<div class="version vid4077 iso6393lyn" data-vid="4077" data-iso6393="lyn">
 <div class="book bkJHN">
 <div class="chapter ch2" data-usfm="JHN.2">
 <div class="label">2</div><div class="s">Omukiti no Likwala mu Kana</div><div class="p"> 1Ba liywaa no waatu, sebeli ku tendiwa omukiti no likwala mu Kana na mu Galileya. Mi inawaye Jesu kwana kwikala, 2Jesu ni yonyene sebeli oisaniwako ku likwala na iyetwa aye. 3Cwale ewaine aba ina kubwa, inawaye Jesu sebeli wamba kwa yonyene nji, &#8220;Ewaine naibu.&#8221;</div><div class="p"> 4Cwale Jesu sebeli otambula inawaye nji, &#8220;Inawange, etaba yange ni wene ibine? Enako yange kai sikeela kale.&#8221;</div><div class="p"> 5Inawaye Jesu sebeli wambela abika nji, &#8220;Mutende eso asa myambele sonje.&#8221;</div><div class="p"> 6Cwale kame kuna kwikala otucoo no mawee tuna kukwana tutanu ni kamweya (6) tu suminwe abo, otu tuyowelelwa mu mukwa no Majuda, akanjili ni kanjili kame kana ku shimba owima ukuma ba mwanda. 7Jesu sebeli waambela nji, &#8220;Mwitelemo ameyi twiiyale.&#8221; Mi sebeli atwiyata mane niku yubooka. 8Jesu sebeli waambela nji, &#8220;Cwale mu tekulemo mi mu twalele osi kutaba eilya no mukiti.&#8221; Mi sebeli amu twalela. 9Cwale omutabi no ilya no mukiti aba ana kwetekako ku meyi ana ku futulwa ewaine, kakuli kasi kulimuka omo ina ku tunda, (kame kuna ku limukiwa feela abika ana ku tekula ameyi), omwendisi no mukiti sebeli oisana omukwati 10ni kwamba kwa yonyene nji, &#8220;Omunu yonje kame abaanga ewaine no ku mamata oweli, mi cwale aanu aba mana okukoliwa onene, cwale okubinda aabe eyi no kwamuba, kono wene kame ona teula eyi no kuwaba konji abano!&#8221;</div><div class="p"> 11Yo kame emakazo no weli eyi ana kutenda Jesu mu Kana no Galileya, mi sebeli omonisa ekanya yaye, na iyetwa aye sebeli apumena mwa yonyene.</div><div class="p"> 12Aba kuna kubwa eyo, Jesu sebeli oshetumuka ku Kapenauma, ni Inawaye na inaaye, na iyetwa aye, mi omo sebeli aikalamo amaywaa no kucaniba feela.</div><div class="s">Jesu Yoota ku Ndoo ya Nyambe</div><div class="r">(Mateu21.12,13; Maleka11.15-17; Luka19.45-46)</div><div class="p"> 13Epaseka no Majuda aba ina kukeela abeebi, cwale Jesu sebeli okambamena ku Jelusalema. 14Ba patelo no Ndoo ya Nyambe sebeli oka wanabo asi ku ulisa etingombe ni mikoko ni tunkwilimba, naasi kucinca amali aikalile ba myuulo yoo. 15Cwale Jesu sebeli okutendela olunupa no mihala icana, mi onje sebeli waacitela ku ndee no patelo no Ndoo ya Nyambe, bamweya ni mikoko ni tingombe, ni kwitela banji amali no asikucinca mane ni ku kwisa etitafule too. 16Cwale sebeli wambela asi kuulisa otunkwilimba nji, &#8220;Mu tundise einu eyi yonje! Kamufanene okutenda endoo ya Sitange okwifutula endoo no kuuliseta!&#8221; 17Aiyetwa aye sebeli apuluka cwale esi sina kun&#772;oliwa nji, &#8220;Kame ni liwa mu kutukufalelwa endoo ya sitange.&#8221;</div><div class="p"> 18Cwale aendisi no Majuda sebeli aibanguta Jesu nji, &#8220;Ibine emakazo otu monisa nji kame oli ni maata no kutenda eyi no ngeesi?&#8221;</div><div class="p"> 19Jesu sebeli waatambula nji, &#8220;Mu yakulule Endoo eyi, mi mene mba ni ingula mu maywaa aatu.&#8221;</div><div class="p"> 20Aendisi no Majuda sebeli aamba kwa yonyene nji, &#8220;Kame ina kwana emyaka makumi anee ni mutanu ni kamweya (46) ba kuyaka Endoo ya Nyambe eyi, cwale wene mbwiiyaka mu maywaa aatu?&#8221;</div><div class="p"> 21Kono kame ana kwamba Endoo ya Nyambe no lutu lwaye.</div><div class="p"> 22Abo cwalehe aba ana kumana okwiingulwa kwaafu, aiyetwa aye sebeli apuluka nji kame ana kwaambela eyo, mi sebeli apumena elin&#772;olo ni liywi elyo ana kwamba Jesu.</div><div class="s">Jesu kame Alimukile omo Aikalele Aanu</div><div class="p"> 23Cwale yooli mu Jelusalema ku mukiti no Paseka, aanu no kupula sebeli apumena mu litina lyaye aba ana kumona etimakazo ana kutenda. 24Kono Jesu kaasi kwasepa, 25kakuli kame ana kulimuka aanu onje, mi kasi kusinga oupaki no munu kakuli kame ana ku limuka esi sili mu munu.</div>
 </div>
 </div>
</div>

Ba liywaa no waatu, sebeli ku tendiwa omukiti no likwala mu Kana na mu Galileya. Mi inawaye Jesu kwana kwikala, Jesu ni yonyene sebeli oisaniwako ku likwala na iyetwa aye. Cwale ewaine aba ina kubwa, inawaye Jesu sebeli wamba kwa yonyene nji, “Ewaine naibu.”
Cwale Jesu sebeli otambula inawaye nji, “Inawange, etaba yange ni wene ibine? Enako yange kai sikeela kale.”
Inawaye Jesu sebeli wambela abika nji, “Mutende eso asa myambele sonje.”
Cwale kame kuna kwikala otucoo no mawee tuna kukwana tutanu ni kamweya (6) tu suminwe abo, otu tuyowelelwa mu mukwa no Majuda, akanjili ni kanjili kame kana ku shimba owima ukuma ba mwanda. Jesu sebeli waambela nji, “Mwitelemo ameyi twiiyale.” Mi sebeli atwiyata mane niku yubooka. Jesu sebeli waambela nji, “Cwale mu tekulemo mi mu twalele osi kutaba eilya no mukiti.” Mi sebeli amu twalela. Cwale omutabi no ilya no mukiti aba ana kwetekako ku meyi ana ku futulwa ewaine, kakuli kasi kulimuka omo ina ku tunda, (kame kuna ku limukiwa feela abika ana ku tekula ameyi), omwendisi no mukiti sebeli oisana omukwati ni kwamba kwa yonyene nji, “Omunu yonje kame abaanga ewaine no ku mamata oweli, mi cwale aanu aba mana okukoliwa onene, cwale okubinda aabe eyi no kwamuba, kono wene kame ona teula eyi no kuwaba konji abano!”
Yo kame emakazo no weli eyi ana kutenda Jesu mu Kana no Galileya, mi sebeli omonisa ekanya yaye, na iyetwa aye sebeli apumena mwa yonyene.
Aba kuna kubwa eyo, Jesu sebeli oshetumuka ku Kapenauma, ni Inawaye na inaaye, na iyetwa aye, mi omo sebeli aikalamo amaywaa no kucaniba feela.


Epaseka no Majuda aba ina kukeela abeebi, cwale Jesu sebeli okambamena ku Jelusalema. Ba patelo no Ndoo ya Nyambe sebeli oka wanabo asi ku ulisa etingombe ni mikoko ni tunkwilimba, naasi kucinca amali aikalile ba myuulo yoo. Cwale Jesu sebeli okutendela olunupa no mihala icana, mi onje sebeli waacitela ku ndee no patelo no Ndoo ya Nyambe, bamweya ni mikoko ni tingombe, ni kwitela banji amali no asikucinca mane ni ku kwisa etitafule too. Cwale sebeli wambela asi kuulisa otunkwilimba nji, “Mu tundise einu eyi yonje! Kamufanene okutenda endoo ya Sitange okwifutula endoo no kuuliseta!” Aiyetwa aye sebeli apuluka cwale esi sina kun̄oliwa nji, “Kame ni liwa mu kutukufalelwa endoo ya sitange.”
Cwale aendisi no Majuda sebeli aibanguta Jesu nji, “Ibine emakazo otu monisa nji kame oli ni maata no kutenda eyi no ngeesi?”
Jesu sebeli waatambula nji, “Mu yakulule Endoo eyi, mi mene mba ni ingula mu maywaa aatu.”
Aendisi no Majuda sebeli aamba kwa yonyene nji, “Kame ina kwana emyaka makumi anee ni mutanu ni kamweya (46) ba kuyaka Endoo ya Nyambe eyi, cwale wene mbwiiyaka mu maywaa aatu?”
Kono kame ana kwamba Endoo ya Nyambe no lutu lwaye.
Abo cwalehe aba ana kumana okwiingulwa kwaafu, aiyetwa aye sebeli apuluka nji kame ana kwaambela eyo, mi sebeli apumena elin̄olo ni liywi elyo ana kwamba Jesu.

Cwale yooli mu Jelusalema ku mukiti no Paseka, aanu no kupula sebeli apumena mu litina lyaye aba ana kumona etimakazo ana kutenda. Kono Jesu kaasi kwasepa, kakuli kame ana kulimuka aanu onje, mi kasi kusinga oupaki no munu kakuli kame ana ku limuka esi sili mu munu.

Kuuntele Jowani 2