Suosittuja jakeita Raamatun kirjasta Wambeela 1

Jaa

Mulugu ahiiraga: <<Nimusasanye oofwanafwana ni ooligana ni hiyo. Oyene alamulelege somba dha mmahinjeni, balame dha odhulu, aneenyama a elabo yaatene ni dhowaabadha dhaatedhene>>. Ndala Mulugu ahimpaddusa muthu ooligana ni oliye, ooligana ni Mulugu ebaribareene ahaapaddusa. Ahimpaddusa mulobwana ni mwihiyana.

Mulugu ahaareeliha, wiira: <<Mbalanege, murelane mudhaale mwiilaboni ya vati vano musogolelege. Mulamulelege somba dha mmahinjeni, balame dha odhulu ni dhoopaddusiwa dhaatedhene dhineedda mwiilaboni ya vati>>.

Vowambeela Mulugu ahipaddusa odhulu ni elabo ya vati.

Elaboya kayawomele naari kayanna dhego. Yaali mahinje ooddiiha, owoopiha yahuruwedhiwe ni yiihi. Muneba wa Mulugu waviravira vadhulu va mahinje, osasanyedhelaga.

Vevale Mulugu ahiiraga: <<Okalewo waara!>> Vano waara wahikalawo.

Mulugu ahoona wi dhaatedhene dhasasanyiliiye dhahitthabwa okala pama. Wahiriba, osa; ndda naali nlabo na neetanu nammohi.

Mulugu ahoona wi waara waali wapama, ahigawa waara ni yiihi.

Mulugu teto ahiiraga: <<Guhuuvahani mwiilaboni ya vati manasi maatene oovaha bewu ni mithanko dhaatedhene dhinavaha dhoovaha wi mujege.

Mulugu ahithwa waara ndina na <<mutana>>; yiihi ahithwa ndina na <<mahiyu>>. Wahiriba, osa; ndda naali nlabo nowambeela.

Mulugu teto ahiiraga: <<Ekalewo yego enaagawe mahinje dhipaddi biili>>.

Ginovaha teto aneenyama ni balame ni dhowaabadha, dhoopaddusiwa dhaatedhene dhinna egumi, thongwe wi dhijege>>. Dhahiireya ndala ebaribareene.

Mulugu teto ahiiraga: <<Dhikalewo dhoomoneya odhulu wi dhigawege mutana ni mahiyu. Nda dhikale dhitoonyihedho dha mudhidhi, malabo ni yaaka.

Mulugu ahiiraga teto: <<Theya emele mithanko ni manasi a misawo-misawo. Mithanko nde dhivahege dhoovaha, manasi ekalegena bewu>>. Dhahiireya ndala ebaribareene.

Mulugu ahisasanya yego ele, yagawa mahinje oodhulu ni a vati.

Mithanko ni manasi dhahunnuwa vatheyani, dhahivaha dhoovaha dhiwa dha misawo-misawo. Mulugu ahoona wi dhasasanyiliiye dhaali dhapama.

Mulugu ahisasanya dhoomoneya biili dhuulubale, yoomoneya emohi yuulubale yoolamula mutana, nili nduwa, vano emohi eng'onong'ono, oli mweeri woolamula mahiyu, ahipaddusa teto ttendderi.

Mulugu teto ahiiraga: <<Mahinje a vati etugumane niburo nimohi wi wooneye niburo nowumma>>. Dhahiireya ndala ebaribareene. Mulugu ahithwa niburo nendde nowumma ndina na <<theya>>, ahithwa teto niburo na mahinje ndina na <<nyaza>>. Mulugu ahoona wi dhasasanyiliiye dhaali dhapama.

Ndala Mulugu ahireeliha, wiira: <<Murelane, mudhaale mmahinjeni balame dhirelane mwiilaboni>>.

Mulugu teto ahiiraga: <<Ekalewo aneenyama aatene a misawo-misawo vatheyani vaatevene oofuwiwa, a mukokolani, vamohi ni dhowaabadha dha misawo-misawo>>. Dhahiireya ndala ebaribareene.

Mulugu teto ahiiraga: <<Mmahinjeni dhidhaalemo dhoopaddusiwa dha misawo-misawo, dhikalewo balame dhoovava vaari va odhulu ni elabo ya vati>>.

Mulugu ahaapaddusa aneenyama aatene a misawo-misawo a mukokolani, oofuwiwa vamohi ni dhowaabadha. Mulugu ahoona wi dhasasanyiliiye dhaali dhapama.