Yalunka - 2008 Edition (NT)

<div class="version vid620 iso6393yal" data-vid="620" data-iso6393="yal">
 <div class="book bkLUK">
 <div class="chapter ch24" data-usfm="LUK.24">
 <div class="label">24</div><div class="s">Yesu keli fena sayani</div><div class="r">Matiyu 28.1-10, Maraka 16.1-8, Yoni 20.1-10</div><div class="p"> 1Xati l&#596;x&#596;n x&#596;t&#596;n x&#596;t&#596;nni, &#626;axanle ture xiri &#626;axum&#603;n naxanye rafalaxi, e yi siga ne ra gaburu d&#603;&#603;n na. 2E yi a li g&#603;m&#603;n baxi gaburun d&#603; ra. 3E yi so gaburun kui koni e mi Marigi Yesu binbin to na yi. 4E kuisanxin yi lu tixi na yi, e yi e t&#603;r&#603;na x&#603;m&#603; dugi mayilenxi kan firinna e d&#603;x&#596;n ma. 5&#413;axanle yi gaxu kati, e yi e xinbi sin, e e tigine sin b&#596;x&#596;n ma. Na x&#603;m&#603; firinne yi a fala &#626;axanle xa, e naxa, &#8220;&#400; niiramaan fenma faxa muxune y&#603; nanfera? 6A mi be, a bata keli sayani. A yi Galile yi waxatin naxan yi, a naxan fala &#603; xa, &#603; xaxili lu na x&#596;n ma. 7A naxa, &#8216;F&#596; Muxuna Dii X&#603;m&#603;n xa so hak&#603; kanne yii, e yi a gbangban wudin ma, a soge saxandeni a keli sayani.&#8217; &#8221;</div><div class="p"> 8Na xanbi ra, a falane yi rabira &#626;axanle ma. 9E x&#603;t&#603; keli gaburu d&#603;&#603;n na, e sa na birin fala xarandii fu nun kedenna xa e nun a muxune birin. 10&#413;axanli itoe nan a fala x&#603;rane xa, Mariyama Magadala kaan nun Yoyana nun Mariyama Yaki nga e nun &#626;axanla bonne, ne yi feni itoe fala x&#603;rane xa. 11Koni e yi a miri a &#626;axanle daxuya falan nan tixi, e mi la e ra mum&#603;! 12Koni Piy&#603;ri yi keli, a siga gaburu d&#603;&#603;n na, a yi a yigodo, a yi a y&#603; masa gaburun kui, a kasangenna kui genla to saxi, a x&#603;t&#603; a konni. Feen naxan ligaxi, a kab&#603;ma na ra.</div><div class="s">Yesu siga fena Emayusi Taani</div><div class="r"> Maraka 16.12-13</div><div class="p"> 13Na l&#596;x&#596; y&#603;t&#603;ni, muxu firin yi sigama taadina nde yi naxan yi xili Emayusi, e nun Yerusal&#603;n taan yi tagi kuya ndedi. 14Feen naxanye bata yi liga, e batuma na feene ma. 15E yi batuma waxatin naxan yi, Yesu yi a maso e ra, e birin yi lu sig&#603;. 16E yi a to koni hali na, e mi a kolon. 17Yesu yi a fala e xa, a naxa, &#8220;&#400; sigama kiraan x&#596;n waxatin naxan yi, &#603; yi nanfe falama?&#8221;</div><div class="p">E sunuxin yi ti. 18Na nde keden, naxan yi xili Kelopa, na yi a yabi, a naxa, &#8220;I tan keden peen nan Yerusal&#603;n taani ba, naxan mi a kolon feen naxanye ligaxi m&#603;nni waxati danguxini itoe yi?&#8221;</div><div class="p"> 19A yi a max&#596;din, a naxa, &#8220;Nanfe ne ra?&#8221;</div><div class="p">E yi a yabi, e naxa, &#8220;Feen naxan ligaxi Yesu Nasar&#603;ti kaan na. Nabi s&#603;nb&#603; kanna nan yi a ra a falan nun k&#603;wanli Ala nun yamaan birin y&#603;tagi. 20Saraxarali kuntigine nun en ma kuntigine yi a suxu, alogo e xa a faxa. E yi a gbangban wudin ma. 21Anu, nxu bata yi nxu yigi sa a yi nun fa fala a tan nan Isirayila muxune xunbaan na. A birin mi na ra, a ligan soge saxanna nan to, 22&#626;axanla ndee yi nxu tagi, ne nxu rak&#596;nt&#596;fili n&#603;n. E siga n&#603;n gaburu d&#603;&#603;n na subaxani, 23e mi a binbin to, e x&#603;t&#603;, e fa a fala nxu xa, a malekane mini n&#603;n e ma naxanye a fala e xa, a a niin bata bira ayi! 24Nxu lanfana ndee yi siga gaburu d&#603;&#603;n na, e sa a to alo &#626;axanle a fala nxu xa kii naxan yi, a yatin ligaxi na kii nin, koni e mi a to.&#8221;</div><div class="p"> 25Awa, Yesu yi a fala e xa, a naxa, &#8220;&#400; xaxili mi na. Nabine feen naxanye birin fala &#603; xa, &#603; mi la ne ra &#603; b&#596;&#626;&#603;ni xul&#603;n! 26&#400; mi a kolon a lanma Alaa Muxu Sugandixin xa t&#596;r&#596; feni itoe ra benun a xa so a binyeni?&#8221; 27Na xanbi ra, feen naxan birin falaxi Yesu a fe yi Kitabun kui, f&#596;l&#596; Nabi Musaa Kitabun ma, han nabi gb&#603;t&#603;ye, a na birin y&#603;ba e xa.</div><div class="p"> 28E yi sigama taan naxan yi nun, e to maso m&#603;nna ra, Yesu yi a liga alo a dangumat&#596;&#596;n na a ra. 29Koni e yi a rax&#603;t&#603;, e naxa, &#8220;Lu nxu f&#603;ma amas&#596;t&#596; k&#596;&#603; somaan ni i ra, dimin yi so.&#8221; Nayi, a yi lu e f&#603;ma. 30A d&#596;x&#596; a d&#603;gedeni e f&#603;ma, a burun tongo, a barikan bira Ala xa, na xanbi ra a buruni gira, a yi a so e yii. 31E y&#603;&#603;n yi rabi mafur&#603;n, e yi a kolon fa fala a Yesu na a ra. Koni a tunun e y&#603;tagi. 32E yi a fala e bode xa, e naxa, &#8220;A ligaxi n&#603;n alo t&#603;&#603;n nan yi en kuiin ganma, a Kitabun f&#603;s&#603;f&#603;s&#603;ma en xa waxatin naxan yi kiraan x&#596;n ma.&#8221;</div><div class="p"> 33E keli mafur&#603;n, e x&#603;t&#603; Yerusal&#603;n taani, e xarandii fu nun kedenna li malanxi d&#603;naxan yi e nun bonne. 34E yi a fala, e naxa, &#8220;Marigin bata keli sayani yati! Sim&#596;n bata a to!&#8221;</div><div class="p"> 35Feen naxan liga kiraan x&#596;n ma, muxu firinne yi ne y&#603;ba e xa, e Marigin kolon kii naxan yi, a buruni gira waxatin naxan yi.</div><div class="s">Xarandiine yi Yesu to</div><div class="r">Matiyu 28.16-20, Maraka 16.14-18, Yoni 20.19-23, K&#603;wanle 1.6-8</div><div class="p"> 36E yi ito falama waxatin naxan yi, Marigin y&#603;t&#603;&#603;n yi ti e tagi mafur&#603;n, a yi a fala e xa, a naxa, &#8220;Ala xa &#603; b&#596;&#626;&#603;n xunbeli.&#8221;</div><div class="p"> 37E gaxu kati, e yi e miri, e naxa, a e bata muxun y&#603;l&#603;nna to. 38Koni a yi a fala e xa, a naxa, &#8220;&#400; kuisanxi nanfera, sik&#603;na &#603; b&#596;&#626;&#603;ni nanfera? 39&#400; n yiine nun n sanne mato, &#603; a kolonma n&#603;n a n tan nan a ra. &#400; yiin din n na, &#603; a toma n&#603;n nayi amas&#596;t&#596; fati b&#603;nd&#603;n nun x&#596;nne mi muxun y&#603;l&#603;nni alo &#603; a toma n tan yi kii naxan yi.&#8221;</div><div class="p"> 40A to yi na falama e xa, a yi a yiin nun a sanne yita e ra. 41S&#603;wan nun kab&#603;n yi a liga, e mi la a ra xul&#603;n. Nayi, a yi e max&#596;din, a naxa, &#8220;Donsena &#603; yii be ba?&#8221; 42E y&#603;x&#603; gilinxi dungin so a yii, 43a yi a tongo, a yi a don e y&#603;tagi.</div><div class="p"> 44Na xanbi ra, a yi a fala e xa, a naxa, &#8220;N yi &#603; f&#603;ma waxatin naxan yi, n feni itoe nan fala &#603; xa. Feen naxan birin s&#603;b&#603;xi n ma fe yi Musaa Sariya Kitabun kui e nun nabine kitabune nun Yaburin kui, f&#596; ne xa kamali n&#603;n.&#8221;</div><div class="p"> 45A yi a liga e xaxili s&#596;t&#596; alogo e xa Kitabuna feene famu. 46A yi a fala e xa, a naxa, &#8220;Ito nan s&#603;b&#603;xi fa fala Alaa Muxu Sugandixin xa t&#596;r&#596;, a keli sayani a soge saxandeni. 47Tubi feen nun yulubi xafarin kawandin bama n&#603;n a xinli siyane birin xa, f&#596;l&#596; Yerusal&#603;n taan ma. 48Feni itoe seren nan &#603; tan na. 49N Fafe Ala &#603; tuli sa naxan na, n tan y&#603;t&#603;&#603;n na rafama n&#603;n &#603; ma. Koni &#603; lu Yerusal&#603;n taani han na s&#603;nb&#603;n yi fa sa keli kore a godo &#603; xun ma.&#8221;</div><div class="s">Yesu yi te ariyanna yi</div><div class="r">Maraka 16.19-20, K&#603;wanle 1.9-11</div><div class="p"> 50Na xanbi ra, a siga e ra han Betani taani, a sa a yiini te d&#603;naxan yi, a duba e xa. 51A yi dubama e xa waxatin naxan yi, a keli e f&#603;ma, a te ariyanna yi. 52E to yelin a batu&#603;, e s&#603;waxi gbeen yi x&#603;t&#603; Yerusal&#603;n taani. 53E yi lu Ala Batu Banxini waxatin birin, e lu barikan bir&#603; Ala xa.</div>
 </div>
 </div>
</div>

© 2012 Traducteurs Pionniers de la Bible © 2012 Pioneer Bible Translators This work is licensed under the Creative Commons Attribution ShareAlike 4.0 license  https://creativecommons.org/licenses/by-sa/4.0/ 

Xati lɔxɔn xɔtɔn xɔtɔnni, ɲaxanle ture xiri ɲaxumɛn naxanye rafalaxi, e yi siga ne ra gaburu dɛɛn na. E yi a li gɛmɛn baxi gaburun dɛ ra. E yi so gaburun kui koni e mi Marigi Yesu binbin to na yi. E kuisanxin yi lu tixi na yi, e yi e tɛrɛna xɛmɛ dugi mayilenxi kan firinna e dɛxɔn ma. Ɲaxanle yi gaxu kati, e yi e xinbi sin, e e tigine sin bɔxɔn ma. Na xɛmɛ firinne yi a fala ɲaxanle xa, e naxa, “Ɛ niiramaan fenma faxa muxune yɛ nanfera? A mi be, a bata keli sayani. A yi Galile yi waxatin naxan yi, a naxan fala ɛ xa, ɛ xaxili lu na xɔn ma. A naxa, ‘Fɔ Muxuna Dii Xɛmɛn xa so hakɛ kanne yii, e yi a gbangban wudin ma, a soge saxandeni a keli sayani.’ ”
Na xanbi ra, a falane yi rabira ɲaxanle ma. E xɛtɛ keli gaburu dɛɛn na, e sa na birin fala xarandii fu nun kedenna xa e nun a muxune birin. Ɲaxanli itoe nan a fala xɛrane xa, Mariyama Magadala kaan nun Yoyana nun Mariyama Yaki nga e nun ɲaxanla bonne, ne yi feni itoe fala xɛrane xa. Koni e yi a miri a ɲaxanle daxuya falan nan tixi, e mi la e ra mumɛ! Koni Piyɛri yi keli, a siga gaburu dɛɛn na, a yi a yigodo, a yi a yɛ masa gaburun kui, a kasangenna kui genla to saxi, a xɛtɛ a konni. Feen naxan ligaxi, a kabɛma na ra.


Na lɔxɔ yɛtɛni, muxu firin yi sigama taadina nde yi naxan yi xili Emayusi, e nun Yerusalɛn taan yi tagi kuya ndedi. Feen naxanye bata yi liga, e batuma na feene ma. E yi batuma waxatin naxan yi, Yesu yi a maso e ra, e birin yi lu sigɛ. E yi a to koni hali na, e mi a kolon. Yesu yi a fala e xa, a naxa, “Ɛ sigama kiraan xɔn waxatin naxan yi, ɛ yi nanfe falama?”
E sunuxin yi ti. Na nde keden, naxan yi xili Kelopa, na yi a yabi, a naxa, “I tan keden peen nan Yerusalɛn taani ba, naxan mi a kolon feen naxanye ligaxi mɛnni waxati danguxini itoe yi?”
A yi a maxɔdin, a naxa, “Nanfe ne ra?”
E yi a yabi, e naxa, “Feen naxan ligaxi Yesu Nasarɛti kaan na. Nabi sɛnbɛ kanna nan yi a ra a falan nun kɛwanli Ala nun yamaan birin yɛtagi. Saraxarali kuntigine nun en ma kuntigine yi a suxu, alogo e xa a faxa. E yi a gbangban wudin ma. Anu, nxu bata yi nxu yigi sa a yi nun fa fala a tan nan Isirayila muxune xunbaan na. A birin mi na ra, a ligan soge saxanna nan to, ɲaxanla ndee yi nxu tagi, ne nxu rakɔntɔfili nɛn. E siga nɛn gaburu dɛɛn na subaxani, e mi a binbin to, e xɛtɛ, e fa a fala nxu xa, a malekane mini nɛn e ma naxanye a fala e xa, a a niin bata bira ayi! Nxu lanfana ndee yi siga gaburu dɛɛn na, e sa a to alo ɲaxanle a fala nxu xa kii naxan yi, a yatin ligaxi na kii nin, koni e mi a to.”
Awa, Yesu yi a fala e xa, a naxa, “Ɛ xaxili mi na. Nabine feen naxanye birin fala ɛ xa, ɛ mi la ne ra ɛ bɔɲɛni xulɛn! Ɛ mi a kolon a lanma Alaa Muxu Sugandixin xa tɔrɔ feni itoe ra benun a xa so a binyeni?” Na xanbi ra, feen naxan birin falaxi Yesu a fe yi Kitabun kui, fɔlɔ Nabi Musaa Kitabun ma, han nabi gbɛtɛye, a na birin yɛba e xa.
E yi sigama taan naxan yi nun, e to maso mɛnna ra, Yesu yi a liga alo a dangumatɔɔn na a ra. Koni e yi a raxɛtɛ, e naxa, “Lu nxu fɛma amasɔtɔ kɔɛ somaan ni i ra, dimin yi so.” Nayi, a yi lu e fɛma. A dɔxɔ a dɛgedeni e fɛma, a burun tongo, a barikan bira Ala xa, na xanbi ra a buruni gira, a yi a so e yii. E yɛɛn yi rabi mafurɛn, e yi a kolon fa fala a Yesu na a ra. Koni a tunun e yɛtagi. E yi a fala e bode xa, e naxa, “A ligaxi nɛn alo tɛɛn nan yi en kuiin ganma, a Kitabun fɛsɛfɛsɛma en xa waxatin naxan yi kiraan xɔn ma.”
E keli mafurɛn, e xɛtɛ Yerusalɛn taani, e xarandii fu nun kedenna li malanxi dɛnaxan yi e nun bonne. E yi a fala, e naxa, “Marigin bata keli sayani yati! Simɔn bata a to!”
Feen naxan liga kiraan xɔn ma, muxu firinne yi ne yɛba e xa, e Marigin kolon kii naxan yi, a buruni gira waxatin naxan yi.


E yi ito falama waxatin naxan yi, Marigin yɛtɛɛn yi ti e tagi mafurɛn, a yi a fala e xa, a naxa, “Ala xa ɛ bɔɲɛn xunbeli.”
E gaxu kati, e yi e miri, e naxa, a e bata muxun yɛlɛnna to. Koni a yi a fala e xa, a naxa, “Ɛ kuisanxi nanfera, sikɛna ɛ bɔɲɛni nanfera? Ɛ n yiine nun n sanne mato, ɛ a kolonma nɛn a n tan nan a ra. Ɛ yiin din n na, ɛ a toma nɛn nayi amasɔtɔ fati bɛndɛn nun xɔnne mi muxun yɛlɛnni alo ɛ a toma n tan yi kii naxan yi.”
A to yi na falama e xa, a yi a yiin nun a sanne yita e ra. Sɛwan nun kabɛn yi a liga, e mi la a ra xulɛn. Nayi, a yi e maxɔdin, a naxa, “Donsena ɛ yii be ba?” E yɛxɛ gilinxi dungin so a yii, a yi a tongo, a yi a don e yɛtagi.
Na xanbi ra, a yi a fala e xa, a naxa, “N yi ɛ fɛma waxatin naxan yi, n feni itoe nan fala ɛ xa. Feen naxan birin sɛbɛxi n ma fe yi Musaa Sariya Kitabun kui e nun nabine kitabune nun Yaburin kui, fɔ ne xa kamali nɛn.”
A yi a liga e xaxili sɔtɔ alogo e xa Kitabuna feene famu. A yi a fala e xa, a naxa, “Ito nan sɛbɛxi fa fala Alaa Muxu Sugandixin xa tɔrɔ, a keli sayani a soge saxandeni. Tubi feen nun yulubi xafarin kawandin bama nɛn a xinli siyane birin xa, fɔlɔ Yerusalɛn taan ma. Feni itoe seren nan ɛ tan na. N Fafe Ala ɛ tuli sa naxan na, n tan yɛtɛɛn na rafama nɛn ɛ ma. Koni ɛ lu Yerusalɛn taani han na sɛnbɛn yi fa sa keli kore a godo ɛ xun ma.”


Na xanbi ra, a siga e ra han Betani taani, a sa a yiini te dɛnaxan yi, a duba e xa. A yi dubama e xa waxatin naxan yi, a keli e fɛma, a te ariyanna yi. E to yelin a batuɛ, e sɛwaxi gbeen yi xɛtɛ Yerusalɛn taani. E yi lu Ala Batu Banxini waxatin birin, e lu barikan birɛ Ala xa.

Kuuntele Luka 24