Suosittuja jakeita Raamatun kirjasta Yoni 14

Jaa

Kadu nuwami gana'ivehavehagina be ase'asemi keke gina'u'aulolo. Iya nuwaku giyamumu, keke gada'ase'u'aulolo, keke gadamatauta. Iya ganavehimeya be hida yaku miyami yamumuna amine kadu omi wanamiyami tova moya'aina. Ka'i tomiyababi hinavehimeya be yami ase'u'aulolo ginahavaina, keke velemo'ena nuwami ginayamumu. Tu ka'i Iya ganavehimeya be yami ase'u'aulolo ginahavaina, au velemo'ena nuwami ginayamumu. Hidema fa'ina Iya gagahemi keke wana'ase'u'aulolo kadu keke wanamatauta.

Yesu gigayo, “Iya Tauku yami eda Kamaku againe, kadu Iya'eku nuwanuwa velemo'ena inubana, ada Iya'eku yawai-vagahimi inubana. Aku vetumaganagaga medema yami eda Kamaku againe. E, keke tamo hakwadi anafaiweya mali edeya ginalaka'ela Kamaku againe.

Tu Yesu ime ana tomuliya gigahema gigayo, “Keke wana'ase'u'aulolo. Yaubada wanavetumaganena kadu Iya wanavetumaganeku.

Tu Toveluga, ana egana Alu'aluwa Mahalina, Bana Kamaku gina'iveninisena be yaku kabu ginavaina amanadi, gaitoma moya'aina fa'ina ginakivetuvetunumi, kadu yaku vehawala omi agaimiya fa'ina nuwami ginatalafolena.

Hakwa'adi o yaku vehimeya uhalamanena udibumuhigena, o'eni velemo'ena nuwanuwa Iya'eku, ada o'eni nuwanuwa Iya'eku amanadi Bana Kamaku yana nuwanuwa ginasena o againiya, kadu yaku nuwanuwa ganasena o againiya ada Tauku gana'ivemogataliku be wanahalamane-hagihagiyeku fa'ina.” Hidedemi Yesu gilukahihi.

Ada Kamaku ganave'o'olena, ami Toveluga velugana ginahawahegena be omi agaimiya gina'ela ginamiyamiya-vagata fa'ina. Bana'e au Yaubada Alu'aluwana, nuwanuwa velemo'ena inubana. Tu tomiyababi Yaubada keke hidahalamaneni-ma keke adifaiweya hina'ayauneni. Badi keke Alu'aluwa Mahalina hida'itahalamaneni, au hifaniyena fa'ina keke adifaiweya hina'ayauneni. Tu omi'iyao ma Bana'e wahalamanena, fa'ina omi agaimiya gimimiyami ada aimo Tauna nuwahinagemiya ginamiyami.

Ada gavadi gavadi aku eganeya wanave'o'olena, medema ganafaisewana be higa kaliva Kamaku yana kikaiwabu Iya Bana Natuna yaku faisewa againe hina'itadavadavana. Ka'i gavadi gavadi aku eganeya wanave'o'olena, medema ganafaisewana.

Ka'i velemo'ena nuwanuwami Iya'eku, au yaku vehimeya wanadibumuhigena.

Abamiya moya'aina Kamaku yana manuweya gidadauda ada Iya ganana be yami abaga ganakidewedewena fa'ina. Ka'i keke abamiya moya'aina gidadauda, kadu keke vaita gadagahe ganana yami abamiya gana'ihagihagiyena.

Ada Iya ganana yami abaga ganakidewedeweni-yo au ganayewaku ganavega'aulemi be Iya ganamiyami againe, kadu omi wana'ela buye kanamiyami.

Tu Tomasi gigahena gigayo, “Kauveya, hami unana ma keke adahalamaneni, fa'ina gavaimi eda anahalamaneni?”