Suosittuja jakeita Raamatun kirjasta JOHN 19

Jaa

Huin Jesu’n uain thuuh a dawn zohin, Joh ahita, a chi a; huin a lu a kuun a, hagau a hahta hi.

Hi nungin Jesu’n sil bangkim tuin bawl zohveh ahita chih he in Pathian lehkhathu a taangtun na diingin, Ka dang a taah, a chi a.

Hujiahin Jesu’n a nu leh, nungjui a lungsiatpa a kawma diing a muh in a nu kawmah, Numei, en in na tapa! a chi a. Huin nungjuipa kawmah, En in na nu! a chi a. Hua kipanin hu nungjuipa’n amahnu chu a inn ah a puita hi.

Hizongleh Jesu kawm ahung phaah un ana si zouta chih ahung mu va, a keengte a sutan sih uhi. Hizongleh sepaihte laha khat in teipiin a naah a sun a, hutah ah sisan leh tui ahung pawtdohpah hi.

Ajiahchu Pathian lehkhathu, A guh khat zong suhtan ahi sih diing, chih a taangtun theihna diingin hi silte ahung umta ahi. Huleh Pathian lehkhathu dangin, Amahun a sutpa uh a en diing uh, a chi hi.

Huleh amah chu a kros kipuaahin, Luguh kichi, Hebrai haama Golgotha kichi munah a chiah a

Huleh sepaihte’n linglukhuh a phan va, a khuhsah va, huleh puansandup a silhsah uh.