Suosittuja jakeita Raamatun kirjasta ROMETE 12

Jaa

Hi khovel daan bangin um sih unla; himahleh Pathian deihzawng hoih leh, kipaahpih taah leh, hoih bukim bang ahiai chih na heetchian theihna diingun na lungsim uh a thah a um in hung limdang zawta un.

Hujiahin unaute, Pathian kawma na sapum uh kithoihna hing leh, siangthou leh, pomtaah hi diing a kilaan diingin Pathian khotuahna jiahin ka hung ngen hi, huchu na natoh diing va kilawm him ahi.

Kinepna a kipaah zingin; gimthuaahna ah hahkat un; haamteina a kuhkal zingin

Gilou zohin um sih unla, hoihna in gilou zou zaw un.

Unau kilungsiatna in khat leh khat kilainattuah chiat unla; kizahbawlna lamah kideihsahtuah chiat un

Lungsiatna chu heembawlna tel louin hi heh; Gilou photmah hua unla, hoihlam photmah tu tinten un.

Ahihtheih inchu, na thu va ahihtheih laisiah mi zousiah toh kituaahin um un.

Unau deihtahte, phuba kila sih un, himahleh lungthahna chu Pathian ot zaw un; ajiahchu hichibanga gelh ahi, Phubalaah mawngmawng keimah a ahi; keima’n ka thuh na diing, Lalpa’n a chi hi, chih.

Taimaah lamah thase sih unla; hagaulamah phatuamngai un; Lalpa nna tong in.

Bang jiahin ahiai i chih leh ka kawma hung kipia hehpihna jalin, na lahva mi koimah in a kingaihsang diing huntawh val a kingaisang lou in, himahleh Pathian in mi chin kawma ginna a piah hun bang jel a dihtaha ngaihtuah zaw diingin ka chi ahi.

Koimah giitlouh giitlouhin thuh sih un. Mi zousiah mitmuh ah sil kilawm bawl diing tum un.

Khat leh khat ngaihtuah kibangin um un. Sil saang talua ngaihtuah sih unla, mi neu tata toh kilawizaw un. Kipilsah sih un.

Hujiahin na meelma a gilkial leh neeh diing pia in; a dangtaah leh dawn diing pia in; ajiahchu huchibanga na bawl leh a lu tungah mei-am na sekhawm ahi diing hi.

Ahung gawtte vangpiah un; vangpiah unla, haamsiat sih un. Kipaahte kipaahpih unla, kapte kahpih un.

Misiangthoute taahsapna awng huhsah unla; mikhualte kipaahpih zing un.

Ajiahchu sapumkhat a hiang tampi i neih a, huleh hiang zousiah natoh a kibat veh louh bangmahin; Eihaw tampi hizong lehang Khrist ah sapumkhat i hi a; khat leh khat i kihiangtuah chiat uhi.