<div class="version vid947 iso6393lam" data-vid="947" data-iso6393="lam">
 <div class="book bkGEN">
 <div class="chapter ch2" data-usfm="GEN.2">
 <div class="label">2</div><div class="p"> 1Lomba iulu necalo capansi fyalisilile ukufile&#331;ga ne&#373;umba lyonse lyafifyo. 2Popele pansiku ya&#373;usisanu nasi&#373;ili &#373;aLesa &#373;alisilisye imilimo ya&#373;o iyo &#373;acitile; na&#373;o &#373;alitusisye pansiku ya&#373;usisanu nasi&#373;ili, nekuleke'milimo ya&#373;o yonse iyo &#373;acitile. 3Ka&#373;ili &#373;aLesa &#373;alisyucisye insiku ya&#373;usisanu nasi&#373;ili, nekwicindika: pakuti ilyo &#373;atusisye ukuleke'milimo ya&#373;o yonse iyo wale&#331;gele &#373;aLesa nekucita.</div><div class="p"> 4Uko ekufyalwa kweulu nekwacalo capansi, ili fyale&#331;gelwe, impindi iyo &#373;ale&#331;gele &#373;aYawe Lesa icalo neulu. 5Lomba impindi iyo pacalo tapa&#331;gawa neli lu&#373;uto ulwamumpa&#331;ga, ka&#373;ili tapa&#331;gamena neli lusa&#331;gu ulwamumpa&#331;ga: pakuti &#373;aYawe Lesa lomba tawa&#331;galokele'mfula pacalo, ka&#373;ili tapali umuntu uwakulimo'musili; 6sombi palifutumucile pansi pacalo kamfwa, nekutontosya pamusili ponse.</div><div class="p"> 7Popele &#373;aYawe Lesa &#373;ali&#373;umbile umuntu kwifukutu lyelo&#373;a, nekupemena mumyona yakwe ukupema kwamweo; lomba umuntu wali&#373;ele mupasi wamweo.</div><div class="p"> 8Popele &#373;aYawe Lesa &#373;ali&#373;yele i&#373;ala kumutulesu&#373;a kuEdeni; mopele umo emo &#373;a&#373;icile umuntu uyo u&#373;a&#373;umbile. 9Popele mumusili &#373;aYawe Lesa &#373;alimesesye imiti yonse iweme iyakutamba-ko, neiweme iyakulya-ko; nemuti wamweo ka&#373;ili pakati pe&#373;ala, nemuti uwakwisi&#373;isye'fiweme-nefi&#373;ipile. 10Ka&#373;ili kuEdeni kwalitulile inika iyakutontosye'&#373;ala; popele ukufumo'ko yalilekene, nekwaluka ni nika sine. 11Isina lyayakuta&#331;ga niPaisyoni, iyo ilukusi&#331;guluke'cato conse icaAfaila, umuli igolide; 12ka&#373;ili igolide Ilyamucalo ico liweme, muli mbedolake nebwe lyamasyoyami. 13Ka&#373;ili isina lyanika ya&#373;usi&#373;ili niNjiyoni; iyo yopele etsi&#331;guluke'calo conse icaEtiopia. 14Ka&#373;ili isina lyanika ya&#373;usitatu nildekeli: iyo ilukwenda ukusesye'calo caAsiliya. Naka&#373;ili inika ya&#373;usine niYufilate.</div><div class="p"> 15Popele &#373;aYawe Lesa &#373;ali&#373;ulile umuntu, nekumu&#373;ika mwi&#373;ala lyaEdeni mukuliwamya nekulilama. 16Popele &#373;aYawe Lesa &#373;alimufundile umuntu ati: Kumiti yonse iyamwi&#373;ala ukulya ukalukulya-ko: 17sombi kumuti uwakwisi&#373;isye'fiweme-nefi&#373;ipile tesi ukalukulya-ko: pakuti akasu&#373;a ako ukalya-ko, ukafwe'cine.</div><div class="p"> 18Popele &#373;aYawe Lesa ati: Tafiweme-po umuntu uyu ukwikala e&#331;ka; nakumule&#331;gele'wakumofwa-ko. 19Popele apo &#373;aYawe Lesa &#373;ali&#373;umbile inama syonse isyamumpa&#331;ga, nefyuni fyonse ifyamwiulu; nekufileta kumuntu uyo muku&#373;one'fi ifi a&#331;gafiilika: popele amasina onse ayo afiilicile umuntu uyo ifile&#331;gelwe fyonse ifyamweo, opele ayo aliikele masina afiko. 20Ka&#373;ili umuntu uyo walisiilicile amasina i&#331;ombe syonse nefyuni ifyamwiulu, nenama syonse Isyamumpa&#331;ga: sombi tapabwenekele uwakumofwa-ko umuntu.</div><div class="p"> 21Popele &#373;aYawe Lesa &#373;aliponesye utulo utulemene pamuntu uyo; naye alilele. Popele &#373;aLesa &#373;ali&#373;ulile ulu&#373;afu lwamuntu uyo lumbi, nekubwesyapo umunefu pamupunda walulo: 22popele ulu&#373;afu ulo &#373;afumisye kumuntu &#373;aYawe Lesa, &#373;alilule&#331;gele mwanakasi, nekumuleta kumuntu. 23Popele umuntu uyo walila&#373;ile ati: Uyu cine lifupa lyamafupa anji, munefu wamunefu wanji: akalukwilikwa ati Mwanakasi, pakuti walifumiwe mumwalalume. 24Pakuti pali fyefyo umwalalume a&#331;galeka &#373;awisi na&#373;anyina, nekwikalisya nemukasi wakwe; na&#373;o &#373;akaaluka mu&#373;ili umo. 25Lomba &#373;o&#373;ilo &#373;ali matako lukoso, nemuntu nemukasi wakwe, sombi ta&#373;aumfwile-po insoni.</div>
 </div>
 </div>
</div>

Lamba Bible Version © United Bible Societies, 1959. 

Lomba iulu necalo capansi fyalisilile ukufileŋga neŵumba lyonse lyafifyo. Popele pansiku yaŵusisanu nasiŵili ŵaLesa ŵalisilisye imilimo yaŵo iyo ŵacitile; naŵo ŵalitusisye pansiku yaŵusisanu nasiŵili, nekuleke'milimo yaŵo yonse iyo ŵacitile. Kaŵili ŵaLesa ŵalisyucisye insiku yaŵusisanu nasiŵili, nekwicindika: pakuti ilyo ŵatusisye ukuleke'milimo yaŵo yonse iyo waleŋgele ŵaLesa nekucita.
Uko ekufyalwa kweulu nekwacalo capansi, ili fyaleŋgelwe, impindi iyo ŵaleŋgele ŵaYawe Lesa icalo neulu. Lomba impindi iyo pacalo tapaŋgawa neli luŵuto ulwamumpaŋga, kaŵili tapaŋgamena neli lusaŋgu ulwamumpaŋga: pakuti ŵaYawe Lesa lomba tawaŋgalokele'mfula pacalo, kaŵili tapali umuntu uwakulimo'musili; sombi palifutumucile pansi pacalo kamfwa, nekutontosya pamusili ponse.
Popele ŵaYawe Lesa ŵaliŵumbile umuntu kwifukutu lyeloŵa, nekupemena mumyona yakwe ukupema kwamweo; lomba umuntu waliŵele mupasi wamweo.
Popele ŵaYawe Lesa ŵaliŵyele iŵala kumutulesuŵa kuEdeni; mopele umo emo ŵaŵicile umuntu uyo uŵaŵumbile. Popele mumusili ŵaYawe Lesa ŵalimesesye imiti yonse iweme iyakutamba-ko, neiweme iyakulya-ko; nemuti wamweo kaŵili pakati peŵala, nemuti uwakwisiŵisye'fiweme-nefiŵipile. Kaŵili kuEdeni kwalitulile inika iyakutontosye'ŵala; popele ukufumo'ko yalilekene, nekwaluka ni nika sine. Isina lyayakutaŋga niPaisyoni, iyo ilukusiŋguluke'cato conse icaAfaila, umuli igolide; kaŵili igolide Ilyamucalo ico liweme, muli mbedolake nebwe lyamasyoyami. Kaŵili isina lyanika yaŵusiŵili niNjiyoni; iyo yopele etsiŋguluke'calo conse icaEtiopia. Kaŵili isina lyanika yaŵusitatu nildekeli: iyo ilukwenda ukusesye'calo caAsiliya. Nakaŵili inika yaŵusine niYufilate.
Popele ŵaYawe Lesa ŵaliŵulile umuntu, nekumuŵika mwiŵala lyaEdeni mukuliwamya nekulilama. Popele ŵaYawe Lesa ŵalimufundile umuntu ati: Kumiti yonse iyamwiŵala ukulya ukalukulya-ko: sombi kumuti uwakwisiŵisye'fiweme-nefiŵipile tesi ukalukulya-ko: pakuti akasuŵa ako ukalya-ko, ukafwe'cine.
Popele ŵaYawe Lesa ati: Tafiweme-po umuntu uyu ukwikala eŋka; nakumuleŋgele'wakumofwa-ko. Popele apo ŵaYawe Lesa ŵaliŵumbile inama syonse isyamumpaŋga, nefyuni fyonse ifyamwiulu; nekufileta kumuntu uyo mukuŵone'fi ifi aŋgafiilika: popele amasina onse ayo afiilicile umuntu uyo ifileŋgelwe fyonse ifyamweo, opele ayo aliikele masina afiko. Kaŵili umuntu uyo walisiilicile amasina iŋombe syonse nefyuni ifyamwiulu, nenama syonse Isyamumpaŋga: sombi tapabwenekele uwakumofwa-ko umuntu.
Popele ŵaYawe Lesa ŵaliponesye utulo utulemene pamuntu uyo; naye alilele. Popele ŵaLesa ŵaliŵulile uluŵafu lwamuntu uyo lumbi, nekubwesyapo umunefu pamupunda walulo: popele uluŵafu ulo ŵafumisye kumuntu ŵaYawe Lesa, ŵaliluleŋgele mwanakasi, nekumuleta kumuntu. Popele umuntu uyo walilaŵile ati: Uyu cine lifupa lyamafupa anji, munefu wamunefu wanji: akalukwilikwa ati Mwanakasi, pakuti walifumiwe mumwalalume. Pakuti pali fyefyo umwalalume aŋgaleka ŵawisi naŵanyina, nekwikalisya nemukasi wakwe; naŵo ŵakaaluka muŵili umo. Lomba ŵoŵilo ŵali matako lukoso, nemuntu nemukasi wakwe, sombi taŵaumfwile-po insoni.

Kuuntele Ifyakutaŋga 2