Suosittuja jakeita Raamatun kirjasta Cwaan 1

Jaa

Kahkina tahsh kaakii'otaahpinikotc, miiwa' kaakiihtepweyenimikotc, okii'miinaa' cioniicaanihsimikonitc Kishemanitoon.

Maawac nihtam cipwaa maacihsek ahki aasha kii'ayaa a'a Ihkitowin kaaishinihkaasotc. Wa'a tahsh Ihkitowin okii'wiiciyayaamaan ini Kishemanitoon, shikwahsh wa'a Ihkitowin kiihKishemanitoowi.

I'i tahsh waahseyaa saakaahte i'imaa kashkiitipihkisiwinink. Shikwahsh i'iwe kashkiitipihkisiwin kaawiin wiihkaa okiihpiaahtawe'ansiin i'i waahseyaa.

Wa'a Ihkitowin kiihpi‑ininiiwi, shikwahsh kikiihpiwiiciyayaamikonaan e'mooshkinetc kishewaatisiwin, tepwewin. Okihtakinsowin kaye kikii'waapantamowaamin, mii 'iwe okihtakinsowin kaaoncimiinikotc ini Weyoohsimimintc, e'mihcipeshikotc kaaoKosihsimikotc ini oTeten.

A'a tahsh Ihkitowin kii'aapatisi kahkina kekoon kiioshihcikaatenik. Wiin anohkiihsikipan kaawiin kekoon taakii'oshihcikaatehsinoon i'i minihk kaakii'oshihcikaatek. Wiin kaaoncipimaatisinaaniwaninik. O'o tahsh pimaatisiwin okiihpiitamaakonaawaa waahseyaa kahkina pemaatisiwaatc.

Miinawaa tahsh eniwaapaninik Cwaan (John) okii'waapamaan Ciisahsoon ehpinaasihkaakotc. O'o tahsh kii'ihkito: “Ina 'aweti Maanahcaanihshenhs Kishemanitoo keoncipoonentamawaatc omaa ahkiink kaa‑ayaanitc omaci‑ishiwepisiwinini.

O'omaa ahkiink kii'ayaa a'a Ihkitowin. Wiin kii'oncioshihcikaateni ahkiini. Kaawiin tahsh okiihkihkenimikohsii' o'omaa ahkiink kaa‑ayaanitc. Okiihpiotihtaan tipinawe otanahkiiwin, wiin tipinawe owiicionciimaakana' kaawiin okii'otaahpinikohsii'.

Mii hsa wa'a tepaacimintc tepwe mayaa kwayahk Waahseyaa ehpitakwihshink omaa ahkiink, mii 'awe kaawaahseshkawaatc kahkina kaapimaatisinitc ahkiink.

Kishemanitoo okii'aapaci'aan ini Moosihsoon (Moses) cipiitoonic onahshowewin. Ciisahs Christan tahsh wiin okii'aapaci'aan ciwaapanta'iwetc okishewaatisiwin, cinaako'ikotc kaye aaniin tepwe eshiayaatc.