Suosittuja jakeita Raamatun kirjasta JOHN 10

Jaa

Guta chu gu diing leh, that diing leh, suse diing loungalin ahung sih; kei chu amahun hinna a neihna diing uleh, tampi a, a neihna diing va hung ka hi.

Kei belaampu hoih chu ka hi; belaampu hoihin a belaamte diing in a hin na a pia hi.

Ka belaamte’n ka aw a ja uh, ke'n amahuh ka he hi; huleh amahun ahung jui uhi.

Huleh keima’n a kawmvah kumtuang hinna ka pia hi, kumtuang in a mangthai sih diing va, koima’n ka khut apat ahung laahsah thei sih diing uh

Kei kotkhaah chu ka hi; koipouh keimaha a luut leh hutdam in a um diing; huleh luut in a pawt diing a, neeh diing a mu diing hi.

Kei belaampu hoih chu ka hi, huleh ka belaamte ka he a, amahun zong kei ahung he uhi.

Ka Pa amahuh hung pepa mi zousiah sangin a lian zaw hi; koima’n ka Pa khut apat ahung laahsah sih diing hi. Kei leh ka Pa khat ka hi uh, a chi a.

Pain kei ahung heet bangin ke'n zong Pa ka he hi; huleh belaamte diingin ka hinna ka pia hi.

Koima’n ahung laahsah ahi sih a, ka thuin ka pia ahi zaw hi. Piah theihna leh laah kiit theihna thu ka nei hi. Hi thupiah ka Pa apat ka muta hi, a chi a.

Huin Jesu’n a kawmvah, Chihtahzetin, chihtahzetin ka hung hilh ahi, Kei belaam kotkhaah chu ka hi.

Hizongleh kiloh, belaampu tahlou, belaamte amah a hilou inchu ngei hung a muh chiangin belaamte a nusia a, a tai veu; huleh ngeiin amahuh a man a, a sudalh veu hi.

Chihtahzetin, chihtahzetin ka hung hilh ahi, Koipouh kotkhaah a luutlou a, lamtuama kala belaam huanga luut chu guta leh suammang ahi.