Suosittuja jakeita Raamatun kirjasta Mateo 10

Jaa

¡Qaq qan'axaÿaxañiichigui de'eda shinapec! Da aÿim qami' sama'q, qalaq qoñiita'am qome ana qagueta da quichiguingui nam shiguiÿacpi mayi dequi'iÿapec. Qalaq ÿataqta sa qanqalaachi qome, qoñiita'am na n'adaxanaq, qalaxayi sa ishit da qauacoñiÿa'aguet ca qad'oi, qoñiita'am na qoto'pi.

Qaq ca nshitaique da maichi nca'alaxateec da maichi nachaalataxac, nachi camayi daqat. Qalaxayi ca 'ico' ÿaqataqchit da nachaalataxac, souaxat da aÿim quetague', nachi camayi qanca'alaxateec.

Qaq sa ishit qome da qayi'iÿai cam ishit da ÿalauat da n'oquiaxac, qalaxayi sa ishit da ÿalauat som lqui'i. Chaqdato' qome da qayi'iÿai añi Dios mayi ishit da nlaxajñi da n'oquiaxac qataq som lqui'i, da ÿasaxaña cam nhuaxanqa' na 'itaxaloxoicpi.

Qataq cam aÿim quegue da huo'otaq sa ishit da lhuennataxa da nai'ctaxa da aÿim ileetalec, nachi camayi sa ishit da ÿalamaxat.

Qaq ÿoqo'oyi 'enauac nam da'aqtaxanem nam shiÿaxauapi da aÿim quetague', qaq aÿim nataq'en sa'axatem qome namayipi ñi ita'a mayi neta'ague da piguem. Qalaxayi cam sa ishit da i'axatem na shiÿaxauapi da aÿim quetague', qaq aÿim nataq'en sa ishit da sa'axatem qome camayi ñi ita'a mayi neta'ague da piguem.

Qataq qanatayiñi qome na sa no'onpi, qataq qanca'alaxachiiuec nam mashi ileupi, qataq qauÿoi nam nchiga na l'oc, qataq qau'oyiÿauec na n'ec leguemaxaicpi. Qaq de'eda n'añaxac, damayi chochi qami' qoÿaatema, qaq ÿoqo'oyi sa ishit qome da qaushiichiñi da qau'onataxañiÿa.

Qaq ÿoqo'oyi sa ishit qome da qayi'iitac, cha'ayi qami' ÿataqta qanapaquiÿalec da lashiichiÿaxac cam qalota qoÿopiolec.

Sa ishit qome da qaupichiitega da aÿim ñida'a ana 'alhua da nlagaxa. Aÿim sa ishit da ñidoi' da nlagaxayic, chaqdata da loquiaxac.