Suosittuja jakeita Raamatun kirjasta Matio' 18

Jaa

Deh no-eh, :dha-beh: nyor⧾ 'sororn', nyor⧾ taan, on :gweh-dih:-a :dha :due', 'de 'an 'nyne 'di, 'do :wor 'on :ne 'do on 'nyne-'.

'De 'an zela a :gwluhuh' :neheh', :mor eh 'dhu a-a' nyor⧾ 'sororn' 'worn-dih: deh-beh-a' dhih ken dih dha yao 'zorn, 'de on 'ye-eh' 'On-ba: :or :ne-a 'de yai' 'yba-dih:, :yee' or mu-eh :no 'do on bo.

'De :Yusu' 'da 'yu-yu-beh :due' 'de or bo. 'De or dhe-or dih 'do an-a' gwea, 'de or 'dae:, Dhih 'jeh, 'an zela a :gwluhuh', :mor a se-' dih 'bili:, a se 'nynuu: :nyene' gweh, :yee' a 'se 'ba 'de Nyorsoa-a' nyor⧾ wlu 'ken :korn-eh 'zorn pa.

Nyor :or ya-a or-a' 'jeh ya, :ka 'yu-yu: :daa or :ne-a, or-: 'dhu nyor :klaba'-' 'de nyor⧾ :on :ne-a 'de Nyorsoa-a' nyor⧾ wlu 'ken :korn-eh 'zorn 'klu-'.

:Yee' nyor :or kpon-a 'yu-yu dih, 'de 'an 'nyne 'di, :ka :yor :daa or :ne-a, :yee' nyor :dao', 'mor-: 'o or kpon dih.

Dhih 'jeh, 'an zela a :gwluhuh', deh-beh: a se-a 'ken dih 'worn-dih: dha yao 'zorn, eh :se-' ken dih 'worn-dih-eh: i 'de Nyorsoa 'bli yai'. 'De deh-beh: a :za-a wlu 'ken dha yao 'zorn, eh mu wlu 'ken :za-eh: :ke 'de Nyorsoa 'bli yai'.

'De :Yusu' 'dae:, 'Ka-: 'o :ke, 'On-ba: :or :ne-a 'de yai', or mu a-a' klehkpeh-a' dhih :no :ke, :mor eh 'dhu, a se deh⧾-zon:⧾ a-a' 'de-di'-boi' no-a 'do a 'bhun, en-' dhih bo 'ma-dih: 'do a-a' :porluh⧾-a' klehkpeh bo.

Jorwor: nyor-beh-nyor-beh: :or mu-eh :no, 'de 'nynuu: :nyene' :daa :on po-a 'an dhih dhih 'jeh-', on 'ye-a' 'o :gwie: 'jeh 'i 'wluh, 'de on 'ye-a' :gwie-zon kpa, :yee' eh mu 'yi dih :nmor 'do nyor :dao', sobu' :klaba' 'ye 'o or :gwlii' :san-dih-eh:, 'de or 'ye 'o yobo'-a' :wloo' :po-eh:, 'de or 'ye 'meh.

:Yee' :Yusu'-a kpa or-a' wlu 'dlu bo, or 'dae:, :Kaa a-a' :porluh⧾ no eh-a' 'ye-a' :eh? :Mor eh 'dhu, nyor-kpalu :due' 'ble 'blae'⧾-a' :kehehn' :due', 'de :due' 'ye 'o 'wluh, eh 'ye 'ma. :Mor eh :ne :ao', :yee' or :se 'o 'blae'⧾ :dao' :en :korn-a :kwlaa :meheh' :nyieh 'yor :ne-a :meheh' :nyieh 'do tluh ken :sie: i, 'de or 'ye :yeh :eh 'ma-a 'bhorn 'da mu :e?