Suosittuja jakeita Raamatun kirjasta Semtilbu 17

Jaa

Chuin Abram kum somko le kumko alhinin, ahenga Pakai ahung kilah-in, ajah-a, Keima hat chungnung Pathen kahi, kamasanga kitah tah-in lamlhan lang, nangma chamkimin.

Namin jong Abram tia kikou talou ding, amavang namin Abraham tia kikou ding ahitai; ajehchu nangma namtin pa-a kasem nahitai.

Keima nangma le nanunga nachilhah te-a dinga Pathen kahina dingin, keima le nangma kah-a, chule khonunga nachilhah te akhang akhanguva tonsot kitepna-a dinga kakitepna kaphudoh ding ahi.

Keima thudol vang, ven, kakitepna chu nakoma aume, chule nangma nam tamtah pa nahi ding ahi.

Chuin Pathen'in, Na-inneipi Sarah'in tahbeh-a nangma chapa khat nahin peh ding, chule nangman amin Isaac nasah ding ahi. Chule kakitepna chu amale ama nunga achilhahte dinga tonsot kitepna hidinga kasuhdet ding ahi.

Chule keiman nakholjinna Kanaan gam pumpi hi, nangma le khonunga nachilhahte henga tonsotna nalo diuva kapeh ding; chule keima amaho Pathen kahiding ahi, ati.

Chuin Abraham'in tolla amai asulutnin, anuijin ahi, chule alungthimin, kum jakhat mi-a dinga cha peng ding ham? Chule kum somko mi Sarah'in cha ahin nahlai ding ham? ati.

Chuin Pathen'in Abraham jah-a, Na-inneipi Sarai thudol vang, Nangman amin Sarai nati tahlou ding; amavang amin Sarah hijoding ahitai.

Chule nanghon natahsao nachep vunnu chu natan dingu; hichu keima le nangho kah-a kitepna melchihna hiding ahi.

Ahin kakitepna vang chu Sarah'in khovei tuphat teng ahinding Isaac toh kasuhdet ding ahi.

Chule nalah uva mi niget lhing tapou, nason nachilhah-a pasal tapou, na-in'a peng hihen, nachilhah hilou gamdang mi nasuma nachoh hijongle, pasal tapou chu chep kitan cheh ding ahi. Na-in'a peng hihen lang, nasuma nachoh hijong leh chep kitan teiding ahi; chule kakitepna chu tonsot kitepna-a dinga natahsaova umding ahi.