Suosittuja jakeita Raamatun kirjasta JOHAN 2

Jaa

Isûn hi a thilmak thaw phutna hi Galili ram Kana khuoa chun a thaw a nih, a ropuizie ân langtir a; chun, a inchûktirhai chun ama chu an ring ta a.

Isu chun a kuomah, “Nuhmei, nanga mi lo hrietpêk ding ieng am a um a? ka hun a la tlung nawh,” a ta.

Chun, Isûn an kuomah, “Tuibêlahai tui suksip ro,” a ta. A rei inruolin an suksip seng a. Chun, an kuomah, “Tuhin thâl unla, ruoiṭhe hotu kuomah fepui ro,” a ta. Chun, an fepui ta a.

Isûn an kuomah, “Hi in hi sukse unla, ni thum sûngin inngîr nâwk ka tih,” a ta, a dawn a.

Chun, hruihruol invuokna a siem a, sebâwng le berâm an rêngin Pathien biekina inthawk chun a hnawt dawk a, tangka thlengtuhai tangka chu a bunthlâk a, an dawkânhai a nam thlûkpêk bawk a; chun, vaṭhu zawrtuhai kuoma chun, “Hieng thilhai hi hitaka inthawkin fepui ro, ka Pa in sumdâwngna inin siem naw ro,” a ta.