<div class="version vid487 iso6393alq" data-vid="487" data-iso6393="alq">
   <div class="book bkACT">
      <div class="chapter chINTRO1" data-usfm="ACT.INTRO1">
         <div class="imt"><span class="content">Enadjimomagag oo mazinaigan</span></div><div class="ip"><span class="content">Nijin ojibiiganan kitcit8a Lok (Luc) ogi ijinijaama8an pejig naben Teopil (Th&#233;ophile) ka ijinikazonigobanen. Nitam ii8eni, Jesosan omin8adjimo8ini ogi ojibian. Midac iima ka iji 8a8idamagedj adi Jesosan ka ikidondjin acitc ka pi inadizindjin ooma 8akidakamig. Mi oo8e eko nijinigin omazinaiganan, taji e iji tibadjimomaganig adi ka pi ijitcigendjin Jesos Odanodaganan. Ii dac apitc, aja Jesos ogi odji nda 8abamagoban Odadaman 8ak8ig acitc dac ka8in aja opaba 8idji8asi8abanin Odanodaganan. Anic dac Mino Manido ogi pidigecka8an ini8e ka teb8etamindjin, acitc ogi minan macka8izi8ini.</span></div><div class="ip"><span class="content">Oo8e dac mazinaiganikag, Lok 8idamage adi kitci mane a8iagon ka iji ani teb8etamindjin 8edi Jerusalemikag, acitc adi ka iji ani ma8adjiidindjin ka teb8etamindjin kidji aiamiendjin. Mina8adj dac 8idamage adi ka iji kitci obeckamaganig Jesos omin8adjimo8in mizi8e Israel akikag, pinici 8edi akin ka samisinigin Medjiterani (M&#233;diterran&#233;e) kitcigamini. Coda8inni8ibanig nitam ka madji teb8etamo8adj a8iagog, nage dac, ega ka Coda8inni8i8adj ke8ina8a ogi madji teb8eta8a8an Jesosan. Kinabo8adananan dac ooma mazinaiganikag adi kitcit8a Pon ka apitci kitci pabamadizidj kidji nda paba tibadjimodj Jesosan omin8adjimo8ini. Kinisidotananan acitc nanigodin Lok egi 8idji pabamadizimadjin Ponan, osa mega acidji8indizo apitc ako mikodag egi kitci pabamadizindjin Ponan. Ogi 8idji8an Ponan apitc Rom kitci odenag ka ijandjin. 8idamage Lok acitc adi kagi ikidondjin acitc adi kagi todamindjin kodagian Jesos Odanodaganan. Ki8abadananan dac egi paba tibadjimota8a8adjin Coda8innin acitc ega ka Coda8inni8indjin Jesosan omin8adjimo8ini. Acitc Mino Manido ogi minan a8iagon kidji ani teb8eta8andjin Jesosan.</span></div><div class="ip"><span class="content">Igi8e ka nabo8adamo8adj oo8e mazinaigani, omamidonendamiigona8a adi enendagozi8adj kidji todamo8adj, 8ina8a ka teb8eta8a8adjin Jesosan. Mi pejig8an enendagozi8adj kidji todamo8adj tabickotc ka todaminipanin ka teb8etamindjin 8eckadj, kidji paba tibadjimota8a8adjin Jesosan omin8adjimo8ini kakina a8iagon mizi8ekamig, naben acitc ik8e8an, ka tabasendagozindjin acitc ka niganizindjin, ka 8anadizindjin acitc ka kidimagizindjin. Oga minigo8an dac Mino Manidon omacka8izi8ini ii kidji iji kackito8adj, tabickotc kagi toda8agani8indjin 8eckadj ka teb8etaminipanin.</span></div>
      </div>
   </div>
</div>

Enadjimomagag oo mazinaigan
Nijin ojibiiganan kitcit8a Lok (Luc) ogi ijinijaama8an pejig naben Teopil (Théophile) ka ijinikazonigobanen. Nitam ii8eni, Jesosan omin8adjimo8ini ogi ojibian. Midac iima ka iji 8a8idamagedj adi Jesosan ka ikidondjin acitc ka pi inadizindjin ooma 8akidakamig. Mi oo8e eko nijinigin omazinaiganan, taji e iji tibadjimomaganig adi ka pi ijitcigendjin Jesos Odanodaganan. Ii dac apitc, aja Jesos ogi odji nda 8abamagoban Odadaman 8ak8ig acitc dac ka8in aja opaba 8idji8asi8abanin Odanodaganan. Anic dac Mino Manido ogi pidigecka8an ini8e ka teb8etamindjin, acitc ogi minan macka8izi8ini.
Oo8e dac mazinaiganikag, Lok 8idamage adi kitci mane a8iagon ka iji ani teb8etamindjin 8edi Jerusalemikag, acitc adi ka iji ani ma8adjiidindjin ka teb8etamindjin kidji aiamiendjin. Mina8adj dac 8idamage adi ka iji kitci obeckamaganig Jesos omin8adjimo8in mizi8e Israel akikag, pinici 8edi akin ka samisinigin Medjiterani (Méditerranée) kitcigamini. Coda8inni8ibanig nitam ka madji teb8etamo8adj a8iagog, nage dac, ega ka Coda8inni8i8adj ke8ina8a ogi madji teb8eta8a8an Jesosan. Kinabo8adananan dac ooma mazinaiganikag adi kitcit8a Pon ka apitci kitci pabamadizidj kidji nda paba tibadjimodj Jesosan omin8adjimo8ini. Kinisidotananan acitc nanigodin Lok egi 8idji pabamadizimadjin Ponan, osa mega acidji8indizo apitc ako mikodag egi kitci pabamadizindjin Ponan. Ogi 8idji8an Ponan apitc Rom kitci odenag ka ijandjin. 8idamage Lok acitc adi kagi ikidondjin acitc adi kagi todamindjin kodagian Jesos Odanodaganan. Ki8abadananan dac egi paba tibadjimota8a8adjin Coda8innin acitc ega ka Coda8inni8indjin Jesosan omin8adjimo8ini. Acitc Mino Manido ogi minan a8iagon kidji ani teb8eta8andjin Jesosan.
Igi8e ka nabo8adamo8adj oo8e mazinaigani, omamidonendamiigona8a adi enendagozi8adj kidji todamo8adj, 8ina8a ka teb8eta8a8adjin Jesosan. Mi pejig8an enendagozi8adj kidji todamo8adj tabickotc ka todaminipanin ka teb8etamindjin 8eckadj, kidji paba tibadjimota8a8adjin Jesosan omin8adjimo8ini kakina a8iagon mizi8ekamig, naben acitc ik8e8an, ka tabasendagozindjin acitc ka niganizindjin, ka 8anadizindjin acitc ka kidimagizindjin. Oga minigo8an dac Mino Manidon omacka8izi8ini ii kidji iji kackito8adj, tabickotc kagi toda8agani8indjin 8eckadj ka teb8etaminipanin.

Kuuntele Jesos Odanodaganan Odijitcige8ini8an Enadjimomagag oo mazinaigan