tam kareptop nang Mahkamah Agama wimbahiekag poa wa'isiek. Wa'isiekpa memne Allah sembe palirop nang sikini nubunge ponekori tam sinag palilamsiogti wenelamsiogti, “Nuri samenag yubu mikip uro a'unag, ‘“Si Yesus ponekoag mikipne wamla,” aro nimi yubu amoro ambatsiseng kom,’ sebo. Aghana wenena sa'a agha ulamlom? Wenena, ‘A'undi ambatsiseng kom,’ sebo aghana, Yesus poneko sembe ambarelamsilomdi, yubu eneko nubu nenero as Yerusalem sabo tao. Wene a'undi, ‘Uaukap,’ senelamlom nena, Yesus eneng lanaro tebaonge sembe a'undi nu Yahudi nimi nubunangag, ‘Tam nembaukap,’ aro lero ulamlom,” seog.
Wene seogpa, Petrusap elkabo Yesusti wepto pogsiog nangapti, “Mog so'oag nimiri yubu leropne nuri nelebanep koma wamnep aghana, Allahri leropne agha sik sembanepti, nelebanepneog wamla. Yesus a'undi kalag siplobomdi, ya'ag olobomba tebao. Tebao aghana, Allah nunisang yabo paia uhiropne ponekori tebaonge poneko nimi teptopne urobag agha kamag nembao. El poneko Allahri, ‘Israel nimiri malia seneragto ulamangne lipsiikpa, tam wailag nembanun,’ aro Yesus paliag nembao. ‘Nandamne sae sirik sip nimi nubunge sunsunum urobag wamlulam,’ aro Allahri paliag nembaoba, Yesus Allah sae sirik sip wamla. Allahri, ‘Israel nimi saelba uhiropne talulam,’ aro Yesus toro sekiro. Toro sekiroba, ‘Israel nimiri malia uroba sembe Allahri opsileag,’ aro Yesus nimi taulba uhiropne tao. Allahri uaonge sembe nu el tabori, sikne lag nenero ambarelamsiap. Allah Eldamne Yame Walinge neneko el yubu ka'ero ul pirop nimiag tarelamsilne nenekori babe nimi ambarelamsil,” seek.
Wene aro Petrus elkaboapti ambarelamsieka ka'ebaekti, sin wanaag yonge waelbaogpa, “Sin nimi taneko ya'ag opsukap,” aro ulamek. Wanaag agha, “Opsukap,” senelamek aghana, Farisinge nhon si Gamaliel wamog. Gamaliel poneko Musari aruksirop yubu amohiropne wamogpa, nimi ni tanekori el maiplamek. El poneko Yahudi nimi sembe yubu tam kareptop nang Mahkamah Agama anabiag wamogha sekogti, “Yesusti wepto pogsiog nang poa lambahilulom,” seog.
Wene seogti Gamalieldi, “Ya'ag opsukap kom,” aro Yahudi nimi sembe yubu tam kareptop nimi wameka tanekoag ambarelamsiogti, “Israel nimi nangkabo, ‘Nimi tane ya'ag opsukap,’ senelamloma wali uro seneraghi agha ualulom. Nimi phende samenag wamdekne sembe seneraglamsimundi, el talulom. Nimi nhon Teudas poneko, ‘Na nubunge paliag wamna,’ aro sekogne seneragsut. ‘Na paliagne wamna,’ alamogpa nimi elag neleptop nang teng naual tarabare (400) nang tanekori el yubu ka'elamek. El poneko nimiri obekpa, Teudas yubu ka'elamek nimi taneko talup tangka tala-tala piekti, unulamekne neneko lipsiek. Teudas poneko obekpa, tebaogpa wamek. Wamekpa nimi si tolamsiek liag Yudas Galileange poneko babe walel ingkiog. Yudas wamog liag babe nimi maikno elag sip tangtop nimi elag neleplamekti, ‘Roma nimi mombolag wamukap komdi, sae lipsukang,’ aro yin salelamek. Yin salelamek aghana, nimiri Yudas ya'ag obekpa, elag neleptop nimi taneko oro nelepto tala-tala nembahiek. Ane sembe nari a'unag lelamnange, nimi taneag sa'a-sa'a ualulom kom. Teudasap Yudasap tebarekne sembe ambatsin. Sin abeneko saog uro, Yesus yubu ka'ero neleptop nimi taneko babe mog so'oag nimiri seneragtopneag agha, ‘Uaukap,’ senelamangdi ulamang tanena, sa'a-sa'a ulamangne kom tanep. Aghana sindi ulamangne nene agha Allahri seneropneag agha ulamang tanena, a'undi nimi tane kom nembahilulom kom. Ane sembe sae lobitsululom. A'undi ulamlomne nene agha, ‘Allah luknubaukap,’ aro ulapmunag, wali uro kembi agha seneraglapmundi ulamlulom,” aro ambatsiog.
“Gamalieldi wene seogne sik,” aro eldi yubu ka'ebaek.
Wene aro ambatsiogpa, “Yesusti wepto pogsiog nimi taneko wa'al aukang,” seekpa wa'al aek. Wa'al aekpa, sae kaupto taeplam-taeplam lopsiekti, sinag aruklamsiekti, “A'undi, ‘Si Yesus ponekoag mikipne wamla,’ aro lero ambatsiseng kom,” seekti sae lipsiek.
Wene aro sae lipsiekpa, Yesusti wepto pogsiog nimi taneko yubu tam kareptobag anekoa lambaek. Lanalamekti seneraglamekti, “Nu Yesus siag kekhaekto wamapne sembe yog nimiri nu ali nenero ohiropne seklelamap. Allahri nu sembe senelamsildi, ‘Yesus siag kekhaekto uropne sembe seklebanepne sunsunum,’ sembahil ane sembe, nu opsiang,” aro seneraglamekti, wana awi uro lambaek. Lambaekti sop-sop Allahri Mem Ae aramag yubu ambarelamsiekti, nimiri ae toman babe nhonag wa'ang, nhonag wa'ang ambarelamsiek nena, “Yesus poneko Allahri wepto poghol aogne Kristus wamla,” aro yubu walinge amoro ambarelamsiek.

Kuuntele Pogsiog Nang 5