Suosittuja jakeita Raamatun kirjasta Yon 3

Jaa

Moram Mua Maneka miiw mua manek akena wia kookalep ona Muuka kuisow akena nain sesekak. Naapeya wi mua eena o opora wiar miimap opimik nain wi iiwawun me mesenalikuan, Mua Maneka wameiya-pa anane eliw akena ikaikuan.

Moram Mua Maneka ona Muuka sesekak nain me miiw mua wia mekawap wia samorowa nain orok, weetak. Os-ke orop wia aawinok naep sesekak.

Naeya maakek, “Yo makena nefa maakiyem. Mua eena kiiriw enuma me ariya nain Mua Maneka pika kemena me wiar ekinon.”

Naeya wi mua o opora wiar opimik nain Mua Maneka-ke pina me wiar kema suuweya opora-pa me arikuan. Ne wi mua o opora me wiar opimik nain wiimar pina wiar ookami yo opora-pa efar ikaikuan maek. Moram wi Muuka kuisow nain opora me wiar opamik.

Mua wia mekawowa onoma feenap, parina iiriw orop miiwa-pa ikua, nain wi mua-ke parina nain mikikira iwemi epa kokoma-pa ikowa kookalimik. Moram wi sira samo-samora onimik.

O maneka-ke, ne o unuma ikoka manekarem-ikainon, yo weetak, o tepak-pa wiar ikainen,” naap maek.

Ne wi mua eena pina onimik nain epa kokoma-pa ikaiyen naimik, moram wi sira samora onimik nain ariman me yiar arinok naep parina-pa ikowa nain mia fifimik.

Naeya mua eena Muuka opora wiar miimap opiya nain anane eliwa ikainon. Ne mua opora me wiar miimiya nain weetak. Moram Mua Maneka urom sirirowa naap wiar ikainon.

Iiriw Moses eena epa asia nomon manekiw nan ifa bras-pa sirarep nomokowa-pa wuap fakerap iimarowap-pueya wi mua napum onaiya ikemik nain mokakemi sariarem-ikemik. Ne Mua Muuka pun ikoka sira naap fakerikuan.

Wiawi-ke ona Muuka kookalep maa unowa urufowa nain kekanowa iwok.