Konso - 2001 BSE (NT) Drama

<div class="version vid3977 iso6393kxc" data-vid="3977" data-iso6393="kxc">
 <div class="book bkJHN">
 <div class="chapter ch9" data-usfm="JHN.9">
 <div class="label">9</div><div class="s">Yesuusi akka nama a deladeeyyeew ilda qara' paten dinshe</div><div class="p"> 1Yesuusi ete poroppa desa tarpinooyye nama a deladeeyyeew ilda qara patene akke. 2Tamaarewwaadi ka isha kaassaden ka kidene, &#8220;Kollissampayto; hela namoose juppoota a ayno minanne ilda pateetin dalade? Hela juppoota mattaadi minannem mon juppoota a toolaayshoti minanne?&#8221;</div><div class="p"> 3Yesuusi ka oorshe ka kide, &#8220;Namoose wa malla ilda pateetin dalade; juppoota mattaadi taaki a toolaayshoti minannen ma, akka koda Waaqa isha qara akkaado malla. 4Kuyyaatoppaayye koda a isase ana erkeeti kodeeta ana faani; halkeetta a oppaayye nama takka nefo koda kodeeta in ettaninnini de'ay. 5An piita qara cooyye, anti an la'ayta piita.&#8221; #Maati 5:14; Yoha 8:12</div><div class="p"> 6Ka ete asse kide kammaayye, piita oppa hanjufta tufe ka, piita isho hanjuftase ollin porje ka ilda a namaseti oppa dooqqetase daate. 7Ka ishi kide, &#8220;Aane ka haarta Selehoomi oppa jaqado&#8221; Selehoomi kideese nefo, a erkame kideeta. Namase ka aane jaqade; a paata akkino ka tiitaawe.</div><div class="p"> 8Kantaadi isho orra a turan qinsannooyye isha akke ka kide, &#8220;Namoose isase eyye kutiino ka paata qinsannonne?&#8221; 9Orra demo ka kiini, &#8220;Aa isha&#8221; Ademo ka kiini, &#8220;Isha paha ma ishan&#8221; Isha ka kide, &#8220;Ana.&#8221;</div><div class="p"> 10Orrase ka ishi kide, &#8220;Ka kuli ildaati atta paata akken?&#8221;</div><div class="p"> 11Isha ka oorshe ka kide, &#8220;Nama takka Yesuusi kidammo, dooqqeeta porje ka ildaappa ana daate ka ana kide, &#8216;Aane ka haarta Selehoomi oppa jaqado&#8217; Anka aane ka jaqade ka paata akkeeta ettanshe.&#8221;</div><div class="p"> 12Ishootta ka ishi kidene, &#8220;Namoose amma ayshaayye ca?&#8221; Isha ka kide, &#8220;Aysha akkima co, anti an upo.&#8221;</div><div class="p"> 13Se kammaayye orrase ka namase turan ilda in qapnini Feresaata kapopan aane. 14Yesuusi kuyyaata oppaayye dooqqeeta porje ka ildaa a namooseti tooyyishe sampata a orra Yihuta. 15Feresaata ka namase kaassatteew ka kiite, &#8220;Atta paata akka ettanisse?&#8221;</div><div class="p">Isha ka kide, &#8220;Ildaappa'e ana dooqqeeta daate, an ka jaqade ka se kammaayye paata akkeeta ettanshe.&#8221;</div><div class="p"> 16Sitiiyyi Feresaatoppaayye orra demo ka kide, &#8220;namoose qoota sampata ulfeessini in kinnin malla, Waaqa kapa in deene&#8221; Ademo ka kideneewwe, &#8220;Ka kuli nama a juppoolayta kodde, atta kodaddoosen orra qawwanna koda ettansha?&#8221; Ka seminan lakki olli qiten.</div><div class="p"> 17Ka semmalla namase turan joole oppa ooren ka kaassaden ka kidene, &#8220;Atti qoota namoose a kiinitto ilda ana tooyyishe, desa maana kiini?&#8221;</div><div class="p">Isha ka kide, &#8220;Xuumampayta.&#8221;</div><div class="p"> 18Ukkumampaya a Yihuta haka toolaaysho haleenan ka akkima namoose turan joole, ildaadi ka kuli paata akken, ishootta kassannaaneeti'i in amanne. 19Ka semmalla toolaaysho kaassaden ka kidene, &#8220;Innasene xaayshin a kiinittane &#8216;ilda pateetinni deladen&#8217; hela sene ishootta? Ka kuli amma atta paata akkeeta ettanshen?&#8221;</div><div class="p"> 20Toolase xaaysho ka oorshe ka kide, &#8220;Namoose akkima innaanno kodde ka a delade paata a akkini in kinnin, in upna. 21Amma xoori ayno akkima ilda ishi dinshe, ikka paata akkino an upno; isha nama qimeey isha kaassada. Qootaadi desa haasawatta i'ettanshaay.&#8221; 22Toolase xaaysho wa malla asse kide, ukkumampaya Yihuta nama Yesuusi kiino &#8220;Kiristoosi&#8221; Oton i caayye akka tikase a qinseeta a orra Yihuta kela alle sookshane qoota olli kalen malla, ishootta fuuren. 23Toolaaysho semmallaaw kide, &#8220;Isha nama qimeey, isha kaassada.&#8221;</div><div class="p"> 24Seminan ikka oppa ooreneew ka namase turanneew joole haleen ka ishi kidene, &#8220;Atti dukaata haasawattan Waaqa ulfeesse, namoose akkima juppoolayta kodde ino in upnaay.&#8221;</div><div class="p"> 25Namase turan jaale ka oorshe ka kide, &#8220;Anti namoose akkima juppoolayta kodde an upo. Ma we takkanen upa, sede nefo akkiman anti turan caatta an akkini an kinnin ka amma paata akkeeta ettanshe, pattan upa.&#8221;</div><div class="p"> 26Ishootta ka ishi kidene, &#8220;Maana ke kode ka atta ildaatti dinshe?&#8221;</div><div class="p"> 27Isha ka ishootta kide, &#8220;Turan in ishina lele, ishina xoori dakaya a' faane ka kuli maana malla lammatta dakaya faanittaneew? Hela ishina kuli tamaarewwaadi kodda heentane?&#8221;</div><div class="p"> 28Ishootta ka isha oten ka kidene, &#8220;Keen tamaarittaadi! ino xoori an taamrewwa Muuseey! 29Waaqa akkima Muuse olli haasawade in upna; namoose ayshaayye akkima de'e an upno.&#8221;</div><div class="p"> 30Namase ka ishootta oorshe ka kide, &#8220;namoose ayshaayye akkima de'e upnaatta malaalaayshin orra qawwanni; ma xoori a ildaayyo dinshe isha. 31Waaqa akkima juppoolaya dakayni in kinnin a upnaysamte. Ma xoori nama Waaqa waaqaysanno ka heennaadi koono oton icaayye, Waaqa i'isha dakayni. 32Haka piita uumamte paayyatteeyye a kidene, &#8216;Ha nama a ilda pateetin dalade nama dinshe ca&#8217; apari in dakaanne opa ka in upan. 33namoose katin Waaqa kapa in deenin kiite, we takkan nefo kodeeta ettaninni in heenne.&#8221;</div><div class="p"> 34Ishootta ka ishi kidene, &#8220;Atti ke a ayynumaayti a juppootan immakaade pisan akka delade, hela ke ino kollisha?&#8221; Ka tikase a qinseeta a orra a Yihuta kela sookshen.</div><div class="s">Orra a tura ollin patte</div><div class="p"> 35Yesuusi ka akkima namase tika qinseeta orra Yihuta kela alle sookshen dakaye ka ete isha mina de'eyye ishi kide, &#8220;Atti inna nama iamanni?&#8221;</div><div class="p"> 36Isha ka kide, &#8220;Poqallaay! akkan isha amano'e isha ayno?&#8221;</div><div class="p"> 37Yesuusi ka ishi kide, &#8220;Turan nefo i'isha akkite, ini amma are ke olli haasawanno isha.&#8221;</div><div class="p"> 38Isha ka ishi sakatade ka kide, &#8220;Poqallaay, in amanni.&#8221;</div><div class="p"> 39Yesuusi ka kide, &#8220;Ha anti orra paata akkini in kinnin akka paata akko, a akkino qara ilda ka patane'en piisse qaropa firteeta de'e.&#8221;</div><div class="p"> 40Sitiiyyi Feresaata a Yesuusi kapa kitto ka sede dakayte ka Yesuusi kiite, &#8220;Ka asseeyye hela ino kuli ilda in qapnini?&#8221;</div><div class="p"> 41Yesuusi ka ishootta kide, &#8220;Katin ilda a qapnin kiiteeyye, juppoota ishin qara koddini in heenne; ma amma qoota kiinittane &#8216;In akkinninna&#8217; Malla juppoolaya kodditan ka hastan.&#8221;</div>
 </div>
 </div>
</div>

Yesuusi ete poroppa desa tarpinooyye nama a deladeeyyeew ilda qara patene akke. Tamaarewwaadi ka isha kaassaden ka kidene, “Kollissampayto; hela namoose juppoota a ayno minanne ilda pateetin dalade? Hela juppoota mattaadi minannem mon juppoota a toolaayshoti minanne?”
Yesuusi ka oorshe ka kide, “Namoose wa malla ilda pateetin dalade; juppoota mattaadi taaki a toolaayshoti minannen ma, akka koda Waaqa isha qara akkaado malla. Kuyyaatoppaayye koda a isase ana erkeeti kodeeta ana faani; halkeetta a oppaayye nama takka nefo koda kodeeta in ettaninnini de'ay. An piita qara cooyye, anti an la'ayta piita.”
Ka ete asse kide kammaayye, piita oppa hanjufta tufe ka, piita isho hanjuftase ollin porje ka ilda a namaseti oppa dooqqetase daate. Ka ishi kide, “Aane ka haarta Selehoomi oppa jaqado” Selehoomi kideese nefo, a erkame kideeta. Namase ka aane jaqade; a paata akkino ka tiitaawe.
Kantaadi isho orra a turan qinsannooyye isha akke ka kide, “Namoose isase eyye kutiino ka paata qinsannonne?” Orra demo ka kiini, “Aa isha” Ademo ka kiini, “Isha paha ma ishan” Isha ka kide, “Ana.”
Orrase ka ishi kide, “Ka kuli ildaati atta paata akken?”
Isha ka oorshe ka kide, “Nama takka Yesuusi kidammo, dooqqeeta porje ka ildaappa ana daate ka ana kide, ‘Aane ka haarta Selehoomi oppa jaqado’ Anka aane ka jaqade ka paata akkeeta ettanshe.”
Ishootta ka ishi kidene, “Namoose amma ayshaayye ca?” Isha ka kide, “Aysha akkima co, anti an upo.”
Se kammaayye orrase ka namase turan ilda in qapnini Feresaata kapopan aane. Yesuusi kuyyaata oppaayye dooqqeeta porje ka ildaa a namooseti tooyyishe sampata a orra Yihuta. Feresaata ka namase kaassatteew ka kiite, “Atta paata akka ettanisse?”
Isha ka kide, “Ildaappa'e ana dooqqeeta daate, an ka jaqade ka se kammaayye paata akkeeta ettanshe.”
Sitiiyyi Feresaatoppaayye orra demo ka kide, “namoose qoota sampata ulfeessini in kinnin malla, Waaqa kapa in deene” Ademo ka kideneewwe, “Ka kuli nama a juppoolayta kodde, atta kodaddoosen orra qawwanna koda ettansha?” Ka seminan lakki olli qiten.
Ka semmalla namase turan joole oppa ooren ka kaassaden ka kidene, “Atti qoota namoose a kiinitto ilda ana tooyyishe, desa maana kiini?”
Isha ka kide, “Xuumampayta.”
Ukkumampaya a Yihuta haka toolaaysho haleenan ka akkima namoose turan joole, ildaadi ka kuli paata akken, ishootta kassannaaneeti'i in amanne. Ka semmalla toolaaysho kaassaden ka kidene, “Innasene xaayshin a kiinittane ‘ilda pateetinni deladen’ hela sene ishootta? Ka kuli amma atta paata akkeeta ettanshen?”
Toolase xaaysho ka oorshe ka kide, “Namoose akkima innaanno kodde ka a delade paata a akkini in kinnin, in upna. Amma xoori ayno akkima ilda ishi dinshe, ikka paata akkino an upno; isha nama qimeey isha kaassada. Qootaadi desa haasawatta i'ettanshaay.” Toolase xaaysho wa malla asse kide, ukkumampaya Yihuta nama Yesuusi kiino “Kiristoosi” Oton i caayye akka tikase a qinseeta a orra Yihuta kela alle sookshane qoota olli kalen malla, ishootta fuuren. Toolaaysho semmallaaw kide, “Isha nama qimeey, isha kaassada.”
Seminan ikka oppa ooreneew ka namase turanneew joole haleen ka ishi kidene, “Atti dukaata haasawattan Waaqa ulfeesse, namoose akkima juppoolayta kodde ino in upnaay.”
Namase turan jaale ka oorshe ka kide, “Anti namoose akkima juppoolayta kodde an upo. Ma we takkanen upa, sede nefo akkiman anti turan caatta an akkini an kinnin ka amma paata akkeeta ettanshe, pattan upa.”
Ishootta ka ishi kidene, “Maana ke kode ka atta ildaatti dinshe?”
Isha ka ishootta kide, “Turan in ishina lele, ishina xoori dakaya a' faane ka kuli maana malla lammatta dakaya faanittaneew? Hela ishina kuli tamaarewwaadi kodda heentane?”
Ishootta ka isha oten ka kidene, “Keen tamaarittaadi! ino xoori an taamrewwa Muuseey! Waaqa akkima Muuse olli haasawade in upna; namoose ayshaayye akkima de'e an upno.”
Namase ka ishootta oorshe ka kide, “namoose ayshaayye akkima de'e upnaatta malaalaayshin orra qawwanni; ma xoori a ildaayyo dinshe isha. Waaqa akkima juppoolaya dakayni in kinnin a upnaysamte. Ma xoori nama Waaqa waaqaysanno ka heennaadi koono oton icaayye, Waaqa i'isha dakayni. Haka piita uumamte paayyatteeyye a kidene, ‘Ha nama a ilda pateetin dalade nama dinshe ca’ apari in dakaanne opa ka in upan. namoose katin Waaqa kapa in deenin kiite, we takkan nefo kodeeta ettaninni in heenne.”
Ishootta ka ishi kidene, “Atti ke a ayynumaayti a juppootan immakaade pisan akka delade, hela ke ino kollisha?” Ka tikase a qinseeta a orra a Yihuta kela sookshen.

Yesuusi ka akkima namase tika qinseeta orra Yihuta kela alle sookshen dakaye ka ete isha mina de'eyye ishi kide, “Atti inna nama iamanni?”
Isha ka kide, “Poqallaay! akkan isha amano'e isha ayno?”
Yesuusi ka ishi kide, “Turan nefo i'isha akkite, ini amma are ke olli haasawanno isha.”
Isha ka ishi sakatade ka kide, “Poqallaay, in amanni.”
Yesuusi ka kide, “Ha anti orra paata akkini in kinnin akka paata akko, a akkino qara ilda ka patane'en piisse qaropa firteeta de'e.”
Sitiiyyi Feresaata a Yesuusi kapa kitto ka sede dakayte ka Yesuusi kiite, “Ka asseeyye hela ino kuli ilda in qapnini?”
Yesuusi ka ishootta kide, “Katin ilda a qapnin kiiteeyye, juppoota ishin qara koddini in heenne; ma amma qoota kiinittane ‘In akkinninna’ Malla juppoolaya kodditan ka hastan.”

Kuuntele Yohaannisi 9