Suosittuja jakeita Raamatun kirjasta Luk 20

Jaa

Tama Jisasgo augwalibolo te po wali, “Ao. Tama tibaso, te takis mabo sęde, te bidi Sisarbolo agai nai dabe mao, tama te lotude me te Godibolo maiabo nai yai baso da, te God agai nai dabe da agabolo dolo mao,” wali.

Tiali goli, Jisasgo augwali gedu bomonama tonaluyu, te po wali, “Godigo wali po bukude e po wabo da, ‘Te be sę ebo bagego polobadu sela sąwani masigi, te masigi nosali te be tolalubo masigi nigali.’

Tama Jisasgo aga po sabo bidibolo weyu, te po wai, “Dage dua dao, te bomo yai po koneai bidi dabede. Augwali godola pela bobobage ugwa gudama, bilama pabo dao, nogi yai bidi tiwai. Augwali godola pela te we bidigo bidi sisinibo pesagede augwalibolo siade dao omainogo, genuai bidi tiwai. Augwali mu godola pela lotu be tomode bidi gesabidide naga dualubo, genuai bidi tiwai. Augwali godola pela genuai nai tubo side augwali polalubo ni namide naga duawainogo ebo dao. Augwaligo te wilawe we dabego doado bage gisigilibo dao. Tiali goli, augwaligo tibo gedu haluasa po bobobage wabo dao. Tama nosali Godigo tigidali we bidide po tų ebo si, te tobage bidi dabe, te bomo yai po koneai dabe, augwaligo moni sęgę mu saibao, te gasa we bidigo dwasianu sęgę saibao,” Jisasgo te po wai.