Suosittuja jakeita Raamatun kirjasta A Zã Sõng 14

Jaa

Mam basd-y la m laafi, m kõt-y la m laafi la m laafi wã ka wẽnd dũni wã sẽn kõt a soaba ye. Bɩ y sũur da sãam la y ra zoe rabeem ye.

T'a Zezi yeel-a: «Maam la sore, la sɩda, la vɩɩm. Ned ka tat m Ba nengẽ tɩ ka mam maasem yĩng ye.

Bɩ y ra sãam-y sũur ye! Yãmb tẽeda Wẽnnaam, bɩ y tẽ maam me.

La Sõangdã, a Vʋʋsem Sõngo, Ba sẽn na n tʋm a soab m yʋʋr yĩnga, bãmb na n zãmsa yãmb bũmb fãa, la b na n le tẽeg-y la m sẽn togs-y bũmb ning fãa.

Sẽn mi-a mam noya la a reegd-b, yaa yẽ soab n nong maam, la sẽn nong-a maam, m Ba me na n nonga yẽ soaba, la mam me na n nong-a lame, la m na n puka m meng ne yẽ.»

La m na n kosa m Ba, la b na tʋm yãmb Sõangd a to t'a wa pa ne yãmb daar fãa. Bãmb la sɩd soaba, Vʋʋsem Sõngo, dũni sẽn ka tõe n deeg a soabã, tɩ dũni ka ne-b la a ka mi-b ye. Yãmb yẽ mi-b lame tɩ b bee ne yãmba.

La yãmb sẽn na n kos m Ba bũmb ning fãa m yʋʋr yĩnga, m na maane, tɩ m Ba paam pẽgr b Biig maasmẽ. Yãmb sã n kos-m bũmb m yʋʋr yĩnga, m na maane.

Yãmb sã n nong maam y na reeg m noya.

Dot wʋsgo n be m Ba zakẽ, sã n da kaẽ boto m naan n togsẽ yã; m dabd n na tɩ segla zĩig n bĩng yã.

La m sã n kẽng n tɩ segl zĩigã, m na le wa peeg-y n looge, tɩ mam sẽn be zĩig ninga bɩ y me zĩnd be.

La a Toma yeelame: «Soaala, tõnd ka mi y sẽn dabdẽ wɛ! D na n yɩɩ wãn n bãng sore?»