Suosittuja jakeita Raamatun kirjasta Lulkavq 12

Jaa

Nul juq aqmeeq-ai lainq-ai thaq yaoq. Khul khi mail dai ngal-aq neq, nul juq maq noeq maq dul dai jaol-u phao, Tsaol-aq nail Yaqyov yavq kha lee nail ngaol” dai, ge bhiq-a nail ngaol.

Nul juq neq, Miqyail Milkhaoq bhai hal pov yaoq. Al juq iqsanl, Miqyail nul juq bhai bivq lavq nail ngaol” dai, ge bhiq-a nail ngaol.

Yeiqsul aqyu juq bhai gaoq ge bhiq-a nail: “Yu nail yalkav bhai maivjeel jeel nail neema teevq peivq ail thaq aol. Phul heel yalkav mao dai jiav nail ngel-i mail, tsaol-aq aqdoevq ya doevq nail maq ngel ail” dai, ge bhiq-a nail ngaol.

Khul khi mail dai ngal-aq neq, nul juq nail phul heel ildaoq maoqgaiq khal hal pov jil-ai thaq nail bha, nul juq nail neema jiav nail ngaol” dai, ge bhiq-a nail ngaol.

Nul juq nail lavqkhoel khe khul gaq maqkhaiq, khaoqlaol nail bhaq da nee, yovqgavq nail yeel yovqgavq teevq cav heel lal dai, khaq sil gaq nl kivq nail-aiq.

A bhai nee ngal-aq, Yeiqsul aivq nail yaq laol juq bhai ge bhiq-a nail: “Al heel ngel-i mail, ngal nul juq bhai ge lavq bhel. Khal hai khi ya jaq ya daol heeq meeq dai, nul juq aqdoevq doevq nail haqbhoil khaoq thaq laol. Khal hai khi ya gaq ya doi heeq meeq dai, nul juq nail aqmaol nail haqbhoil iqsanl, khaoq thaq laol.

Aivq nul juq nail uqhuq tsailkheel iqsanl bhai gedaiq gil-ai thaq nail ngaol. Thaq gee sil. Nul juq jaltsil mao dai mao nee maq tsil phoiq jaiq nail ngaol” dai, ge bhiq-a nail ngaol.

Yeiqsul gaoq ge nail: “Maq mao nail yaol mavqmav-ol, thaq gee sil. Nul juq nail Aqbhu Miqyail neq, aivq nail Milkhaoq lavqkhoel bhai, nul juq bhai bhi jaol nail, neema tsaq nail ngaol.

Ovngavq bhai saol-nvq daiq. Ovngavq al juq neq, gov maq kha. Gov maq gaiq-ail. Govjil maqkhaiq, yalkav oil bhoel nail thaoqlao maqkhaiq, maq jiav. Thail hai ngaol-aoq, Miqyail ovngavq al juq bhai, bhiq jaq bhiq daol nail ngaol. Nul juq keivq-avq nee maq tsil kha dai phoiq jaiq nail ngel-ail.

Nul juq khal hai ya jaq ya daol heeq meeq dai, thaq hal pov. Khaoq laol nail neema iqsanl thaq aol.

Neema thaq tsaol nail phaq gaq bhaq nail tsaol-aq juq-ol, yaq n n-gaol doevq khi niaohao miqjaq nail lavqkhoel bhai liv poiv kivq nail pavqkhuq lovkhuq bhai, Miqyail aqdai dai ail lav sav meeq bhiq haq neq, a dai nee maq tsil nul juq bhai bhi gaq bhi doi lavq nail, maq ngel ail laiq.

Khal deeq pheeq-ai thaq nail yaoq phaq yaoq-ao nee, phao daiq lavq nail ngaol. Khal oil tsail-ai thaq nail yaoq phaq yaoq-ao nee bhai iqsanl, heeq kivq lal nail ngaol.