Suosittuja jakeita Raamatun kirjasta San Lucas 17

Jaa

Tuꞌajanʉꞌcõ, Samariacjʉ̃rẽ nicʉ niwĩ: —Mʉꞌʉ ẽjõpeotjĩagʉ̃, yʉꞌrʉonoꞌapʉ. Wãꞌcãnʉꞌcãña. Mʉꞌʉ ya wiꞌipʉ tojaagʉsaꞌa, nicʉ niwĩ.

Cʉ̃ sietetiri niꞌcã nʉmʉ mʉꞌʉrẽ ñaꞌarõ weecã, ticʉsetirita tja mʉꞌʉrẽ acobojose sẽrĩgʉ̃ aꞌticã, acobojoya, nicʉ niwĩ.

Niꞌcʉ̃ topʉ yatinoꞌcã ĩꞌagʉ̃, Jesú tiro majãmitojaticʉ niwĩ. Õꞌacʉ̃rẽ pũrõ eꞌcatise oꞌocʉ niwĩ. Jesú tiro etagʉ, cʉ̃rẽ eꞌcatise oꞌogʉ, diꞌtapʉ paamuꞌrĩqueꞌacʉ niwĩ. Cʉ̃ tojo weegʉ́ Samariacjʉ̃ nicʉ niwĩ.

Aꞌtere añurõ tʉꞌoñaꞌña. »Mʉꞌʉ acaweregʉ mʉꞌʉrẽ ñaꞌarõ weecã, cʉ̃ tojo weesere wereya. Cʉ̃ “Tojota weeasʉ” ni bʉjaweti dʉcayucã, cʉ̃rẽ acobojoya.

Jesú cʉ̃ niꞌcʉ̃rẽta ĩꞌagʉ̃, aꞌtiro nicʉ niwĩ: —Yʉꞌʉ diez cãmi boarãrẽ yʉꞌrʉoapʉ. Ãpẽrã waro ¿noꞌo waꞌati?

Na tojo nicã tʉꞌogʉ, marĩ wiogʉ aꞌtiro yʉꞌticʉ niwĩ: —Mostaza pe cãꞌcaperoacã niꞌi. Tojo nimirõ, yucʉ pajicjʉ pĩꞌrĩsaꞌa. Aꞌtiro weronojõ ẽjõpeose cãꞌrõacã nimicã, aꞌtigʉ yucʉgʉre aꞌtiro nimasĩbosaꞌa: “Aꞌtore aupĩawãꞌcã, dia pajiri maa decopʉ pĩꞌrĩrõ waꞌaya”, nimasĩsaꞌa. Mʉsã ẽjõpeocãma, tigʉ mʉsã dutironojõta weebosaꞌa, nicʉ niwĩ.

Yʉꞌʉre ẽjõpeose meꞌrã ñaꞌarõ yʉꞌrʉsĩꞌrĩtigʉ, yʉꞌʉre ẽjõpeoduꞌugʉnojõ pecameꞌepʉ buꞌiri daꞌre bajurionoꞌgʉ̃sami. Apĩ wẽjẽsere uiti, yʉꞌʉre ẽjõpeonuꞌcũgʉ̃nojõ yʉꞌʉ meꞌrã catinuꞌcũgʉ̃sami.

Jesú cʉ̃ buꞌerãrẽ aꞌtiro nicʉ niwĩ: —Ãpẽrãrẽ ñaꞌarõ weecã weese ninuꞌcũrõsaꞌa, nírõ peꞌe. Tojo ninuꞌcũmirõ, ñaꞌarõ weecã weegʉnojõrẽ ñaꞌabutiaro waꞌarosaꞌa. Aꞌtiro weecã, cʉ̃rẽ nemorõ añubosaꞌa. Ʉ̃tãgã pajicja cʉ̃ wãmʉtapʉ dʉꞌteyoo, cʉ̃rẽ dia pajiri maapʉ doqueñocã, nemorõ añubosaꞌa. Tojo weecã, cʉ̃ maata wẽrĩa waꞌa, yʉꞌʉre ẽjõpeorãnojõacãrẽ dojorẽnemotibosami.

Yʉꞌʉ Õꞌacʉ̃ macʉ̃ masʉ̃ weronojõ upʉtigʉ aꞌtiri cura dʉporocjʉ̃pʉ Noé, cʉ̃ nícateropʉ weeꞌcaro weronojõ weerãsama. Titapʉre na baꞌa, sĩꞌrĩ, omocã dʉꞌte, na põꞌrã numiarẽ numisocãrã niwã. Tere Noé cʉ̃ yucʉsʉjopʉ sãjãarĩ curapʉ weetʉocãrã niwã. Beꞌro dia mirĩ, narẽ miopeꞌocãꞌcaro niwʉ̃.